رواية قربان الجن كامله

قربان الجن
الجزء الاول
نغم هى بطلة قصتنا اللى هيتحكى عنها حصل من 26 سنة لما كان عمرها 10 سنين من اصل عربى اتولدت وعاشت ولحد دلوقتى هى فى بلد عربي بعيدة عن مصر تقريبا يمكن مجاتش مصر نهائيا 
نغم بنت زهورية وهعرفكم يعنى ايه زهورية علشان تفهموا ايه سبب اللى هيحصل معاها
الزهوريين ..هما اشخاص الكوكب الطالع لهم هو كوكب الزهرة وده كان سبب انهم يبقى اسمهم زهوريين سواء بنت او ولد

بيتميزوا بشوية خصائص ومنهم مش كلهم 
عنيهم الاتنين او واحدة منهم بيكون لها لمعان وبريق مميز عن الطبيعى 
دايما بيتعرضوا للمخاطر والمشاكل من اول مابيتولدوا وبشكل مستمر لأسباب خفيه مالهاش تفسير
عندهم قدرة على انهم يشوفوا حاجات غريبة ممكن منصدقهاش زى الاطياف مثلا
وبيقدروا يسمعوا اصوات ويحسوا بتحركات مالهاش وجود مادى وملموس
وفيه تجارب اتعملت ونتيجتها اثبتت أن فيه اشخاص من الزوهريين مستهدفين من الجن وده بسبب أن الشخص الزهري حلقة وصل بين الجن والإنس وده بيكون دافع لنوع من الجن على انه يستهدف الشخص الزهورى بالضرر و خاصة إذا كان ضعيف من الناحية الدينية. 
دايما الزهوريين محاطين بالمخاطر والمشاكل وب الاخص فى سن الطفولة وبالذات البلاد اللى بتكون منتشرة فيها طقوس السحر والشعوذة واللجوء للجن مش هقول اسم بلاد بتكون الاطفال الزهورية معرضين اكتر للخطڤ وده بيحصل علشان بيقدموهم المشعوذين والسحرة كقربان للجن لتلبية طلباتهم وده لأن الزهوريين بيقدروا يتعاملوا مع الجن ويتواصلوا معاهم ويتكلموا مع بعض وكمان بيقدروا يشوفوهم
حكايات_نونا
ابتديت نغم كلامها كنوع من انواع الفضفضة لحياة فيها كتير ظواهر وحاجات محدش غيرها عاشها او اقتنع بوجودها غيرها هى بس 
كانت بتحكى وهى مش مستنية ان كلامها ممكن يكون قصة الناس تقراها ومنهم اللى ممكن يصدق ومنهم اللى هيقول خرافات 
نغم.. هنا حكايتى اللى هحكيهالك دى حصلت وانا كنت طفلة لما كان عمرى 10 سنين وانا بنت واحدة وعندى اخين اولاد 
كان بتحصل في بيتنا سرقات مفاجئة وغريبة لأن بيتنا محدش غريب بيدخله كل الناس اللى بتزورنا في بينا وبينهم ثقة متناهية 
وبرغم ان كل سړقة كنا بنبلغ البوليس لكن محدش كان بيوصل لأى نتيجة 
وهكذا على فترات متقاربة يعنى مش كل سنة مثلا لاء ده كتير كان بيحصل 
لحد ما زارتنا فى يوم قريبة لينا اسمها ام عزام 
ام عزام ..ايه يا ام نغم وصلتوا لحاجة فى الحرامى اللى بيدخل بيتكم 
ام نغم..لا والله يا ام عزام ولا اي حاجة كل مرة ييجي البوليس يعاين ويرفع البصمات وياخد بصماتنا كلنا ومش بنوصل ل اي نتيجة الواحد تعب والله من كتر القلق وبنرجع نحمد ربنا انها بتخلص على سړقة لحاجات تتعوض المهم انه محدش بيأذى حد مننا ولا يدخل الحرامى يعمل حاجة فى العيال 
ام عزام..الحمد لله ياختى على كل حال لكن برضه لازم تعرفى مين لأن مش كل مرة هتسلم الجرة وبعدين افرضى فى مرة دخل الحرامى ولقى حد بالصدفة منكم فى البيت بعد الشړ يعنى يضرب عيل من العيال پسكينة ولا يعمل حاجة متنفعش تتعوض ساعتها 
ام نغم..طيب وهنعرف ازاى ماهو بقولك البوليس نفسه احتار معانا من كتر البلاغات والتحقيق كمان مع الناس اللى بتدخل بيتنا لما الناس بقيت پتخاف تخبط على باب بيتنا 
.
ام عزام ..اه طبعا ماهو لما الناس تلاقى كل يوم والتانى بيتحقق معاهم فى حاډثة سړقة مالهمش دعوة بيهم لازم هيريحوا دماغهم ويبعدوا عنكم 
بس سيبك انتى بقى انا عندى الحل لكل ده 
ام نغم..الحقيني بيه ربنا يساعدك يارب 
ام عزام..الشيخ مهران 
ام نغم ..مين ياختى ده الشيخ مهران 
ام عزام..ده راجل مبروك يطلعلك الحرامى لو تحت سابع ارض ومش بس كده يثبتلك قدام عنيكى ويسمعك بودانك اعترافه كمان 
ام نغم..يامصيبتى يا ام عزام انتى عايزانا ندخل دجال فى بيتنا 
لا ياشيخة مستحيل 
ده ابو نغم ميوافقش ابدا 
احنا ناقصين كمان نلجأ للدجالين والسحرة 
ام عزام..هتخسري ايه يا ستى بس اهو جربي وبعدين مش دجال بقولك ده مبروك راجل واصل ومكشوف عنه الحجاب 
قولى انتى بس ل ابو نغم ولو وافق اجيبهولكم لحد عندكم هنا
حكايات_نونا 
ام نغم..انا عارفة ياختى رأى ابو نغم مالهوش هو فى الكلام ده بيستحرم 
ام عزام..جربى بس قوليله مش هتخسري حاجة 
ام نغم وافقت على كلامها وقالت هتقول لجوزها لو وافق اهو يبقى عرفوا مين الحرامى هما مش عايزين يأذو حد ولا بيعملوا عمل ولا بيسحروا لحد فى اللى هيتعمل ده مش حرام بالعكس ده حلال لأنهم هيكشفوا مين الحرامى اللى استحل شقاهم وفلوسهم وفلوس ولادهم
قالت ام نغم لجوزها كلام ام عزام
ابو نغم..لا دى اټجننت عايزانى انا ادخل فى بيتى سحار لا طبعا معملش كده انا ولا اقبل ان الناس دى تدخل بيتى دول بدل ما بيحلوا المصېبة بيجيبوا مصايب يزودوها على حياتنا 
انسى الموضوع ده ومتفتحيهوش معايه مرة تانية 
ام نغم كانت بتحاول تناقشه من وجهة نظرها برغم اقتناعها ب ان كلامه صح مش غلط لكن جوزها قفل الكلام ورفض الموضوع رفض تام 
سكتت