رواية محل ثقه كامله بقلم نشوه عادل
هدخل انده ليها ويقعدوا بالصالة يتكلموا تعال يا مراد
خرج مراد قعد بالصالة ودخل مصطفى ع نيرمين قالها مراد عاوز يتكلم معاكى
نيرمين مفيش حاجة عشان نتكلم فيها يا مصطفى الموضوع منتهى بالنسبة ليا
مصطفى غلط يا نيرمين متبنيش قرارك ع سوء ظن
نيرمين مش فاهمة قصدك ايه بالظبط!
مصطفى قصدى تقعدى معاه وتسمعيه ولو بعد القعدة دى مرتاحتيش هنقفل الموضوع بالضبة والمفتاح
خرجت نيرمين وقعدت قصاد مراد بتوتر وخجل وهى حاطة وشها بالارض ...مراد ممكن ترفعى وشك وتبصيلى ع القليل عشان تتأكدى من صدق كلامى
نيرمين انا مش فاهمة انت عاوز تكلمنى فى ايه
مراد عاوز اصحح ليكى وجهة نظرك الغلط
نيرمين مش فاهمة
مراد يعنى انا عارف انتى رفضتى ليه انتى رفضتى لانك مفكرة نفسك استبن هداوى بيه موضوع خطوبتى الفاشلة مش كده!
مراد ايوة بس انا لسه مخلصتش كلامى بصى ي نيرمين انا خطبت نيرة عند فى اهلى لانهم دايما كانوا مغلطنى باختياراتى كنت حبيت بنت من بلدنا واكتشفت انها بتخونى مع صاحبى قررت ارتبط بواحدة تكون مختلفة تماما عنها فى لبسها وشكلها وطريقة عيشتها كنت مفكر ان بكده بتخطى الاختيار الغلط واكتشفت انى انا اللى بدفع التمن تجاهلت نصايح اهلى وكان عندى سايقنى لحد ما ربنا كشفها ع حقيقتها لو تلاحظى انى متأثرتش ان العلاقة انتهت بالعكس كنت فرحان جدا ومرتاح كمان
مراد اظن انا كده وضحت الفكرة والقرار ليكى بس ترجوكى فكرى كويس واستخيرى ربنا وصدقينى مهما كان قرارك انا هحترمه وعد
نيرمين تمام عن اذنك
دخلت نيرمين ع غرفتها وهى قلبها بيدق جامد وحرفيا طايرة من السعادة بعد ما اطمنت لكلام مراد فهى ايضا تبادله المشاعر بعد يومين دخل مصطفى يسألها ع قرارها الاخير وكان ردها انا موافقة يا مصطفى وووووووووو..........
مصطفى شرط ايه ده
نيرمين عايزة فترة الخطوبة تكون مدتها سنة كاملة عشان اقدر اعرفه اكتر
مصطفى سنة بحالها مش شايفة انها مدة طويلة اوى!
نيرمين لا يا مصطفى مش طويلة ولا حاجة العشرة الطويلة هتكشف الشخص وهعرف الشخصية اكتر واعرف اذا كان مناسب ليا ولا لا فاهمنى
خرج مصطفى ووقفت قصاده زينب ها يا ابنى قالتلك ايه!
مصطفى وافقت يا ماما واخيرا
زينب بفرحة لولولولولووووووولى اللهم لك الحمد هبقى ام العروسة اخيرا
مصطفى بغمزة طب مش نفسك تبقى ام العريس بالمرة
زينب ياااريت بس انت دماغك ناشفة اكتر من اختك وتاعبنى معاك
زينب نزل يصلى بالمسجد هيخلص ويطلع ع طول
مصطفى تمام انا نازل اقابل مراد ونكلم بابا عشان نيجى نعمل الاتفاق بقا عن اذنك
نزل مصطفى راح لمراد ع القهوة واخبروا بشرط نيرمين تنهد مراد وقال موافق
مصطفى ببساطة كده موافق كنت مفكرك هتعترض !
مراد اعترض ع ايه هى عندها حق حتى لو القرار مش ع هوايا بس متقلقش هما ٦ شهور بالكتير وهقنعها بالجواز
مصطفى تؤ مش نيرمين اختى دى عنيدة جدا
مراد لو هى عنيدة فأنا دماغى حجر وانا عارف
مصطفى فعلا ما جمع الا ما وفق اثنين مجانين اتلموا ع بعض
عند ملك لقت الجرس بيرن راحت تفتح لقت نيرة واقفة قصادها وبتقول مراد موجود!
ملك لا مش موجود خير فى حاجة!
نيرة ايوة عاوزة اتكلم معاه وبرن عليه كتير فونه والواتس مقفولين
ملك هو غير رقمه خالص وبدأ حياة جديدة نضيفة
نيرة باستغراب يعنى ايه!
ملك يعنى ابعدى عن طريق مراد يا نيرة اخويا محبكيش وع فكرة هيخطب خلاص
نيرة پصدمة ايه هيخطب! هيخطب مين
ملك معتقدش ان الموضوع يهمك يخطب مين او ليه انتى كنتى صفحة واتقطعت من حياته وكل ذكرى ليكى معاه اتمحت عارفة ليه لان اللى بينكم مكنش حب واهو فاق الحمدلله ورجع لعقله
نيرة وانا مش هسمح انه يكون لحد غيرى وصليله الكلام ده
مشيت نيرة وعلامات الشړ ع وشها وده قلق ملك جدا مسكت فونها واتصلت ع مراد أخبرته باللى حصل واكملت انا مش مرتاحة
