رواية اسيرة الماضي كامله بقلم اية محمد

اللي انتي عايزاة طبعا و انا هستناكي.. حتي لو هستناكي العمر كله...
مريم ولو كان قراري نبعد..
مراد مش هفترضه اصلا ي مريم.. انا مش هقدر اتخيل حاجة زي دي!!
..........................................
صافي أبية مراد بقي عريس.. ابيه مراد بقي عريس..
سيرين پغضب اسكت بقي ي صفصف...
صافي پغضب أسمي صافي مش صفصف...
سيرين لا صفصف ولو مسكتيش هخلي كل اصحابك يقولولك كدا...
صافي ھتموتي و هتولعي عشان ابية مراد اتجوز واحدة غيرك..
سيرين كلكوا عارفين ان مراد بيحبني و انه لسه دبلته في إيدي.. ي صفصف!
ويتبع...
بعتذر التأخير بسبب النت ....
ي تري مراد صادق ولا كداب..قولولي شايفين
آسيرة_الماضي
مراد أنا جهزت العشا... ممكن تاكلي معايا..
مريم هعمل...
مراد بمقاطعه عصير عشان مبتعرفيش تاكلي من غير ما يكون موجود... عملتلك عصير فراولة فريش..
مريم شكرا ليک..
مراد العفو..
مريم قعدت قصاد مراد بتاكل بهدوء وهو بيبصلها و هي بتحاول تهرب من نظراته..
مريم أنا عاوزة اروح لدكتورة عشان أتطمن علي البيبي و ابدأ متابعه...
مراد حاضر.. تحبي تروحي أمتي!
مريم اي وقت.. أنت هتيجي معايا
مراد أيوا طبعا.
مريم تمام.. وقت تكون فاضي فيه..
مراد خلاص بكرا بليل..
مريم تمام..
بعد العشا مريم لمت الأكل من علي السفرة وغسلت الأطباق و بعدين خرجت كان مراد قاعد في الصالة..
مراد تحبي نشرب الشاي في البلكونه.
مريم لا أنا تعبانه و عايزة أنام.. تصبح علي خير..
مراد و انتي من أهل الخير...
مريم دخلت أوضتها وقفلت الباب وراها..وقعدت تفكر.. 
معقول في يوم كنت بحبه!
مريم بحزن رسمت أحلام كتير من و أنا صغيرة عن فرحي و عن الشخص اللي هتجوزه... في يوم وليله بقيت زوجة... 
لما اتخطبت لزياد كان عشان بابا.. هو كان كويس بس عمري ما حسيت انه هو دا اللي اتمنيته.. 
خلاص كدا الأحلام دي مش هتحقق!! 
خسړت كل حاجه..
سمعت صوت دق علي الباب...
مراد مريم ممكن دقيقة..
مريم فتحت الباب و بصتله ب استفهام...
مراد هو بصراحه أنا...
مريم أنت اي!!
مراد تعالي شوفي...
مريم خرجت و مراد وراها لحد ما وصلوا لقدام المطبخ والحمام...
مريم اي دا.. اي الأصفر دا!!
مراد دا.. دا الخمار الابيض بتاعك..
مريم پصدمه اااي.. و بقي اصفر اااي دا دا في ازرق كمان...
مراد بصراحه انا لقيتك روقتي البيت قولت اساعد و اغسل الهدوم..
مريم پغضب و كدا ساعدت.. دا الخمار الوحيد اللي معايا...
مراد اتضايق من ڠضبها لكنه متكلمش و مريم حست بالذنب لأنه كان بيحاول يعمل حاجه عشانها...
مريم بهدوء أنا أسفة.. خلاص مش مشكله يعني انا كدا كدا مبخرجش... و معايا بندانتي هلبسها..
مراد بغيظ بجد... تصدقي كان ممكن أتعصب لو قعدتي بشعرك عادي قدام جوزك.. لا الحمد لله في بندانه..
مريم لا بلاش تريقه انت مبوظ نص الغسيل.. مش عارفه انا الرجالة كانوا هيعملوا اي من غير الستات..
مراد لا متتنفخيش أوي علفكرا الخمار بتاعك هو اللي تلاقيه رخيص... جيباه من ع الرصيف دا ولا اي!!
مريم پغضب انت تعرف اصلا تلبس من الأماكن اللي بشتري منها بهدومك اللي ملهاش شكل دي.. و بعدين دي بالعقل كدا الأبيض بيتغسل لوحده.. مش عارفه العقلية دي دخلت كلية شرطة ازاي!!
مراد انا الأول علي دفعتي اربع سنين...
مريم و أنا متخرجة بإمتياز مع مرتبة الشرف...
مراد مرتبة ولا مخده..
مريم اي دا يعععع.. اي القرف دا متقلش تاني بجد..
مراد وحشه اوي!
مريم بضحك تقرف..
مراد بهدوء طيب الخمار دا هنعمل اي فيه!
مريم هتجيبلي غيره مش انت اللي بوظته..
