رواية حب من طرف واحد كامله نور وادهم

يا أبني 
دخل أدهم وراح قعد جنب عمته وصفيه جبتله عصير 
أدهم شكرا يا مرات عمي مكنش ليه لزوم 
صفيه لا يا أبني مينفعش 
ثريا طبعا مينفعش يا أدهم احنا ضيوف وبعدين انت شايف انها قدمتلنا شوكلاته يعني دي كوبايه عصير المهم حور فين هاتيها علشان أدهم يشوفها 
صفيه بتوتر ملحوظ حو ..حور نايمه 
ثريا بشك نايمه ايه احنا العصريه هي بتشتغل بليل ولا حاجه اصلي مشفتهاش وقت عزا أبوها وبقالي كتير اوي مبشفهاش حتى انتي مبتجبهاش معاكي اي مناسبه خالص 
صفيه اتوترت جدا وبدأت تخاف ولكنها حاولت تبقى هاديه وادهم لاحظ انها هتكذب من حركه جسمها لا اصل حور كانت مڼهاره جدا وقت مۏت والدها ولغاية دلوقتي نفسيتها تعبانه علشان كدا بقول نأجل كتب الكتاب شويه 
ثريا كله هتيحل مفيش تأجيل حاجه طب هاتي صوره ليها أدهم يشوفها متقوليش مبتتصورش كمان وياريت نكون الصوره وهي في سنها دلوقتي 
صفيه بتوتر لا طبعا بتصور ثواني راحت قامت وجابت صوره لحور وهي متصوره في جنينه الفله 
صفيه بحزن اتفضل يا بني 
مسك أدهم الصوره بعدم مباله ولكنه اول ما بص على البنت من غير ما يحس شدته كل تفاصيلها غرق في عنيها البنيه العميقه في شعرها الأسود الطويل في خدودها الحمره الجميله في بشرتها البيضه في ابتسامتها الي خلته يبتسم من غير ما يحس مفقش غير على صوت ثريا وهي بتقول إيه يا أبني وحشه ولا ايه 
أدهم رجع لبروده وكلم نفسه ونصحها وقال بلاش يا أدهم بلاش تعلق نفسك بحاجه تاني وبعدها قال لصفيه اتفضلي يا مرات عمي نتقابل بليل في كتب الكتاب .. 
سلام يا عمتي سلام يا مرات عمي وريا شغل دلوقتي 
ثريا استنى يا أبني انا جايه معاك سلام يا صفيه نتقابل بليل وانا هبعت عربيه تاخدكم بنفسي وبلاش تيجي بأي شنط انا مرتبه كل حاجه 
اومئت صفيه بكسره وبعدها خرجتهم من الفله ومقدرتش تتماسك اكتر من كدا قعدت على الكرسي من غير إراده منها واتكلمت بحسره ودموع وقالت معلش يا بنتي اضطريت اوافق معنديش حل تاني ثريا هتخدك مني وانا ېموتوني ولا اني ابعد عنك وبالذات وانتي في الحاله دي ابوكي وصاني عليكي جامد كفايه انه معرفش يجبلك حقك انا اسفه يا بنتي سامحيني مجتليش الجرئه اقولهم على الي عندك ........
ادعمنا بالتعليق والشير
الفصل_الخامس
حب_من_طرف_واحد
نور_وادهم
يتبع
ومقدرتش تتماسك اكتر من كدا قعدت على الكرسي من غير إراده منها واتكلمت بحسره ودموع وقالت معلش يا بنتي اضطريت اوافق معنديش حل تاني ثريا هتخدك مني وانا ېموتوني ولا اني ابعد عنك وبالذات وانتي في الحاله دي ابوكي وصاني عليكي جامد كفايه انه معرفش يجبلك حقك انا اسفه يا بنتي سامحيني مجتليش الجرئه اقولهم على الي عندك 
بليل ...
قدام فله كبيره ...
