سكريبت حسام واسراء كامل

الحساس انت
_ رد بضحك دكتور علم نفس
_ بتصحي الصبح بقي تلبس النضارة بتاعتك و تشرب القهوة و انت بتقرأ الكتاب المفضل بتاعك و بعدين تلبس القميص الفسكوز ..
_ كفاية لحد فسكوز و متكمليش لو سمحتي
_ استني بس و بعد كدا تنزل تروح الشغل بقي و تشرب قهوة تاني و تكمل قراية في الكتاب و طبعا تكون شخصية غامضة و بتحلل الاشخاص من بعيد لبعيد بقي
_ خلاص خلصتي!.. انا مبحبش القهوة اصلا و مليش في القراءة و انا شخصية اجتماعية جدا و بصاحب اي حاجة بتتنفس تقريبا .. دنا لسه كنت بفول العربية و اتصاحبت علي الراجل اللي هناك ونا اول مرة اشوفه اصلا و قولتله اني رايح اتقدم لواحدة
_ وااو .. هايل تعجبني يا ابو مازن
_ وماله حلو برضو .. انت بقي في كلية اداب مش كدا
_ للاسف اه .. دي تاني اسوأ حاجة بعد الفتة .. انا اصلا كان نفسي ادخل كلية ...
_قاطعها في الكلام أثار
_ ردت باستغراب ايوا .. هو انت عرفت منين
_ انا عارف عنك حاجات كتير اوي من زمان .. عارف انك مبتحبيش الفتة و بتحبي البشاميل اكتر و عارف ان كان نفسك تدخلي اثار عارف انك بتحبي عمرو دياب و عارف انك بتحبي القراءة و انك بتحبي تسمعي ام كلثوم و عبدالحليم و عارف انك بتحبي تسمعي برضو مايكل جاكسون و عارف ان اكتر حاجة بتضايقك ان حد ياكل بصوت عالي جمبك و عارف ان لما بييجي في دماغك حاجة بتنفذيها في وقتها و عارف انك بټعيطي بسرعة .. و عارف انك بتحبي محمد طاهر .. و عارف انك بتحبي الشعر و عارف انك بتقدمي اكتر ما بتاخدي و عارف انك عنيدة جدا و عارف انك مبتبينيش زعلك لأي حد بسهولة.
_ فضلت بصاله و ساكتة و مستغربة .. بل مندهشة .. ازاي عرف كل الكلام دا و هو مشافنيش غير مرتين بس .. غير ان انا عدد صحابي محدودين جدا و محدش منهم عارف حتي صفاتي دي كلها ولا انا بحب ايه و مبحبش ايه
_ ساكتة ليه
_ رديت بابتسامة هو المفروض ان لو حد مكاني يرد يقول ايه اصلا
_ لا في الحالة دي احنا مبنقولش .. احنا بنتجوز علاطول
ضحكنا سوا و فضلنا قاعدين مع بعض الليل كله .. لحد ما عدي فترة صغيرة و اتخطبنا .. و حقيقي لقيت معاه حنية الدنيا كلها انا بقيت احب نفسي و احب الناس اللي حواليا و هو معايا كأن الدنيا بتطبطب عليا بمازن و بجد هو اكتر حد بيشاركني كل اهتماماتي حتي لو كانت ملهاش لازمة و معايا في الۏحش و التافه قبل الحلو و الجد

بعد 4 شهور
_ انا عايزة اعرف انت جاي عندنا ايد ورا و ايد قدام كدا ليه
_ انا مش لسه جايبلك تورتة امبارح يبت انت
_ و لو برضو مش مبرر علافكرة .. طب حتي ادخل عليا بعلبة جاتوه .. طبق حلويات .. انشالله كيس شيتوس
_ قومي البسي و ننزل و نقي اللي انت عايزاه
_ما خلاص بعد ايه بقي .. حبيت انسان جرحني حبيت خفاش سوحني
_ خلاص متنزليش
_ أديني من الزمن خمس دقايق اجهز فيهم و حصلني انت علي تحت
في السوبر ماركت
_ ونبي ونبي يا مازن وحيات امك هاتلي لوليتا
_ عايزة ايه يا عنيا
_ لوليتا
_ يربي جايب معايا بنت اختي .. خوديها
_ مش