رواية موضوع عائلي البارت 15بقلم رحاب القاضي
عشان انت تيجي وتعمل كده..
مازن بضيق
انتي عارفه اني عصبي يا ولاء بصي احنا نتفق انا مش هزعقلك ولا همد ايدي تاني وانتي ما تزعليش مني اشطا..
ابتسمت ولاء
اشطا... استني انت اصلا لو بطلت تزعقلي انا مش هزعل منك..
مازن
انتي بتفكري ليه ما تفكريش قولي حاضر وبس ونسمع الكلام...
ولاء بهدوء
حاضر ممكن بقي اروح المحاضره..
تمام بس لا تكلمي حد. ولا ليكي علاقه بحد...
ولاء
حاضر... باي...
_ مشيت ولاء ومازن راح المدرج بتاعه وكان لسه الدكتور ما جاش ومسك موبيله وفتح الاكونت بتاع نسرين وفضل يتفرج علي صورها وقال لنفسه..
مازن
وماله اهو كله خير....
_ وفي بيت حمدي ابو هاجر...
كانت هاجر لابسه بتجهز عشان تروح شغلها وبعد ما لفت حجابها فتحت قلم الروج بتاعها اللي من اللون الاحمر وحطت منه وبعدين مسكت موبيلها واتصورت صوره شخصيه ليها وحطتها علي صفحتها علي الفيس... ودخلت عندها فاطمه وقالت...
برضو مصممه تنزلي الشغل طيب مش خاېفه علي نفسك خافي علي اللي في بطنك..
هاجر
وهو اللي في بطني حد جه جنبيه ده متشال اهو علي كفوف الراحه..
فاطمه
طيب اشربي كوباية اللبن دي وكلي البيض ده يلا..
هاجر
لا لا مش عايزه والله حاسه نفسي هرجع من ريحتهم واصلا ما ليش نفس لاي اكل خالص...
ما هي دي البدايه في الحمل طيب اغسلك شوية فاكهه تاكليهم قبل ما تنزلي..
هاجر
معلش يا ماما متأخره ومش هقدر اكل اي حاجه والله لما ابقي ارجع..
_ وسابتها هاجر ونزلت وفي بيت الشيخ محمد كان لسه صاحي من نومه وبص جنبيه علي مكان هاجر الفاضي واتنهد بضيق وقام قعد ومسك موبيله يبص علي الساعه لقي ان عنده اشعار من الفيس بأن هاجر غيرت صورة البروفيل بتاعها..
محمد
اااه يا بنت ال...
_جه يبعتلها رساله بس لقي في كومنت علي الصوره ومن فضوله فتحه ولقاه عادل اللي عاملها قلوب حمرا..
_ اتعصب محمد جدا وقفل الموبيل وقام غير هدومه وطلع بره اوضته لقي هناء قاعده قدام التلفزيون وهي بتشرب شاي ا وقال..
محمد
صباح الخير يا امي..
طيب صباح الخير يا امي مره تانيه يمكن ما سمعتيش من اول مره..
هناء بضيق
لا سمعت بس مش هرد علي حد...
محمد فعد جنبيها وقال
ولحد امتي ما هو علي ايدك ابوها رفض يخليها ترجع معايا..
هناء پحده
تحاول تاني وتالت ورابع انت اول ما جيت تطلقخا ربنا بعتلك سبب قوي عشان تتراجع عن القرار ده وتعقل بس اقول ايه غبي..
انتي ليه يا امي مش عايزه تفهميني هاجر مش شبهي ولا شبه البنت اللي تنفع تبقي مراتي..
هناء
انت اللي اختارت واتجوزت وبقي بينك روح طفل صغير جاي في الطريق ما حدش غصبك علي حاجه في كل ده انما انك تدمر حياتك وحياتها وحياة ابنك..
محمد
يعني احنا حياتنا اټدمرت لما انتي اطلقتي من ابويا لا بالعكس ده احنا بقينا احسن بكتير...
هناء بدموع
انت واخوك بس انما انا وابوك ويونس خسرنا كتييير خلاصة الكلام انا لا هرضي عنك ولا تكلمني ولا اكلمك غير لما ترجع مراتك وتعقل وتبطل لعب العيال ده يا شيخ محمد...
_ بالليل في ملهي ليلي وقف يونس بعربيته قدام المكان ده ونزل منها ودخل جوه وقرب من راجل كان قاعد علي البار لوحده وقعد جنبيه وقال..
يونس
يونس الصاوي يا سليمان بيه...
بصله سليمان من فوق لتحت وقال
قولتلك مش هقدر افيدك بحاجه..
يونس
والسبب..
سليمان
هتفشل بدل ما اضيع فرصه زي دي واديها ليك وتفشل لا انا هديها لحد يكسب ويكسبني جنبه..
يونس بهدوء
واللي يضمنلك ان انا