وقفت عربيه أحدث موديل خرج منها السواق بسرعه وفتح الباب الوراني فخرج هو بيهبته وبدلته الرسميه وبروده الي طاغي على ملامح وجهه ودخل الفله وأول من كان في استقباله كالعاده والدته الي كانت بتبتسمله بحب 
فلمجرد رؤيته الابتسامه الدافيه دي من والدته ملامح البرود كلها بتتلاشى هو ملوش غيرها هي كل حاجه بالنسبه ليه هو مكبرش واشتغل على نفسه وبقى صاحب اكبر شركات للعطور الا علشناها علشان يعيشها احسن عيشه وبالنسبه لوالده فهو ميعرفش عنه حاجه ولا عايز يعرف لأن والدته حكتله عنه حكتله انه اتجوزها عرفي ووعدها بالجواز وهي كانت ساذجه وهبله وقبلت بحاجه زي دي وصدقته لكنه لما سمع بخبر حملها سبها ومشي وهي مقدرتش تنزل ابنها والي شجعها على كدا ست طيبه قبلتها هي الي كانت بتبعتلها فلوس كل شهر وسعدتها تلاقي شغل عمرها ما هتقدر تنسلها المعروف دا وابنها عمره ما هينسى ال عمله الراجل دا في امه ولو شافه هينتقم منه أشد اڼتقام 
مسك الشاب دا إيد والدته وقبلها بحب وقال عامله يا ست الكل 
والدته بحنيه كويسه طول ما انا شيفاك يا حبيبي يلا روح غير كدا وخدلك دوش عبقال ما احضرلك الغداء 
الشاب انتي عارفه يا أمي اني خارج 
والدته پغضب اوعى تقولي انك بردو هتلبي دعوه العيله دي يوسف احنا اتفقنا انك مش هتروح انت ليه عايز ټعذب نفسك انك تشوفها تاني يا أبني 
يوسف بهدوء وحزن مش قادر انسها يا أمي مش قادر رغم ان الموضوع عدا عليه سنتين الا اني مش قادر 
والدته پغضب يا أبني دي كانت حته سكرتيره عندك ورفضتك لما روحنا نطلب ايدها وكمان مكملتش كام شهر واتجوزت غيرك كل دا ولسه بتحبها يا أبني حرام عليك نفسي تنساها وتشوف حياتك كدا وتجوز زي ما هي عملت نفسي اشوف احفادك قبل ما اموت 
قرب منها يوسف وباس رأسها وقال بعد الشړ عنك يا أمي 
والدته خلاص يا أبني علشان خاطري متروحش 
يوسف لا يا أمي هروح انا اتبعتلي دعوه مينفعش مروحش 
والدته پغضب انت بتقنع مين بالكلام دا يا يوسف انت رايح علشان تشوفها يا ابني انا امك وعرفاك 
باس يوسف إيدها وقال متقلقيش يا أمي سلام بقى علشان هتأخر 
وخرج ...
تنهدت والدته بحزن وقالت ربنا يسمحك يا نور علشان كسرتي قلب أبني بالشكل دا 
في فله طه باشا المجهزه بأفخم زينه وافخم المأكولات 
كانت ثريا هانم ووالد ادهم بيستقبلوا الضيوف مع أدهم الي كان باين على وشه التعب لأنه كان لسه راجع من شغله من فتره وملحقش يعمل حاجه غير انه يجهز نفسه بسرعه 
راحت ثريا قربت منه وقالت بهمس خلي نور تنزل والا مش هيحصلها كويس 
أدهم بتعب سبيها براحتها يا عمتي 
ثريا والناس تقول ايه انها مش راضيه عن جوزاتك الجديده 
أدهم وهي لازم ترضى يا عمتي..
ثريا كدا طب خلاص خليك انت هنا وانا هجبها 
ومشيت ثريا خد أدهم نفس عميق بحزن وكمل استقبال الضيوف هو وابوه وهو راسم ابتسامه مزيفه على وجهه 
والد أدهم طب روح انت ارتاح يا أبني شويه قبل كتب الكتاب انت مكملتش ساعه على رجوعك من شغلك 
أدهم بتعب انا كويس يا بابا مينفعش أسيبك لوحدك 
وصلت عربيه يوسف قدام فله عيله طه باشا ..
ونزل من العربيه وهو بيبص على الفله بكسره وحزن 
ودخل
وسلم على والد أدهم 
ولسه هيسلم على أدهم بضيق وهو مش عايز يبصله فبص على السلم لقاها نزله بفستانها الدهبي الجميل بشعرها البني الحريري بعيونها الخضرا الجميله بصتله فتوترت لانها عرفته كان مديرها في الشغل كانت سكرتيرته الخاصه دا كان اول مكان اشتغلت فيه بعد ما اتخرجت ودا كان الي جه اتقدملها ورفضته 
يوسف بتوهان في جمالها نطق اسمها من غير ما يحس نور .........
ادعمنا بالتعليق والشير
الفصل_السادس
حب _من _طرف _واحد
نور _وادهم
يتبع
يوسف بتوهان في جمالها نطق اسمها من غير ما يحس نور ..
أدهم كان مراقب الموقف فقال بصوت عالي شويه يوسف باشا انا هنا قدامك مش الناحيه التانيه
رجع يوسف لصوابه وقال بضيق الف مبروك يا استاذ أدهم
أدهم بهدوء الله يبارك فيك وياريت تلتزم انك مجرد ضيف وتوجه نظرك للي يخصك
يوسف بأستفزاز ما انا موجهه للي يخصني
أدهم بص انا مبحبش الف والدوران لو لقيتك بتبص على بنت خالتي بالاسلوب دا تاني مش