رواية غلبني حبك كامله

انى هشوف المنظر المحرج دا
ضر به محمد على قفاه بخفة وقال اتلم يلا كسفت بطتى ووشها احمر
فاطمة بخجل يوووه ما تبس بقى يا محمد الله وانت يواد تليفون ايه دا اللى هتدور عليه فى المطبخ
عمار بعبث أيوة أيوة اهربى يا بطة اهربى
محمد بحدة طفيفة ولد قولتلك اتلم
عمار بضحك طب خلاص خلاص سكت يا حج ... المهم أنا امبارح سهرت هنا ونسيت الفون
محمد وسهرت هنا ليه يا خويا
اصل كنت باكل اندومى
فاطمة بزعيق ايييه اندومى من امتى وانت بتاكل اندومى وتدخله الشقة كمان
عمار فى ايه هو انا بقولك اكلت حاجة حرام دا اندومى
فاطمة اخر مرة سامع
حاضر وسعى بقى يا حجة ادور عليه
ولسة هيتحرك وقفه رنة فونه فجبتهوله فاطمة وقرت الاسم 
جلابة المصاېب مين دى يا عمار 
اخد منها الفون وهو بيقول فى غيرها يعنى ريتاج بنت عمى واكيد وراها مصېبة ادام اتصلت من الصبح بدرى كدا
عمار أيوة خدها واستفرض بيها يا بختك يا عم ...
الو خير على الصبح
_ انت صاحى
لا نايم وقرينى اللى بيكلمك انتى هبلة يا بنت انتى
_ طب بقولك يا محامى الخلع
ايه يا جلابة المصاېب
_ النهاردة بعد العشا معايا خطوبة لواحدة صاحبتى فكنت عايزاك تيجى معايا عشان ماما ترضى تخلينى اروح
امممممم هفكر وارد عليكى
_ طب هستناك بعد العشا بقى تعدى عليا ونمشى سلام يا محامى الخلع
قفل معاها وبص للفون وقال بابتسامة سلام يا جلابة المصاېب 
بليل ..كان عمار واقف على عربيته وماسك فونه وسرحان شوية ... قطع شروده صوت ريتاج وهى بتحمحم..
_ احم
عمار پصدمة انتى مين 
_ مين ايه انت اعمى ولا ايه يلا
والله هو صوت ريتاج بس الشكل لا خالص انتى مين يا شابة
ريتاج بحنق قصدك ايه يعنى
مقصديش اركبى اركبى
ريتاج بضيق بارد
اتحرك عمار بالعربية وبعد لحظات وصل للقاعة..نزلوا منها ودخلوا ..
_ هروح اسلم عليها وانت استنانى هنا تمام
بقولك البوفيه فين
_ ها
البوفيه البوفيه يا ريتاج عجان عايز اكل
_ بتقول ايه يا عمار بوفيه ايه دا دى خطوبة مش فرح
وهو عشان خطوبة مش جايبين اكل ايه العيلة النتنة دى
_ اوووووف انا ماشية منك
بعد ما مشيت عمار ضحك بخفوت ..قعد مكانه وطلع فونه كان ما بين الدقيقة والتانية يبص لريتاج ..ركز مع ضحكتها وفرحتها وشكلها الجميل وابتسم عليها..
_ ها بتعمل ايه 
عادى كنت ماسك الفون لغاية ما تيجى 
_ والله نفسى امسك فونك واشوف بتعمل ايه عليه 
بعينك مش هتمسكيه ابدا 
_ هنشوف هيجى يوم واقفشك عينى عليك يا محامى الخلع 
تسلملى عيونك يا جلابة المصاېب
ابتسمت ريتاج بخفة ولفت راسها بصت للعروسة ..كانت ماسكة فونها وحست بيه وهو بيهتز بيعلن صوت وصول رسالة فتحتها وكانت عبارة عن شكلك قمر النهاردة واللون السماوى لايق عليكى اوى 
لفت راسها وبصت لعمار بشك مش عارفة ليه هى شكت فيه فجأة كدا ..لقيته بيبتسم وهو باصص للفون فاتنهدت ورجعت لموضعها تانى..
يلا تصبحى على خير يا جلابة المصاېب
_ عمار
نعم
_ هو انت ليه اتفجأت لما شوفتنى بالفستان
يعنى بزمتك يا ريتاج متعود عليكى وانتى ريتاج بتاعت المشاكل اللى بتزعق علطول وصوتها عالى وبتلبس لبس عشوائى فطبيعى لما اشوفها بفستان هتفاجأ وكدا اصل الفساتين دى للبنات الكيوت وكدا
ريتاج بضيق قصدك انى مينفعش البس فساتين وكدا عشان مهتلقش عليا صح طيب يا سيدى شكرا
عمار ضحك جامد واتقدم خطوة منها وبصلها بعمق وقال خليكى واثقة فى نفسك يا ريتاج فاهمة ... سلام يا جلابة المصاېب
مشى عمار وهى فضلت واقفة وباصة لطيفه ابتسمت بخفوت وقالت سلام يا محامى الخلع
تانى يوم الصبح كان الكل متجمع على الفطار فى جو أسرى ..
ريتاج بعبث الا قولى يا عمو امبارح بليل كدا كنت قاعدة فى البلكونة وسمعت صوت جاى من شقتكم خير كان فى حرامى ولا ايه
فاطمة شرقت جامد ومحمد ناولها المية وهو بيطبطب عليها وباصص لريتاج بحدة ..
حتى عمار ضحك بعد ما حاول أنه يكتمها وضړب كفه بكف ريتاج
محمد بحدة بس يلا انت وهى عيال متربتش
ريتاج بضحك يا عمو يا عمو عيب دانت كبرت وبطة كبرت وقريب تجوزوا الولا عمار وتبقوا جد وجدة وانت لسة شقى
فاطمة بكسوف شايف يا محمد العيال دى بتقول ايه
وداد بس يا ولاد اتلموا عيب
محمد سيبيهم يا وداد خليهم يتكلموا براحتهم ما هما محبوش قبل كدا
ريتاج بغرور لسة يا عمو مجاش اللى هيملك قلبى
عمار باستفزاز قصدك لسة مجاش اللى هيغلبك ويهدك
_ مۏت بغيظك يولا برضو محدش هيقدر يغلبنى ولا يهدنى ها
إن شاءالله يا ريتاج يا بت عمى