رواية اسمي حياة البارت 52
انت في الصفحة 5 من 5 صفحات
فاشل بكل المقاييس
إلهام لا يا رشدي بيه ...عمرنا ما نقول عن اي حاجة في حياتنا انها فاشلة كل تجربة في حياتنا بتخلينا نتعلم حاجة جديدة و بتزود رصيدنا من الحياة ..عمرنا ما بنقول فشلنا او التجربة اللي كانت فاشلة ...هي أكيد إضافة لحياتنا بشكل او بآخر ...و اهي كلها ابتلاءات من رب العالمين
رشدي و نعم بالله..بس اللي حصل حصل خلاص
رشدي بمقاطعة قراري نهائي يا بني ...أنا مستحيل ارجع شهيرة لذمتي ... و أصلا انا طلقتها بالثلاثة ..فأرجوكم بلاش تحاولوا عالفاضي .. و انتي يا بنتي بلاش تخربي بيتك عشانها .. حسام معملش حاجة تستاهل تعاقبيه عليها ...
إلهام عمك رشدي معاه حق يا حياة. .. حسام ما غلطش هو بس موقفه كان شديد حبتين بسبب انه اتجرح من اقرب الناس ليه مش اكثر ...و أظن انتي أكثر وحدة عارفة قد ايه الموضوع ده مؤلم
بصت الهام لحسام
و انت يا حسام ...لازم تفهم كمان موقف حياة و تبرر تصرفها
حياة لما خبت عنك الموضوع فده لانها كانت عارفة اللي هيحصل ده ... هي مش عبيطة و لا ساذجة ...هي بس فكرت و اتصرفت بطيبة أولا و بحكمة تانيا ..ف يا ريت لو تبص انت كمان للموضوع من زاوية تانية ما تخليش القسۏة تملأ قلبك و تخليك ما تشوفش الحقيقة ...الموضوع يختلف بينك و بين ابوك ...دي امك يعني ما تقدرش تطلقها او تعاقبها و لا تبعد عنها ...انت مجبر تبرها و تلتمس رضاها مهما كانت قسۏتها
إلهام حسام يا ابني انا مقدرة اللي انت عملته عشانها ...بس الامور اللي زي دي مش بتتحل بتهور و اندفاع و عصبية
ساعات الحب بيحل اصعب المشاكل ...و اللي ما تقدرش القوة تحلها ...أهي عندك حياة مثلا مش شايف بتعامل اللي عاملها بإساءة ازاي .عاملة زي الوردة الطيبة الريحة ...حتى لو الواحد حاول يسحقها بإيده بتسيب له ريحة حلوة في ايده
كان رشدي بيبصلها بأعجاب حتى أنه ما كانش قادر يخبي اعجابه بكلامها قدامهم ....
يتبع بقلمي آلاء إسماعيل البشري
بارت طويل اهو كتعويض
تتوقعوا هدى هتعمل ايه
