رواية مونستي الغاليه كامله بقلم امل صالح
يكون دا جزائي!! لا عشا ولا فطار ولا غدا لأ ومتأخر على شغلي ومدير الخړابة متلككلي أصلا!
أنت بتعمل ايه هنا
لأ مش وقته خالص اجي بس ونتخانق للصبح يابا.
وخرج من بوابة البيت..
عدى اليوم على خير ورجع هو الساعة ٩ تقريبا.
دخل البيت وطلع على فوق على طول مقرر إنه لازم النهاردة يصالحها فتح الباب ودخل..
المكان ضلمة!
مريم مش موجودة في البيت!
مريم فين راحت في حتة ولا إيه
بصله فكري بنظرات معاتبة مريم راحت عند أهلها يا هادي...
يتبع....ᰔ
5
فين مراتك ماجبتهاش معاك ليه يا هادي!!
اتنهد وهو حاسس بثقل على قلبه قبل ما يجاوبه وهو بيدخل الشقة عنده قالتلي أروح أخدها الصبح.
وأنت داخل عندي ليه اطلع شقتك فوق.
رمى نفسه على كنبة من الموجودين في الصالة سند دراعه على راسه ورد عليه ماعرفش أبات في البيت وهي مش فيه يا بابا.
فكري قعد على الكنبة اللي قصاده وقالت بنبرة لينة قصد بها تفهيمه قيمة مراته عرفت مقامها دلوقتي يا هادي عرفت انه مش عادي تقولها الكلام اللي قولته دا ولو حتى على سبيل الهزار
اتعدل هادي وسند بدراعه على رجله وقال بعيون واسعة دانا من غيرها مش عارف أعيش روتين يومي العادي! حاجات بسيطة كنت فاكر إني من غيرها أقدر اعملها لكن محصلش!!
مش الأكل ولا الشرب ولا غسيل الهدوم يعرفوك قيمة مراتك يا هادي دي مقامها أكبر من كدا بكتير! لو أنت شايف إنها غالية عشان بتنضف وتغسل وتظبط لبسك و و و و يبقى ملكش حق تروح ترجعها تروح ترجعها وأنت حاطط في دماغك ان دي بنت الناس اللي استحملت فترة خطوبة طويلة عشانك وعشان ماتضغطش عليك ان دي اللي وقفت جنبك لحد ما بقيت اللي انت عليه دلوقتي..
اخد نفس قبل ما يكمل بعيون بتلمع أنا بحبها عشان هي مريم مش عشان واحدة اتجوزتها وخلاص.
ابتسم فكري يبقى تروح بكرة تقولها الكلام دا وعلى فكرة أنا واثق في مريم وواثق إنها مقالتش لحد من أهلها عن سبب روحتها ليهم أنا عارف ان مريم عمرها ما تصغرني هي بس عايزة تعرف قيمتها عندك.
اعتذر أفعال عشان تنسى الكلام اللي اتقالها وهي وهواها برضو.
أنت معايا ولا معاها يا حج!
وليك عين يا بجح يابو لسان طويل تسأل طبعا معاها!
خلاص والله ماشي! المهم في اكل ولا أطلبلنا ٢ كشړي
مريم نزلتلي
