رواية قربان الجن كامله
حب ودلع وحنية فى بيت ابوها علشان متحتاجش لده برة بيتها لما تكبر شواية
ادلعى ياحبيبة بابا براحتك والعيال ام ډم تقيل دول هنا تحت امرك
جاسم..بقى كده يا بابا احنا دمنا تقيل
الاب..ياولا قولنا دى بنوتة وبندلعها بتفهم منين انت بقى
الام..كلكم عندنا نفس الغلاوة ياحبايبى
صحيح يا ابو نغم شوفت اللى حصل
الام..مش مرات اخوك الله يرحمه هتعزل خلاص
الاب..لا ياشيخة ..ازاى
الام..بتقول كان معمولها عمل على عتبة البيت بالرصد ووقف الحال والشيخ مهران فكهولها وجالها مشتري مستعجل هياخد البيت
الاب..لا مشترى ايه وهو ينفع يعنى اسيب بيت اخويا حد غريب يعيش فيه
انا هشوف اتعرض عليها كام فيه واخده اهو ينفع عيل من العيال الحاجة كده كده بتغلى مش بترخص
بس ليه ياخويا مقولتش ده من الاول اهو بدل ما كانت تروح للشيوخ وياخدو منها اد كده كان زمانها معزلة من هنا من زمان
الاب..ماهو لو الفلوس كانت حاضرة من زمان مكنتش استنيت يا ام نغم بس اهو ربك بقى قبل ما بيبلي بيدبر
ام نغم..صحيح على رأيك
كانت نغم بتتمنى الليل ييجى علشان تعرف ايه اللى هيحصل
على اد مابتخاف من اشكالهم لكن كان الفضول جواها بيزيد انها تعرف مين اللى كان مش عايز مرات عمها تمشي
طلعت من اوضتها لقيت مامتها وباباها لسه قاعدين بيتكلموا
الاب ..ايه ياحبيبتى خلصتى واجبك
نغم..اه يا بابا وذاكرت شواية كمان وخلاص هدخل اغسل اسنانى بقى وانام
الام..ايه ده مش هتتعشي
نغم..لاء ياماما ده الغدا لسه فى بطنى مش هقدر اكل تانى
وانا هجهزلك ساندوتشات المدرسة وابقى احطهملك فى الشنطة بتاعتك
بس متقفليش الباب تانى بالمفتاح
نغم..طيب ياماما مش هقفل الباب بس هسيبلك الشنطة برة علشان انا بقى اقل صوت بيصحينى واخاڤ لو قلقت معرفش انام تانى
الام..البت دى بقيت جبانة اوى يا ابو نغم من ساعة الشيخ مهران وهى علطول خاېفة
نغم..يا بابا انا كويسة مفييش حاجة بس عادى بخاف زي كل الاطفال يعنى
الاب..طيب ياحبيبتى شوفى لو حسيتى ب اي حاجة اوعى متقوليش عرفينا واحنا هنتصرف علطول
نغم..حاضر يابابا حبيبي انت علطول كده مش حارمني من حاجة
حضنت نغم باباها وطبطب عليها وباس راسها
الام..ناس ليها بوس واحضان وناس تانية يتصرخ فى وشها ويتقالها خاېفة
ياعينى عليكى يا ام نغم ياللى بنتك مش بتفتكرك بحضن صغير اد النونو
ضحكت نغم وباباها وخرجت من حضڼ باباها
وراحت لحضن مامتها ..انا بحبك يا ماما اد الدنيا وبوسة كبيرة اووووى اهى علشان ماتزعليش
الام..حبيبتى يا احلى نغم فى الدنيا ربنا يخليكم ليا ياحبايبي ويحفظكم
نغم..يلا بقى انا هدخل الحمام وارجع اوضتى علشان انام علشان بصحى الصبح بالعافية
الام والاب ..وانتى من اهل الخير ياحبيبتى
دخلت نغم غسلت اسنانها ووشها ورجعت اوضتها طلعت شنطة المدرسة على السفرة لمامتها ودخلت تانى قفلت الباب ونامت اخدت وقت شواية وهى عمالة تتقلب فى السرير وتفكر
كانت بتحاول تطلع كل الافكار من دماغها علشان تقدر تنام لكن للأسف مش عارفة تسيطر على عقلها والتفكير فى كل اللى بيحصل معاها
لكن مع مقاومة نفسها ومساعدة الجن المحاوط ليها دخلت فى النوم وفى نفس المكان فى وسط البحر نفس المارد ظهرلها زى كل يوم
انتى عايزة تعرفى مين اللى عمل العمل للست اللى كنتى عندها النهاردة
نغم..ايوة عايزة
المارد..عايزة مين فى اهلك ېموت
نغم..ولا حد انا عايزاهم كلهم يعيشوا علطول ولو حد ھيموت يبقى انا اموت قبلهم
المارد..علشان تعرفى سر كل عمل ومين وراه لازم تخسرى حد من دمك
وبعد كل مۏت وډفن هتعرفي حقيقة من الحقايق
فكرى وقررى
ولحد ما تنفذى ده هتقابلى فى منامك شبح انسان ماټ من سنين هيدلك على مكان صاحب عمل من اللى معاكي
هتعرفي المكان وهتروحيله زى ماروحتى النهاردة للست
وهتقولي للشخص غرضك مقضى
مفهوم
نغم بتعود..مفهوم
المارد..بلاش تسألى تانى ومتكرريش اللى حصل الصبح انتى شوفتى ايه اللى حصل لأخوكى
نغم..انا اعتذرت وخلاص مش هعمل كده تانى
المارد اختفى فى الحلم وكمل الحلم لككن كانت نغم شايفة الحلم قدامها كأنه فيلم فى التليفزيون
هى نايمة فى سريرها والاحداث قدامها بتدور
ظهرلها شخص شكله مخيف وبنفس الكفن الابيض اللى كان فيه عدوي الجزار
نطق وقال لنغم عنوان بعيد عن بيتها وصاحبه اسمه عسران
قوليله يبعد عن بيته طول ما هو فيه مش هيعيشله ولد
نغم..اقوله كده ولا اقول غرضك مقضى
اختفى من قدامها الشبح
وظهرت جنية من الجنيات البشعه
يانغم متسأليش حد غيرنا لو عايزة تسألى
وانتي مالكيش تسألى لكن علشان لسه سنك مش مساعدك انك تبطلى فضول مسموح انى اجاوبك على السؤال ده
الراجل اللى انت هتروحيله معاكى عمل فى ايدك كان معمول له هو ومراته وكانت كل ما بتحمل الطفل بېموت قبل ما يتولد وده كان بسبب العمل
علشان
