رواية الخطيئه كامله بقلم ولاء حامد

بجد
ندا بضحكه رقيعه يعني عجبتك
الشاب الا عجبتيني وهابعتلك دلوقتي الفلوس اللي عايزاها وزياده 
ندا تسلملي يا قلبي مواه 
وقفلت معاه ولا كأنها عملت حاجه 
اما علاقه ندا بوائل خدت شكل تاني خلال الشهرين دول
وائل بمكر بقولك يا نادو انا بفكر انزل بلدك هاموت واشوفك بجد 
ندا طيب منتا شوفتني واتكلمنا فيديو كتير 
وائل لالالا على الطبيعه حاسس انك حته مني يا نادو بجد مبقتش اقدر استغنى عنك 
ندا وهاتيجي من التجمع لبني سويف داه مشوار علقھ عليك 
وائل ولا يهمك فداكي 
ندا بس ازاي لو اتقابلنا ممكن حد من اهلي او أهل جوزي يشوفني 
وائل ولا يهمك يا قلبي هأجر شقه مفروش نتقابل فيها تمام
ندا بتفكير لا مينفعش ازاي بس
وائل بتأثر مزيف ايه يا نادوا مش انا وائل حبيبك إيه مش واثقه فيا 
ندا بسرعه لالا خالص والله بس حاسه انه عيب يعني وميصحش
وائل بسخريه متداريه عيب يا بيبي خليكي اوبن مايندد ثم احنا هانعمل ايه هانقعد ونتكلم زي ما كنا هانقعد في مكان عام بس علشان معملكيش مشاكل مش اكتر 
ندا بإقتناع أوكي شوف الدنيا معاك وقولي
وفعلا خلال يومين كان وائل بلغ ندا انه لقى شقه واجرها في منطقه عندهم
ندا بس مش شايف ان المكان قريب شويه مني هو اه بعيد كتير عن منطقتنا بس في نفس بلدنا
وائل بخبث لا يا بيبي انا قولت علشان ماحدش يشك في حاجه ولو حد شافك تقولي عند صحبتي 
ندا ماشي يا حبيبي
وتاني يوم ندا صحيت بنشاط وهمه وقامت جهزت نفسها ولبست اشيك وافضح لبس عندها واتمكيجت وخرجت وفي الميعاد وصلت ولقيت وائل منتظرها 
دخلت وقعدت والكلام جاب كلام ورا بعضه 
ونسيت ما اجتمع رجل وامرأة الا وكان الشيطان ثالثهم
وفي لحظات حرام وقعت ندا في الژنا 
ورجعت ندا بيتها وجوها بعض او القليل من تأنيب الضمير 
واتكرر الموضوع على مدار فترات ندا مشكتش في وائل ولو للحظه واتحولت لعشيقه في الحړام وهي على ذمه زوج
عمر هايتجنن من ندا وتجاهلها ليه وتليفونها اللي مش بترد عليه والنت اللي 24 ساعه اون لاين ولما يسالها تقوله انا نايمه ونسيت النت واتحولت الحياه بينهم لكومه مشاكل بس الشك مدخلش بينهم لان عمر اختار ندا من بيت أصيل ومحترم وعارف اخلاق اهلها واخلاقها اللي افتكرها شبه اخلاق أخواتها 
عمر بزعيق لا بقى كده كتير فهميني في ايه بقيتي مش طيقاني ومتغيره مش دي ندا اللي حبيتها واتجوزتها بقت واحده بتكلمني تقضيه واجب 
ندا بزعيق وعصبيه دي بقت عيشه تقرف كل يوم نفس الموال وخناق وزعيق في ايه انا مش جاريه عندك
عمر پصدمه جاريه اني بسألك متغيره ليه بقيتي جاريه
طيب يا ستي شكرا وقفل
وندا ببرود ولا مبالاه
يتبع.... 
ولاء حامد
الفصل السابع
ندا ببرود ولا مبالاه اوووف احسن يا ساتر راجل خنيق وقفلت واتصلت بعشيقها 
واتفقوا يتقابلوا 
وائل بخبث وندا في حضنه بعد علاقه محرمه نادوا
ندا هممم 
وائل محتاج منك مبلغ كده 
ندا بكشه وش ليه مش انتا شغال في شركه بترول
وائل اه طبعا بس يعني مزنوق فيهم
ندا لو كان معايا كنت اديتك بس اللي جوزي بيبعته اللي جاي على قد اللي رايح وانتا عارف الدنيا غلا
وائل بضحكه عاليه هههههههه انتي فاكراني المغفل جوزك لا يا بيبي فوقي دانتي جوزك مسافر الكويت وبيبعتلك كل شهر قد كده وحسابك في البنك فيه مبالغ غير الدهب المتلتل اللي عندك 
ندا پصدمه عرفت الكلام داه منين 
وائل بسخريه اهدي يا بيبي مالك اټخضيتي ليه
ندا بزعيق فهمني دلوقتي عرفت داه منين
وائل بسخريه ورفعه حاجب انا من التجمع يا روحي دي شقتي يعني احنا طلعنا جيران واااه اعرف ابوكي الحاج محسن الرفاعي واعرف اخواتك نفر نفر واجواز اخواتك مش صفا وخلود بردو غير عموووري جوزك عارفه يا بيبي
ندا وكأن حد كب عليها جردل ميه بارد في عز الشتا يعني كنت بتكذب عليا 
وائل تؤتؤتؤ يا بيبي اهدي عادي الأول كنت مش مصدق وبحاول اتأكد لحد متأكدت لما شوفتك فيديو وفعلا لقيتك نفس البنت اللي اعرفها البرنسيسه ندا االي كل شباب البلد كانوا يتمنوا يتجوزوها واديني بقيتي في حضڼي من غير حتى جواز 
ندا پخوف عايز إيه 
وائل مبلغ صغنن قد كده وشاور بصباعين 
وفعلا ندا من خۏفها تاني يوم اديته المبلغ ووائل لقاها صيده سهله وابتدا يبتهزها اكتر 
ندا مميعش فلوس واللي عندك اعمله 
وائل تؤتؤ ليه كده يا نادو دانا وائل حبيبك تحبي ابعت لحظاتنا الجباره مع بعض لبابا ولا لاخواتك ولا ل.... جوزك مثلا
ندا بذهول انتا بتقول ايه انتا اكيد كداب 
وائل بسخريه تؤتؤ بصي عندك وانتي تتأكدي 
ندا قفلت معاه ومسكت التليفون بإيدين بتترعش ولقيت فيديو ليها وهي معاه في علاقه محرمه وتحتها رساله لو المبلغ مجهزش بكره بعد بكره هانزله على كل المواقع اللي بتحب تنزل الحاجات الحلوه دي اټصدمت
ولطمت وشها من الخۏف وبقت تحت رحمه وائل وباعت دهبها وادته تمنه وكل شهر الفلوس اللي بيبعتها جوزها ليها بقت بتاخد مبلغ صغير اوي ليها والباقي