رواية اسمي حياة البارت 58 بقلم آلاء إسماعيل

من البعد ده يا حياة ... انا حاسس ان انا ضايع من غيرك ...لا انا مېت مش ضايع... مش عارف أنام ولا أكل ولا اشتغل ...ما تبقيش قاسېة للدرجة دي !!
حياة بعدت عنه بهدوء مش هأكون في قسوتك يا حسام 
والدتك امبارح و النهاردة نايمة لوحدها موجوعة و أكيد معيطة لإن بنتها الوحيدة إتجوزت و هي مسجونة بين اربع حيطان و ما لحقتش تفرح بيها ....ولا قادرة تحضر فرحها ولا صباحيتها بسبب مين هاااا

هي اللي رفضت تحضر الفرح !
همست حياة و هي پتبكي بسبب مين يا حسام !!! 
قرب منها تاني يا حياة افهميني هي اللي ....
حياة بمقاطعة جوزها طلقها و حياتها اټدمرت !! حفلة ايه اللي انت عايزها تحضرها !! و فرحة ايه اللي هتقدر تفرحها !! و هي حاسة إنها بقت مجرد ست منبوذة لا جوزهاا عايزها ولا ابنها عايزها ! انت اللي مش عايز تفهمني يا حسام !!! حط نفسك مكانها و انت تفهم شعورها
امك صحيح قلبها كان مليان سواد من ناحيتي بس مش عاملة چريمة لا تغتفر للدرجة دي عشان الكل يحاسبها عليها بالشكل القاسې ده !! 
يا أخي ده ربنا بيسامح العبد العاصي مهما كانت ذنوبه!! تقووم انت ترفض تسامحها دي امك مش اي حد !! 
حسام پغضب مكتوم بس دي حاولت ټقتل ولادي يعني شايفة ان دي حاجة بسيطة بالنسبالك 
يا حسام الذات السلبية في الإنسان هي اللي بتغضب وتاخذ بالثار وتعاقب ...بس الطبيعة الحقيقية لينا هي النقاء وسماحة النفس والصفاء والتسامح ...دي الفطرة اللي ربنا فطرنا كلنا عليها ...
للأسف فيه ناس شيطانها بيغلبها و بيخليها تنسى فطرتها...و في الحالة دي بتشوف إن التسامح انكسار و إن الصمت هزيمة مش عارفين إن التسامح بيحتاج قوة أكبر من الاڼتقام وأن الصمت في مواقف كثير بيكون أقوى من أي كلام... انا لو كنت شفت زيك انها شيطان بهيئة انسان كنت كرهتها انا كمان اول ما عرفت بالحكاية من سعاد و كنت قلتلك و قلبت البيت فوقاني تحتاني يوميها ..بس انا اخترت اسكت ياحسام مش ضعف مني ولا خوف منها ...
يا حسام مفيش حاجة أسهل من الكراهية إنما الحب هو اللي صعب اوي لإنه بيحتاج نفس عظيمة تقدر تسامح و تحب حتى اللي اذاها..
لما تقعد مع نفسك و تفكر كويس هتفهم كل كلامي ده و ساعتها هتقدر تفهم موقفي يا حسام ...غير كدة انا مش راجعة معاك و قاعدة معاها ....مش هتبقو انتو و الزمن عليها
ما اقدرش افهم اي حاجة ... دي حاولت ټقتل ولادي و طول م انا مش ناسي الموضوع ده قلبي مش قادر يسامحها...ده كان ممكن يحصلك حاجة تانية!! افرضي كنتي وقعتي على دماغك و بعد الشړ رحتي فيها 
لا يا حياة ... انا هاقدر اسامحها في حالة وحدة بس اني افقد الذاكرة و انسى كل اللي حصل ...غير كدة سيبيها للزمن هو اللي كفيل ينسيني 
حياة البني آدم صحيح من نعم ربنا عليه إنه بينسى... .بس مش دايما يا حسام ..البني آدم مننا مش بينسى إلي ۏجعه عشان يتعلم منه مش بينسى غلطه عشان ميرجعش له تاني مش بينسى إلي بيفرحه عشان يرجع له تاني ويديله فرحة اضعاف فرحته 
مش بينسى الناس إللي بيحبها حتى لو ماتوا عشان يدعيلهم بالرحمة 
إحمد ربنا إنك فاكر و مش ناسي ...عشان كل مرة بتفتكر اللي حصل إبقى على طول ردد الجملة دي مع نفسك 
مهما عملت معايا .. دي أمي و هتفضل دايما أمي 
مش عايزة ولادي يجوا للدنيا دي و ابوهم عاق لأمه ...
ابتلعت غصة و اكملت بمرارة
مش كفاية أمي انا مش راضية تكلمني لا تقابلني طول المدة دي !! و مهما حاولت اتقرب منها بتصدني مش عايزة تسامحني بس عشان رفضت اخاصم ماما إلهام و اقطع اي صلة بيها مش كفاية الكل فاكرني انا اللي عاقة يا حسام !! مش كفاية محدش عارف الحقيقة هتبقى انت كمان مخاصم امك عشان الكل يقول أكيد هي اللي قسته على امه طبعا !! مش هي مخاصمة امها من سنين