رواية الخطيئه كامله بقلم ولاء حامد

بياخده وائل ولسه علاقتهم المقرفه والمحرمه مستمره 
اقترب العام على الانتهاء 
عمر انا نازل كمان اسبوع
ندا ماشي تيجي بالسلامه 
ندا قفلت مع جوزها واتصلت بامها
مديحه بحب قلب ماما وحشتيني
ندا وانتي اكتر بقولك يا ماما عمر جاي كمان اسبوع 
مديحه ييجي بالسلامه يا قلبي يلا شدي حيلك بقى وفي إجازته دي خلفيلك عيل يسليكي 
ندا ان شاء الله بقولك يا ماما كنت عايزاكي تبعتيلي صفا وخلود يساعدوني في تنضيف الشقه زي منتي عارفه الشقه كبيره وانا مش هاقدر عليها لوحدي 
مديحه بتفكير طيب متكلميهم انتي اهو منها تطمني عليهم ومنها تطلبي منهم وهما مش هايرفضولك طلب
ندا انتي شايفه كده طيب ولو رفضوا 
مديحه لو رفضوا انا هابعتهوملك ورجلهم فوق رقبتهم ال يرفضوا ال كلميهم وبلغيني 
ندا ماشي 
وقفلت ندا واتصلت بصفا
ندا ازي يا صفصف
صفا بود الحمد لله ازيك يا ندا يارب تكوني بخير حال
ندا الحمد لله طول عمري كويسه
صفا يارب دايما انتي اخبارك إيه وجوزك جاي أمته أن شاء الله 
ندا كمان اسبوع 
صفا بصدق نيه ربنا يرجعهولك سألك غانم ويهدي ما بينكم ويرزقكم بالذريه الصالحه 
ندا ميرسي بقولك ايه يا صفا كنت عايزاكي تجيني الأسبوع داه انتي وخلود تنضفولي الشقه و تغسلو السجاد 
صفا بذهول من بجاحه اختها والله يا ندا مش فاضيه يا حبيبتي تقدري تودي السجاد مغسله وتجيبي واحده تنضفلك بيتك او نضفي انتي مهو لا عيب ولا حرام انا ورايا بيتي وجوزي وعيالي 
ندا بزعيق يعني ايه بقى يا ست صفا طيب ايه رأيك ان داه أمر من ماما
صفا بهدوء أمر ماما في اللي يخصها مش اللي يخصني انا ليا زوج هو اللي يؤمرني ماما ليها عندي البر والاحترام انا مش خدامه عندك 
ندا داه اخر كلام 
صفا معنديش غيره ربنا يهديلك نفسك مع السلامه وقفلت
ندا پغضب يابنت ال ..... ماشي صبرك عليا 
واتصلت بخلود ونفس الوضع رفضت رفض قطعي
اتصلت ندا بأمها
ندا بدموع تماسيح ماما الحقيني
مديحه بلهفه مالك يا ضنايا فيكي ايه ايه الي حصل 
ندا بخبث وسم وكره كلمت صفا وخلود واتحايلت عليهم ييجو يساعدوني هزقوني وبهدلوني يا ماما ولما قولتلهم انا استأذنت ماما قالولي ماما على نفسها مش علينا 
مديحه بشړ هما قالوا كده طيب اقفلي
اتصلت وطلبت من صفا وخلود يجولها وفعلا بعد وقت وصلوا الاثنين
مديحه بزعيق في ايه منك ليها خلاص عياركم فلت لا والله دانا اكسر عضمكم وادق لحمكم بقى ندا تتصل تتحايل عليكم ليه ايه مش المفروض اخوات ويقفوا جمب بعض ولا انتوا اتفرعنتوا 
صفا في ايه لكل داه يا ماما
مديحه بسخريه ماما هة لا والله اومال ماما على نفسها ازاي بقى يا ست هانم منك ليها
خلود بصبر ممكن نفهم في ايه لكل داه وحضرتك جايبانا على ملا وشنا ونازله فينا سلخ من غير ما نعرف السبب
مديحه لا والله بطلي يابت الكهن داه مش عليا انتي عارفه انا جايباكي ليه
صفا علشان نروح نخدم بنتك مش كده 
مديحه ايوه اختكم ومحتجالكم ايه كفرت لما اطلب منكم تساعدوها 
خلود لا مكفرتيش يا ماما بس لا يكلف الله نفس الا وسعها وانا مقدرش اسيب بيتي وجوزي وأولادي اسبوع علشان انضف بيت بنتك اظن هي كبرت بما فيه الكفايه انها تعتمد على نفسها وكمان انا ابني تعبان
مديحه ماله يا اختي مهو زي القرد كان جاله سړطان ولا ماټ يعني علشان متروحيش تساعدي اختك
خلود پصدمه وقبضه قلب أعوذ بالله بتقولي كده على ابني ليه عملتلك ايه طول عمري تحت رجلك وبقولك حاضر وطيب ومن عنيا لييه بتكرهيني كده 
مديحه بصفعه شديده سابت أثر على وش خلود اخرسي يا قليله الأدب في بنت محترمه تقول لأمها كده بس هاقول إيه منتي مشوفتيش تربيه يا سافله 
خلود بدموع وصدمه انا يا ماما الله يسامحك بكره الدنيا تعرفك الحقيقه 
وقبل ما تمشي دخل محسن 
محسن بإستغراب ازيكم يا بنات خير ايه اللي جابكم 
صفا پصدمه مردتش
وخلود بتحاول تداري وشها من أبوها علشان ميشوفش أثر الضړب على وشها 
محسن مالكم في ايه 
صفا فاقت شويه مفيش يا بابا كنا بنطمن علي ماما 
محسن بص على خلود وانتي يا خوخه 
وقبل ما يكمل برق عنيه ايه اللي على وشك داه اوعي يكون جوزك اللي ضړبك 
خلود بدموع وهزه راس لا يا بابا مفيش حاجه معلش انا هاروح علشان ابني تعبان 
محسن پخوف ماله يا بنتي كفا الله الشړ 
خلود بصت لأمها بدموع وقع من يومين رجله وأيده اتكسروا ودماغه اتفتحت 
محسن لا حول ولا قوه الا بالله العلي العظيم ومقولتيش ليه يا بنتي كنا جينا اتطمنا عليه 
خلود ولسه عنيها على أمها بۏجع محبتش اشغل حد معايا كل بيت فيه اللي مكفيه وماما كتر الف خيرها سألت وقامت بالواجب وزياده 
محسن بشك امك عرفت ومقالتليش
خلود انا ماشيه سلام عليكم 
قبل ما تمشي مديحه بزعيق قلبي وربي غضبانين عليكي ليوم الدين 
خلود بصت لها پصدمه وعيطت الله يسامحك انتي امي مهما قولتي او عملتي ليكي عندي حق البر وصلة الرحم عن اذنكم