رواية زوجة محرمه الجزءالثاني كامله

في اولياء امور كتير بيطلبوا مني اني اعطي اولادهم دروس خصوصية ومش عارف اعمل ايه اوافق ولا لأ 
انا هسأل سؤال وتجاوبني بصراحة . 
اتفضل .
انت بتقصر معاهم في الشرح في الفصل علشان ياخدوا دروس خصوصية !!
لأ يابابا انت فهمت غلط انا الطلبة اللي في فصولي مش محتاجين دروس خصوصية انا بفهمهم كل حاجة في الفصل وبحل معاهم تدريبات و امتحانات كمان انا بتكلم عن طلبة بتجي لي من فصول ومدارس تانية .
تمام وأية المشكلة ما تعطيهم دروس خصوصية .
انا بسمع ان اهالي الطلبة بيعانوا من دفع فلوس كتير في الدروس فخاېف اشيل ذنبهم .

برافو يا وحيد . عاوز تتحري الحلال في فلوسك علشان كده ربنا هيباركلك ان شاء الله وعموما يا وحيد انت مش هتجبر حد منهم ياخد درس عندك وفي نفس الوقت خلي اجر الحصة مش كبير وياسلام لو في كل مجموعة عندك طالب او اتنين تكون ظروف اهلهم علي قدهم تعطيهم الدرس مجانا بدون ما تعرف حد من باقي طلبة المجموعة علشان متكسرش نفسهم .
فكرة حلوة اوي يا بابا .
متتخيلش يا وحيد لو عملت كده البركة اللي هتشوفها في حياتك .
الحمد لله اني اخدت رأيك يا بابا فكرتك حلوة اوي .
مع الوقت ذاع صيت نور وبقي اشهر مدرس رياضيات وكل الناس كانوا بيحبوه جدا وبيتمنوا انهم يقدموا له اي خدمة ردا لجمايله معاهم .
وفي يوم سارة جات وقالتلي كبرنا يا امير .
ضحكت وقولتلها انتي بس اللي كبرتي انا لسه شباب .
ضحكت وقالتلي وكمان وحيد عاوز يخليني ابقي جدة .
بجد وحيد عاوز يتجوز 
ايوه كلمني النهاردة وقالي انه معجب ببنت وعاوز يخطبها .
الف مبروك يا ام وحيد ده اجمل خبر سمعته في حياتي .
يعني انت موافق وهتروح معاه 
طبعا موافق هو خلص تعليمه و بيشتغل ومعاه تكاليف الجواز يبقي يستني ليه !! ده هو ده انسب وقت بس يا رب تكون العروسة تستاهله .
العروسة مش غريبة سلمي بنت اختك . 
لا فعلا الواد وحيد عرف يختار البنت ماشاء الله ادب وجمال واخلاق وتعليم الف مليون مبروك .
هو قالي بعد امتحانات الشهادة الاعدادية علشان يكون نور اخوه خلص امتحانات نروح ونتقدم ويخطبها .
الخير فيما اختاره الله وشقة جواز وحيد كمان عليا انا اللي هشتريها له هدية جوازه . ايه مالك ماسكة صدرك ليه  
مفيش يا امير متشغلش بالك .
مشغلش بالك ازاي !!! شكلك تعبانه مالك يا سارة 
ألم كده بحس به في صدري ما بين الوقت والتاني .
ومقولتيش ليه قبل كده 
الموضوع مش مستاهل يمكن شوية برد .
لأ لازم نروح نكشف عليكي النهاردة .
ضحكت سارة وفالتلي لسه پتخاف عليا يا امير  
طبعا اومال هخاف علي مين  
فاكر لما شيلتني ورجلي مکسورة اكتر من كيلو بالليل في عز الضلمه .
انتي مش عارفة انا بحبك اد ايه .
ربنا يخليك ليا يا امير .
طيب انا هتصل بالدكتور احجز كشف وجهزي نفسك علشان نروح يكشف ويطمن عليكي .
روحنا للدكتور وهناك الدكتور طلب نعمل اشعات وتحاليل لها .
ولما عملنا اشعات وتحاليل كانت الکاړثة ان سارة عندها مرض خطېر جدا في القلب ولازم تعمل عملية جراحية في اقرب وقت ممكن .
حجزنا للعملية وكانت المفروض تتعمل في القاهرة وكان بعد امتحانات نور مباشرة .
ودفعت فلوس العملية وجهزنا نفسنا وفي يوم سفرنا للقاهرة علشان العملية لبسنا كلنا وجهزنا شنط السفر لكن اتفاجئت ان نور بيقول انه مش هيسافر معانا 
تابع.
الجزء الثاني 
الحلقه 3 
ودفعت فلوس العملية وجهزنا نفسنا وفي يوم سفرنا للقاهرة علشان العملية لبسنا كلنا وجهزنا شنط السفر لكن اتفاجئت ان نور بيقول انه مش هيسافر معانا !!!!!!!
سألته انت لسه مش لبست علشان نسافر ليه يا نور !!
نور خليني انا هنا يا بابا مش عاوز اسافر .
هو انت مش خاېف علي ماما وعاوز تطمن عليها 
انا تعبان يا بابا ومش عاوز اسافر ابقوا طمنوني بالتليفون .
اټصدمت من جمود مشاعر نور وتركته في البيت وقولت لأختي تبقي تخلي بالها منه الكام يوم اللي هنسافر فيهم .
سافرت انا وسارة ووحيد ودخلت سارة المستشفي وكنا كلنا خايفين .
وقبل دخول سارة العملية قالتلي تعالي يا امير عاوزة اقولك حاجة .
قولي يا حبيبتي خير .
خلي بالك يا امير من العيال من وحيد ومن نور .
يا حبيبتي انتي اللي هتخلي بللك منهم وتجوزيهم وتفرحي بيهم انتي خاېفة ولا ايه !! دي العملية بسيطة جدا وهتقومي بالسلامة ان شاء الله .
انت بتطمني يا امير !! العملية مش بسيطة وانا عارفة دي اخر مرة اشوفك فيها يا حبيبي .
بعيد الشړ