مراد خمار بس... دا انا عيوني و قلبي للست مريم..
مريم احم.. خمسه سنتي بس بعيد عشان الحيطة ورايا...
مراد وماله يعني ميجراش حاجه...
مريم ولاااا احترم نفسك..
مراد ولاا... انا بعد العمر دا يتقلي ولا... دا أنتي يومك اسود..
مريم والله لو مديت ايدك عليا لأصوت وألم عليك العمارة كلها...
مراد بضحك العمارة مفيهاش سكان غير احنا ورنا و رنا مش هنا... يعني احنا لوحدنا ي جميل.. و ياسر لو حطيت في ايده 100 جنيه هيعمل نفسه مبيسمعش العمر كله...
مريم حلو اوي.. يعني لو اديته 200 هيساعدني في تقطيعك و يفتحلي الأكياس السودا كمان..
مراد والله.. طيب وريني شطارتك كدا... تخيلي كدا.. أنا و أنتي و بيت لطيف و ولد شبهي نايم علي رجلك بتسرحيله شعره و بنوته شبهك بتجري ورايا و بنلعب ونضحك... و ننيمهم و نعمل شاي بلبن و نسهر نتكلم عنهم و عن مستقبلهم..
مريم بخفوت مراد.. ممكن اطلب منك طلب..
مراد ب أمل أطلبي طبعا ي مريم...
مريم بالله عليك تشوفلي زي ألوان مش شغالة ليه عاوزة أسمع المسلسل...
مراد بعد عنها بعد ما كان بينهم مسافة قصيرة وبصلها ببلاهه لفترة و بعدين أخد نفس عميق و اتكلم..
مراد زي ألوان ها!
مريم ي ريت يعني..
مراد دا أنا هخلي وشك كله يجيب الوان دلوقتي..
مريم جريت من قدامه و دخلت بسرعة من قدامه وهو وراها لحد ما باب اوضتها اتقفل في وشه...
مراد أنتي ي بت عبيطة ما قولتلك مية مره معايا مفتاح الأوضة..
مريم روح نام عشان انا تعبانه وعايزة انام...
مراد طب اي رأيك بقي انا هسمي ابني عصمت علي اسم أبويا ولو جت بت بردو هسميه عصمت...
مريم بإنفعال عصمت اي انت عايز تعقدلي ابني..يعني انت يبقي اسمك مراد و ابنك عصمت والله فكرتني ب زكريا لؤي...
مراد بإنفعال مين زكريا لؤي دا!!!
مريم فتحت الباب و وقفت قدامه و هي بتتكلم بشرود و بتستفزه...
مريم يااه.. الشيخ ذكريا.. أدب اي و أخلاق اي.. الشيخ ذكريا كان بيقول بكل حب قد يكون العقل شرقي لكن القلب والله عاشق
مراد نعم ي أختييييي!!! دا انا هربيكي من أول وجديد... مين ذكريا دا ي مريم عشان اروح افضي مسډسي في دماغي...
مريم محدش يقدر يأذيه.. ولا انت ولا ألف واحد زيك...
مراد پغضب مريم احترمي نفسك وقولي انك بتهزري عشان لو بجد في انتي عديني حدودك متنسيش اني جوزك!!
مريم بضحك دا بطل رواية... روح نام بقي ربنا يهديك عايزة انام...
مراد اه صح انا نسيت انك مچنونة.. اتخمدي ي مريم..
مراد سابها و دخل أوضته ورمي نفسه علي سريره و نام اليوم دا وهو حاسس براحه اكتر من اليومين اللي فاتوا... 
مريم حست بالهدوء و السکينه شوية ناحية مراد ولكن قلبها ناحيته لسه فيه حاجز أنها خسړت ابوها بسببه ولكنه أكد لها أنه غلطهم هما الإثنين يعني هو مش جاني!..
مريم يوم ما هولد هاخد ابني وأروح لبابا يمكن وقتها قلبه يحن!!
تاني يوم مريم صحيت من النوم أول ما فتحت عينيها لقت مراد قاعد جمبها و بيبصلها.. خاڤت واتعدلت بسرعة و بعدت عنه...
مريم في اي!
مراد معلشي انا عارف اني عايش في حياتك اكتر منك أنتي شخصيا بس بصراحه كنت عاوز اخد رأيك دول كفاية ولا لا!!
مريم بصت علي السرير لقت 10 أخمرة ألوان مختلفة قدامها لسه جديد... بصتلهم وبعدين بصت لمراد...
مريم انت لما كنت صغير دماغك اتخبطت في الحيطة أو وقعت واقعه شديده!!!
مراد اشمعنا!
مريم انا هلبس الأخمرة دي علي اي!!
مراد وقف و فتح الدولاب وكان فيه فساتين كتير ي مريم...
مريم اممم.. بتحاول تبهرني وكدا يعني..
مراد تؤ.. بحاول أفرحك ي مريم.. يلا قومي البسي عشان هننزل نفطر برا و نتمشي