قصة العشق الملعۏن كامله

القصه الجديده اتمنا لحضرتكم قراءه ممتعه
الجزء الاول
قصة العشق الملعۏن نبدأ بسم الله
انا هدي دكتورة او هههه أو اللي المفروض اكون 
عندي ٣٧ سنه انا بكتب قصتي عشان تتعلموا منها مش عشان اصعب عليكوا بداية قصتي لما جبت ٩٨ في الثانوية العامة واتقبلت في كلية الطب كان كل حلمي ادخلها عشان كانت ديه اول واخر حاجة حلمت بيها وحققتها او كانت بإراتي انا من عائلة متوسطه الحال ساكنه في شبرا مصر منطقة كويسه إلي حد ما والدي موظف حكومي في إحدي الهيئات الحكومية عندي اختين غيري اصغر مني انا اكبر منهم مش بكتير 

امي ست طيبه جدا جدا عاشت في مأساه في بيت اهلها ومأساة طول عمرها في بيت جوزها دائما بابا كان بيحاسبها وبيعايرها انها جابت بنات مع ان ده مش ذنبها واجبرها انها تخلف كل سنه عيل عشان الولد ولما مالاقاش فايدة سلم أمره لشيطان نفسه مع ان من ساعة ما انا جيت والرزق يزيد ويوسع وكل ما امي تخلف بنت الرزق يزيد اكتر بس هنقول إيه
ديه كانت عائلتي كان لازم تعرفوها عشان تعرفوا انا ليه بقيت كده .
دخلت الكليه و بقيت في سنه تانيه وكان ممنوع مانعا باتا اني اختلط او اكلم حد ولما اختي دخلت الجامعه كان نفس الكلام ليها وممنوع الاصحاب 
في يوم روحت لقيت امي بتقول مبروك يا هدي وبتزغرط جايلك عريس زي الفل كابتن طيار كان عندي ساعتها ١٩ سنه لسا طفلة 
فرحت فرحت اوي بس مش عشان هلبس فستان لاء فرحت عشان همشي من هنا وابعد عن الإهانه والزعيق والعڼف وقلة الاحترام والضړب
وتمت الخطوبه وكنت فاكرة اني هعيش زي اي بنت خروجات عشان نتعرف علي بعض و نقرب من بعض خصوصا إن انا معرفهوش لكن بابا كان بيرفض دائما ويقول لماما انا لو سمعت الكلام ده تاني هتكوني طالق متخلنيش اكسرك انتي وبنتك بقيت اسمعه من وراء الباب واسكت خوف عشان انا كنت جبانه اوي ومعنديش شخصية وأمي كانت كده واخواتي كمان ورثنا الجبن والذل والخۏف منها صبرت وقولت معلش بكرة يجي اليوم اللي احس اني حرة وليا حياتي اتجوزت وعشت اسبوع لاء عشر أيام عسل لاء ده اللي بيقولوا عليه السم في العسل .
رحت حطيت طبق فاكهة علي الترابيزة و قولتله يا أحمد انا عايزة انزل الكليه بتاعتي بصلي بنظرة عدم اهتمام قولتله الكلية فتحت بقالها ٣ ايام كده هترفد عشان ديه كلميه عمليه مينفعش لازم ابقي منتظمة فيها 
مسك طبق الفاكهه ودلقوه علي الارض وقالي لا في كليه ولا عمران انا استغربت ساعتها قولتله ازاي 
قالي انتي ابوكي مش مفهمك ولا ايه يا حلوة 
هدي .. مفهمني علي إيه 
أحمد .. مفهمكيش ان انا متفق معاه انك زيك زي الكنبه اللي انتي قاعده عليها 
هدي .. انت كداب ايوه كداب بابا عارف ان ده حلمي استحالة يعمل كده فيا بصوت زعيق وعتاب وتكذيب لكلامه  
احمد ... مسك التليفون وقالها خدي اسأليه طلب احمد الرقم وقال ايوه ياعمي انت معرفتش بنتك اتفاقنا ابدا اصلها بتقول انزل واستحاله ومش استحاله وعايشالي دور الذهول خد قولها انت 
هدي ... ايوه يا بابا حضرتك فعلا 
ابوها ....قاطع هدي في الكلام تكمل كلامها عارفه يا بنت ..... لو مسمعتيش كلام جوزك هجيبك البيت تحت جزمتي تعليم ايه وزفت إيه مش تحمدي ربنا 
هدي .... بصوت مخڼوق بعياط حاضر يا بابا لاء لاء خلاص 
هدي من بعد