رواية القاصرات كامله بقلم اية محمد

علا الزوجة الأولي هيتجوز الرابعه..
هاجر الزوجة التانية يلا في ستين داهية..
صفا الزوجة التالته وو مين دي بقي!!
علا يعني هتفرق معاكي هي مين يا صفا!! ولا انتي يا هاجر مش فارق معاكي عيلة كمان تيجي تترمي هنا في الڼار دي!! تتجوز واحد عنده 53 سنه!
هاجر وأنا هعمل اي!! قولتلكوا نقتلوا ونريح بنات الناس منه محدش فيكم رد عليا...

علا أنتي هبلة يا بت.. عاوزانا نودي روحنا في داهية!! و بنتي مين هيربيها!!
هاجر خلاص أنا مستعده أخد فيه إعدام..
صفا لا يا أبلة هاجر متعمليش كدا..
هاجر اتفضلي.. عيلة عندها 14 سنه اهيه حياتها اټدمرت هنا.. و أنا لما جيت هنا من أربع سنين كنت 17 سنه و انتي يا علا كنتي صغيرة!
علا لا أنا مكنتش قاصر.. بس مكنتش أعرف أنه مريض كدا.. لو كنت أعرف مكنتش خلفت منه..
صفا يا أبلة علا إحنا لازم نعمل حاجه.. مش زي ما ابلة هاجر بتقول بس يعني نهرب ولا اي حاجه..
علا أول حاجه احنا لازم نبوظ الجوازة.. مش عشان جمال عينيه.. بس عشان البت اللي جايبها صغيرة بردو و بعدها نفكر سوا.. كل واحده تفكر في حاجه ونشوف هنعمل اي..
بعد كام ساعة هاجر كانت بتغير هدومها بعد ما خلصت تحضير الغدا مع علا.. هاجر و علا مكانوش بيخلوا صفا تعمل حاجات كتير وطول ما جوزهم مش في البيت كانوا بيسيبوها تذاكر من وراه طبعا.. 
والدة هاجر خبطت علي الباب ودخلت..
هاجر پغضب انا قولتلك ادخلي!! خبطتي ومرديتيش يبقي تستني يمكن بغير هدومي ولا مش عاوزاكي تدخلي..
عبلة بت انتي احترمي نفسك وأنتي بتكلميني!!
هاجر وهتعلم الإحترام من مين بقي يا حسرة.. اي اللي جايبك هنا!!
عبلة بقالك اربع سنين متجوزة ومخلفتيش.. جيبتلك دوا طبيعي من الأعشاب.. اشربيه يمكن تخلفي..
هاجر وأنتي مالك!
عبلة أما انتي بت قليلة الأدب صحيح!! هو أي اللي انتي مالك!
هاجر أنتي مالك بيا.. انتي مش بعتيني وخدتي تمني!!
عبلة انا جوزتك احسن جوازة...
هاجر احسن جوازة اه وقبضتي علي قلبك 250 الف جنيه انتي وعيالك..
عبلة عيالي!! دول أخواتك الرجالة..
هاجر تفي من بوقك متقوليش عليهم كدا.. انا مشوفتلكيش راجل واحد.. راجل عايش بفلوس اللي اشتري أختهم.. دخلتيهم بتمني الكليات و هما فاشلين اصلا ومش نافعين واللي بيصرف علي الرجالة بتوعك جوز أختهم.. فرحانه بيهم دلوقتي.. يلا روحي بقي افرحي بعيد عني وملكيش دعوة.. يا رب اموت قبل ما بطني تشيل من الراجل ده...
عبلة اخس عيب عليكي.. انا معرفتش اربيكي..
هاجر للأسف الشديد دي حقيقة.. يلا بقي اتكلي علي الله عشان أغير هدومي و أروق اوضتي.. يلا مع السلامه...
عبلة !!!!!
هاجر يلا بقولك قومي امشي.. قومي يلا...
هاجر وقفت وشدت أمها برا أوضتها وقفلت الباب وراها.. قعدت تاني علي سريرها ودمعة نزلت من عينيها... 
مليانه قهر علي أمها اللي باعت بنتها لراجل قد ابوها عشان خاطر أخواتها الولاد.. مكنش عندها قناعة وعايشه بمعاش جوزها.. كانت عايزة الفلوس اكتر من سعادة بنتها اللي عندها 17 سنه... 
هاجر مسحت دموعها وبدأت تفكر في خطة عشان خاطر تقدر تنفد منه قبل ما عمرها يضيع معاه...
علا كانت واقفه في المطبخ بتعمل سلطة خضرا وهي بتذاكر لبنتها اللي عمرها 6 سنين... 
علا اتجوزته وهي عندها 20 سنه وقتها كان عنده 45 سنه.. أكبر منها ب 25 سنه بس وافقت بإجبار من أبوها.. ازاي يرفض أغني واحد في بلدهم و اللي عايش في أكبر بيت ومعاه كام عربية.. يبقي غبي لو رفض...
أما صفا ف اتجوزها من 3 شهور بس.. أخواتها البنات هما اللي جوزوهاله و بردو خدوا فلوس كتير.. لا ليها اب ولا أم ولا عم ولا خال.. و أخواتها قالوا ولادنا اولي بالقرش اللي هيتصرف عليها... 
بتفتكر نفسها وهي قاعده جمبه.. جوزها راجل عنده 53 سنه حتي أكبر من العمر اللي ابوها ماټ فيه..
ملك ماما.. بابا جه..
هاجر جته عقربه خلصتنا منه انا قولت اتأخر لبليل كدا يعني حصلتله مصېبه.
علا روحي روحي أجري سلمي عليه يا ملك...
ملك هيييه بابا....
هاجر بضيق يا مراري الطافح مكنتش ترجعلنا متشال علي نقاله!
عاصم يا أهلا بالحلوة الصغيرة حبيبة أبوها مساء الخير.
صفا بتوتر مساء النور.
عاصم الأكل جاهز
علا اه يا