رواية ليليان ومهاب كامله من الفصل الاول الي الفصل العاشر بقلم همسة امل

مش مهم التكاليف المهم تنقذ بابا
صړخت به ليليان وهى تبكى ذهب الطبيب وقالت الام
ليليان انا هروح ابيع الذهب بتاعى علشان ندفع تكاليف العمليه واجى بسرعه
انا كمان هاجى معاكى يا ماما اسحب الفلوس اللى بابا حاططها فى البنك بأسمى علشان جوازى
دهب الاثنين بسرعه وقبل ان يصلوا لباب المستشفى سمعوا صوت الطبيب ينادى عليهم
تكاليف العمليه ادفعت وهو هيعملها فى اسرع وقت
مين اللى دفع التكاليف 
سألت الام باستغراب فأجاب الطبيب
اللى دفع رفض يذكر اسمه اللى اعرفه ان الحسابات استلمت شيك بمبلغ العمليه المهم اننا هنجهزه للعمليه دلوقتى
جلست الام وليليان ينتظرون الخبر عن نجاح العمليه وهم يفكرون بمن دفع التكاليف بهذه السرعه ولماذا لكن كل ما يهمهم الان ان يخرج لهم بالسلامه
مر الوقت بطئ عليهم وجاءت مريم لهم بعد ان علمت ما حدث من الجيران واخذ الجميع يدعو له بالشفاء وبعد مرور اكثر من خمس ساعات خرج الطبيب لهم وقال بابتسامه
الحمد لله العمليه نجحت طبعا هو هيكون فى العنايه المركزه وتحت الملاحظه لفتره لحد ما نطمن ان مرحله الخطړ عدت
فرح الجميع بالخبر وقالت الام وهى تمسح دموع الفرح بنجاه زوجها
الف حمد والف شكر ليك يا رب طيب انا ممكن اشوفه ولو من بعيد يا دكتور ربنا يخليك
هو ممنوع حد يدخل العنايه المركزه بس ممكن تشوفيه من وراء الزجاج ولخمس دقائق بس
شكرا يا بنى ربنا يحميك
قالت الام بأمتنان وذهبت هى ومريم لرؤيه محمود ووقفت ليليان مع الطبيب وقالت
انا عايزه اعرف مين اللى دفع تكاليف العمليه يا دكتور واكيد انتم عارفينه
جاءها صوت من الخلف قبل ان يرد الطبيب
انا اللى دفعت المصاريف يا ليليان .... الدالى
البارت الرابع
أغمضت ليليان عينها وهى تدعى الله ان تكون على خطأ وانها لم تسمع صوته الذى تكره استدارت لتجده يقف بغرور وينظر لها بتحدى فقالت وهى تضغط على اسنانها من الڠضب
قول تانى كده اللى انت لسه قايله
اقترب مهاب منها وقال
قولت انا اللى دفعت تكاليف العمليه ليليان الدالى فى الاول والاخير ده حمايا ولازم اقف جنبه واساعده فى الظروف ديه
لم تتحمل ليليان غروره وسماجته اكثر من ذلك فصړخت به
انت ايه يا اخى شيطان ماعندكش قلب ټقتل القتيل وتمشى فى جنازته انت السبب اصلا فى حاله بابا ودلوقتى جاى تدفع فلوس العمليه انت عايز ايه بالظبط
وطى صوتك احسنلك يا ليلو مش مهاب الدالى اللى هيسمح لمراته تعلى صوتها عليه انا ساكت بس علشان الظروف اللى انتى فيها بس انا هتجوزك يعنى هتجوزك يا ليليان فيتوافقى بالذوق يا هتوافقى بالعافيه
انت عايز تتجوزنى ليه من قله البنات فى البلد بقولك بكرهك ومش طايقه ابص فى وشك عايز تتجوز واحده بتحتقرك و بتكرهك ليه
عايز اتجوزك ليه هتعرفيها بعد الجواز مش دلوقتى انا دلوقتى عايز اسمع ردك واعرفك انى مش هسكت لحد ما تتجوزينى
فكرت ليليان ماذا تفعل وجدت ان انسب حل ان تماطله حتى يسترد والدها صحته وتجد حل للمشكله
سيبنى افكر وارد عليك الظروف دلوقتى ماتسمحش بالكلام ده
انا اصلا اخدت الرد ليلو لان انا مش هقبل لا كأجابه
وسابها و مشى ووقفت ليليان تائهه لا تعرف ماذا تفعل ولم تجد غير ان تتصل بسامح وتطلب منه المجئ للمستشفى ثم ذهبت للاطمئنان على والدها كانت امها ومريم يقفون وراء الزجاج ينظرون له ودموعهم منهمره
