سكريبت مثأبرة خاسرةكامله بقلم ديانا ماريا

تعالي ترتاحي شوية وبالمرة تريحي دماغك من العقربة اللي تحت دي ده لولا أم أحمد قالتلي مكنتش عرفت حاجة وأنت هنا تعبانة لوحدك.
ردت حنين بذهول هو أنت عرفتي من أم أحمد جارتنا
أجابت والدتها بهدوء أيوا اتصلت عليك كام مرة مردتيش فاتصلت عليها يمكن عارفة حاجة قالتلي أنها شافتك خارجة مع محمد وكان شكلك تعبان أوي وبيسندك.
ثم تابعت ها أقوم أحضر لك شنطتك
رغم تردد حنين في ترك منزلها حتى لفترة ولكن عند تذكرها لما حدث وحديث محمد لها جعل قلبها يثقل من الحزن فأومأت لوالدتها بصمت التي نهضت حتى تخبر محمد ثم تجهز لها أغراضها.
حاول محمد في البداية الاعتراض ولكن والدتها أخبرته بصرامة أن حنين تحتاج لفترة من الهدوء والراحة فلم يستطع إلا أن يوافق.
حنين تجهزت حنين ساعدتها والدتها في الهبوط بينما سبقهم محمد وحمل حقيبتها لأسفل.
حين رأت والدته الحقيبة كانت تجلس في الصالة وقد فتحت الباب مجددا حتى تستعلم ما يحدث في الأعلى.
قالت والدته باستغراب إيه الشنطة دي يابني
رد محمد بهدوء دي شنطة حنين يا ماما هتروح تقعد عند أهلها فترة وترتاح.
ردت والدته بإستنكار وازاي تروح عادي كدة هى كانت مشلۏلة علشان ترتاح! أمال لو مكنتش نايمة طول الوقت! كانت عملت إيه
زفر محمد بانزعاج يا ماما عادي وعلشان مامتها تاخد بالها منها برضو علشان هى تعبانة وهترجع تاني.
كانت حنين تهبط برفق والدتها حين صاحت بهم والدته إيه الكلام اللي ولا من الأصول ولا من الصح ده! بدل ما تعقليها تخلي بالها من جوزها وقوم بدل ماهى مرمية طول الوقت وتشوف بيتها من غير دلع تيجي تاخديها كدة ولا كأن ليها حاكم ولا رابط
قالت والدة حنين بحدة مفيش داعي للكلام يا أم محمد أنا مغلطتش فيك علشان تقولي الكلام ده بنتي وهتقعد عند أهلها شوية مفيهاش حاجة ولا هى بتدلع.
ردت والدته بتهكم يعني جاية تاخديها من نفسك والمفروض هى متطلعش من بيت جوزها اللي هى مورياه المر وقال إيه علشان تاخدي بالك منها وكدة مغلطتيش هى كان حصلها إيه دي يدوب حامل ولا اللي حامل في الوزير! وناوية تغيب عن بيت جوزها وهو يعيش زي العازب لوحده مستني ست الهانم ترجع لبيتها.
ثم تابعت بعصبية هى لو خرجت من بيت جوزها دلوقتي مترجعوش وأنا هخلي ابني يرمي عليها يمين الطلاق!
يتبع
الجزء السادس
حدق لها الجميع پصدمة وهتف بها محمد بعدم تصديق ماما أنت بتقولي إيه!
نظرت له بإستهزاء إيه بقول الصح يا خايب! هى كان فيها إيه لكل الليلة دي!
أمسك محمد بذراعها ادخلي يا ماما جوا دلوقتي.
دفعت ذراعه عنها بقوة مش هدخل وهشوفك هتعمل إيه مع مراتك يا سبع الرجالة!
تحدثت والدة حنين پغضب أنا كنت ساكتة علشان في بيتك لكن والله كلمة كمان أتصل أجيب أبوها ويتصرف في المهزلة دي! في إيه يا محمد عيب عليك وعلى والدتك اللي بتعمله ده أنا مش هسكت أكتر من كدة.
شهقت والدة محمد بسخرية ليه هتعملي إيه يا عنيا
كانت والدة حنين على وشك الرد حين جاء والد محمد الذي قال بتعجب إيه يا جماعة في إيه واقفين كدة ليه
التفتت له والدة حنين وردت بحدة كويس أنك جيت يا أبو محمد علشان إحنا بنتهزق في البيت ده وأنا مش هسمح بأي كلمة تمس بنتي ولا تمسني.
حدق والد محمد إليهم بحيرة طب أهدوا بس وصلوا على النبي وحد يفهمني حصل إيه
ردت والدة محمد بتهكم الست هانم قال تعبت من كتر ما بتشيل وتحط فأمها جاية تاخدها علشان ترتاح.
عقد والده حاجبيه بتعجب طب وفيها إيه دي
نظرت له وقالت بغيظ فيها إيه يعني إيه أنت يا راجل متقولش كلمة عدلة أبدا! ليه تطلع من بيت جوزها أصلا كانت بتشتغل في الفاعل!
تنهد ورد مفيهاش حاجة لما تروح عند أهلها شوية وبعدين ده موضوع بينها وبين جوزها وهما حرين مع بعض سيبهم يحلوا أمورهم بينهم.
حدقت له پغضب وردت بقسۏة بقولك إيه أنت متتدخلش خالص خليك كدة زي قلتك علطول هو أنت من امتى كان ليك لازمة أصلا علشان تيجي تقول رأي دلوقتي!
شهق الجميع پصدمة من حديثها واحمر وجه والد محمد من قوة الإهانة التي وجهتها