رواية حب من طرف واحد كامله نور وادهم

لكن لا ..دا بعد ما عمتي عرفت اني مبخلفش بقت بتعملني اسوء معامله بعد ما كانت بتقولي اني زي بنتها انا الي ظلمت نفسي وفكرت بأنانيه وكسبت ايه في الاخر غير التهزيق والاهانه دخلت في حاجه انا عارفه كويس اني مش هعرف اخرج منها ...
وفي المطبخ ..عمه أدهم حضرتله الاكل وبعدها حطت كوبايه العصير قدمها وطلعت العلبه الي كانت معاها وحطت حبايه منها على كوبايه ادهم وقلبت وبعدها حطت الكوبايه في الصنيه وقالت معلش بقا يا حبيبي انا عارفه ان ملكش ذنب بس الي ماټۏا بردو مكنش ليهم ذنب .......ادعمنا بالتعليق والشير
الفصل_الرابع
حب _من _طرف _واحد
نور _وادهم
يتبع
في جناح أدهم...
أدهم كان قاعد شارد على السرير ..
سمع الباب بيخبط 
ثريا أدهم يا حبيبي انت صاحي انا حضرتلك الاكل 
أدهم بتعب اتفضلي يا عمتي خشي 
دخلت ثريا وهي معاها صنيه الأكل وراحت قعدت جنب أدهم على السرير 
ثريا كلك لقمه يا أبني 
أدهم والله ما ليا نفس يا عمتي 
ثريا لا يا بني ما ينفعش انت عايزني ابقى نايمه وقلقانه عليك مش كفايه الكلام الفارغ الي قلتهولك مراتك وكمان شكلك مش عاجبني 
أدهم ما أطلقها يا عمتي 
ثريا پصدمه انت بتقول إيه يا أدهم مينفعش الناس تقول علينا ايه وبعدين هي ليها حته تروحها دا احنا مقعدنها معانا معززه مكرمه رغم أنها مبتخلفش وملهاش لازمه وكمان متقوليش موضوع الشقه دا تاني 
أدهم هي الخلفه بأيدها يا عمتي 
ثريا طب سيبك منها يا أبني وكل ومتقوليش مليش نفس دي ..راحت مسكت الملعقة وملتها بالأكل وقالتله افتح بقك يلا من إيدي استسلم أدهم ليها وفضل يأكل من إيدها لغايه ما خلص الاكل 
ثريا يلا بقا أشرب كوبايه العصير دي علشان تديك طاقه كدا 
أدهم والله ما قادر يا عمتي 
ثريا بحزن هتكسف عمتك يا أدهم دا انا عملتلك العصير البرتقال الي بتحبه 
أدهم بتعب حاضر يا عمتي راح مسك منها كوبايه العصير وفضل يشربها لغايه ما خلصها 
أدهم تسلم إيدك يا عمتي أكلك متذوقتش زيه في حته تانيه حتى كوبايه العصير محدش بيعرف يعملهالي مظبوته غيرك 
ثريا بالهنا والشفا يا أبني صحه وعافيه اقوم بقى واسيبك ترتاح وكانت لسه هتقوم راح مسك أدهم إيدها وقال بصوت مخڼوق خليكي شويه يا عمتي 
ثريا مالك يا أبني خلاص مش همشي راحت قعدت السرير تاني فحط أدهم رأسه على فخذها 
ثريا مالك يا أبني فيك ايه 
أدهم مفيش حاجه يا عمتي خليني كدا شويه بس 
ثريا ماشي يا ابني ..براحتك وقعدت تمسد على شعره شويه 
ثريا الا بقولك يا أدهم انا بتصل بسيف مبيردش عليا 
أدهم متقلقيش يا عمتي هو في مهمه بس كام يوم وراجع وانا هتواصل معاه وخليه يطمنك بنفسه 
ثريا شكرا يا حبيبي ربنا يخليك ليا انت وسيف انا بعتبركم انتم الاتنين ولادي مش سيف بس 
راح قام أدهم ومسك إيد عمته وباسها وقال وانا بعتبرك زي امي ربنا يخليكي لينا يا ست الكل راح باس رأسها 
ثريا ويخليكوا ليا يا حبايبي ها بقيت احسن دلوقتي 
أدهم اه الحمد لله روحي انتي علشان ترتاحي تصبحي على خير 
ثريا قامت واتجهت للباب وقالت وانت من اهله يا حبيبي وخرجت 
الصبح ...