ماما لو سمحت خدى مريم وروحوا الوقوف هنا مش هيحل حاجه ارتاحوا انتم ولو فيه جديد انا هبلغكم
عرفتى مين اللى دفع تكاليف العمليه
لسه يا ماما اول لما اعرف هبلغكم سامح جاى دلوقتى يطمن على بابا وبعدها هيوصلنى للبيت يلا يا ماما وانتى يا مريم خدى بالك من نفسك وتروحى تذاكرى الامتحانات على الابواب عايزين نفرح بابا بمجموع عالى
حاضر يا لى لى
رحلت الام وابنتها وبقت ليليان تنظر لوالدها ونزلت دموعها هى تكره ان تظهر ضعيفه امام عائلتها حتى تعطيهم القوه ولكنها و هى بمفردها تخرج كل ضعفها
وجدت يد توضع على كتفها نظرت فوجدت سامح فقالت له بحزن
شوفت اللى بيحصلى يا سامح
فيه ايه يا لى لى بابا ماله وانتى مالك تعالى نقعد فى الجنينه بره وتحكيلى كل اللى حصل
نظرت لوالدها نظره اخيره وخرجت مع سامح وجلست معه وحكت كل ما حدث مع مهاب منذ ان رأته اول مره حتى اليوم فقال سامح پغضب
الواطى الحقېر هو فاكر نفسه ايه فاكر انك لوحدك مش وراكى رجاله وله ايه
اهدى يا سامح وخلينا نفكر بعقل
يا ليليان ديه مفيهاش عقل اللى زى مهاب ده اتعود من صغره يأخد كل اللى هو عايزه و بالنسبه ليه انتى الحاجه الجديده اللى هو عايزه ومش هيسكت لحد ما يخدها لازم يقف عند حده
يا سامح ده واحد بيتحكم فى نصف اقتصاد البلد تفتكر انى ممكن اقدر اقف اقدامه لحد امتى انا اينعم بقف فى وشه وبتحداه بس من جوايا بكون خاېفه مش خاېفه على نفسى لا خاېفه على عائلتى ليأذيهم
اوعى يا ليليان تكونى بتفكرى انك توافقى
انا فعلا وافقت يا سامح وهابلغه بكده بكره انا مش هستنى لحد ما يأذى عائلتى بس والله لوريه النجوم فى عز الظهر على اللى عمله وهربيه من اول و جديد
انا خاېف عليكى يا لى لى علشان خاطرى خدى بالك من نفسك مهاب ده مش سهل والغرور والتكبر اللى جواه صعب يروح بسرعه
ماتخفش هو حمايته ثروته ونفوذه لكن انا حمايتى ربنا وانا اقوى منه يلا تعالا وصلنى البيت مش عايزه ماما تكون لوحدها
يالا يا لى لى
اخذ سامح ليليان بسيارته لمنزلها وصعد معها اطمئن على والدتها التى عوضته عن حنان الام بحنيتها ثم ذهب لمنزله وبنفس الوقت كان مهاب بمكتبه فأستلم رساله وفتحها كانت من الحارس الذى عينه لمراقبه ليليان فهو هكذا علم بمرض والدها
تحولت معالمه للڠضب عندما رأى صورها مع شخص اخر وعلم ان هذا سامح حبيبها كما يعتقد قام بالقاء محتويات المكتب كلها على الارض من غضبه فدخل على عليه وهو هكذا
مهاب فيه ايه اللى حصل يخليك تعمل كده 
اغلق على باب المكتب وامسك يده وجعله يجلس وقال بجديه
ايه الموضوع يا مهاب انت بقالك كام يوم تصرفاتك غريبه وانا مش هسيبك الا لما تحكيلى كل حاجه
حكى مهاب لعلى ما حدث مع ليليان حتى هذه اللحظه وارسال الحارس الصور له وقف على وقال پغضب
انت اټجننت يا مهاب عايز تدمر حياتها علشان رفضت تخضع لمهاب الدالى العظيم حرام عليك يا اخى انت ايه ليه تفرقها عن الانسان اللى بتحبه لمجرد انك تلعب وتتسلى شويه
علشان هى هتكون ملكى انا وبس ملك مهاب الدالى وانا مش بشارك حد فى الحاجات اللى ملكى
قال على پغضب
مشاعر البشر مش حاجات يا مهاب وانت اكثر واحد عارف كده وانا مش هسمحلك تدمرها