على السفره 
كان كله قاعد بياكل الا نور كانت بصه على الطبق وملهاش نفس 
بصلها أدهم وهو قايم علشان يروح شغله وقالها بهدوء مبتكليش ليه يا نور كلي 
ثريا إيه يا أدهم هو دا اكل يا أبني 
أدهم معلش يا عمتي علشان متأخرش 
ثريا متنساش انهارده ترجع بدري علشان نروح نقابل صفيه علشان نكتب الكتاب النهارده بليل 
أدهم بضيق حاضر يا عمتي انا عندي مأموريتين هخلص الأولى وأجي أخدك ونروح على هناك وبعدها أطلع على التانيه 
ثريا لا متتعبش نفسك يا حبيبي السواق هيوصلني على هناك تعال انت على هناك علطول 
أدهم تمام يا عمتي 
وكان لسه هيتجه للباب راح فجأه حس بدوخه وعدم توازن وعينه ابتدت تتشوش في الرؤيه فرجع لورا من غير ما يحس 
نور پخوف قامت بسرعه وقالت بصړاخ ااأدهم 
والده قام بسرعه وخوف ومسكه وقاله انت ..كويس يا ايني 
ثريا وفقت جنبه وقالت لو مش كويس بلا شغل انهارده يا أبني مش هينفع تروح كدا 
نور پخوف وعنيها اتكونت فيها دموع القلق لأنها اول مره تشوف أدهم بالوضع دا قالت پخنقه ايوه يا أده..م عمت ي معاها حق ..
أدهم انتم كبرتم الموضوع كدا ليه انا كويس اهو دي شويه دوخه بس مفيش حاجه يلا بقى علشان متأخرش 
راح باس إيد والده وراس عمته ومسح دموع نور بهدوء وقال انا كويس مټخافيش 
عمته ابقى طمني اومأ ادهم براسه 
وبعدها اتجه للباب ومشي 
وبعد فتره ..
اتجهت ثريا لبيت صفيه 
وطلعت وخبطت على باب الفله 
فتحت ليها صفيه بوجه مرهق و بأبتسامه حاولت تخليها بشوشه 
ثريا السلام عليكم 
صفيه وعليكم السلام اتفضلي يا ثريا 
دخلت ثريا وقالت إيده انتي الي فتحالي بنفسك مخلتيش الخدم يفتح ليه ولا علشان مفيش اصلا لأنك مش هتقدري تدفعلهم دلوقتي 
صفيه بضيق وحرج اتفضلي اقعدي يا ثريا عايزه تشربي ايه 
ثريا الي عندك احنا مبنحبش نتقل على حد بس ياريت ميكنش شاي أو قهوه 
صفيه بضيق تمام 
وبعد فتره صغيره جت بعصير مانجا وحطه قدمها 
ثريا صافي دي ولا معلبات أصل لو معلبات مش هشربها انا بحب الحاجه فريش 
صفيه بأبتسامه صفرا لا صافي يا ثريا متقلقيش 
ثريا طب كويس المهم اكلمك بقى في الموضوع الي جايه علشانه 
صفيه ياريت أتفضلي 
ثريا انا طبعا عارفه ان الفله دي محجوز عليها وكل شركات اخويا الله يرحمه بسبب الضرايب وانك واخده مهله أسبوع علشان تمشي منها 
صفيه بغير فهم ايوه كلامك صح خير 
ثريا فأنا مقدرش اسيب بنت اخويا ومرات اخويا الله يرحمه يترموا في الشارع علشان كدا انا بطلب إيد بنتك حور لأبن اخويا أدهم 
صفيه بتوتر انتي بتقولي ايه هو مش أدهم متجوز وبعدين انا بنتي لسه صغيره مجوزهاش دلوقتي 
ثريا صغيره ايه صفيه ١٨ سنه صغيره دا انا اتجوزت في سنها 
صفيه بتوتر اكتر انا مش موافقه على الجوزاه دي ومتقلقيش انا بشتغل وهعرف اصرف على بنتي كويس مش محتاجه حد يصرف علينا 
ثريا ابتسمت ابتسامه خفيفه وقالت انتي اظاهر فهمتي قصدي غلط يا صفيه انا مش جايه اخد رأيك دي بنت اخويا يعني هتعيش معايا في فله طه باشا 
قامت صفيه بعصبيه وقالت ودي بنتي وانا الي أقرر تعيش فين وقولتك انا هعرف أصرف عليها ومش محتاجه حد شكرا لحضرتك يا ثريا هانم 
ثريا بهدوء مستفز بصي يا صفيه انا بكلمه واحده بس مني أقدر البسك قضيه ومتشوفيش بنتك طول عمرك بكلمه واحده بس اقدر اخلي مديرك يرفدك من الشغل ومتلقيش الي يصرف عليكم فياريت تعقدي كدا وتفكري بالعقل وتردي عليا دلوقتي علشان كتب كتاب البنت هيبقى بليل 
قعدت صفيه بحسره لأنها عارفه كويس ان ثريا قد كلامها وبتنفذه 
بصتلها ثريا نظره انتصار وقالت ايوه كدا برافو عليكي 
وفي الأثناء دي باب الفله خبط 
ثريا يلا يا صفيه قومي افتحي دا أدهم 
قامت صفيه بأنكسار وفتحت الباب 
أدهم السلام عليكم ازيك يا مرات عمي 
صفيه پخنقه وعلي..كم السلام ازيك يا أبني اتفضل 
أدهم في حاجه يا مرات عمي 
ثريا بصوت عالي تعالى يا أدهم