رواية اسمي حياة البارت 59 بقلم آلاء إسماعيل البشري
انت في الصفحة 7 من 7 صفحات
صغيرة ولا عبيطة .... ليه رافضة اي تواصل
إلهام احنا مش في موضوع امك دلوقت .. هتعملي ايه مع ابوكي
حياة هأبقى أكلم سند....أكيد هنلاقيله حل يرضيه مش معقولة نسيب بابا و اخواتنا في الشارع .
إلهام الحمد لله ان محدش قال لنيرة .. اهو على الأقل تتعود على شغلها و تستقر في حياتها مع جوزها الاول .
حياة طب هنبقى نتكلم بعدين يا ماما معدتش قادرة .
طلعت من الاوضة متضايقة و مش قادرة تأخذ نفسها حتى
كانت شهيرة بتحط في السفرة مع صفاء بعد ما رجعت من عند اختها و راحت سعاد القصر تاني
صفاء بقلق مالك يا هانم شكلك مخڼوقة اوي خير !!
حياة بتعب مفيش يا صفاء
شهيرة تعالي الغدا جاهز و حسام أكيد مش جاي زي العادة
شهيرة بدهشة هو انتي فيكي حاجة أتصل بحسام !
حياة لا لا ... مفيش داعي انا بخير
بس انتي كنتي كويسة قبل ما تدخلي الاوضة !! حصل ايه
قعدت حياة في الصالة و اتفتحت في العياط تلقائي
اتفاجأت شهيرة ..و بصت لصفاء طب روحي انتي المطبخ .
قعدت قدامها و قالتلها بتساؤل خير كنت سامعاكي بتتكلمي و شكلك متعصبة بس ما فهمتش ايه الحكاية
شهيرة بتساؤل مالها
رافعة قضية خلع على بابا و كسبتها
طب و فين المشكلة ما تغور ف داهية
المشكلة انها اتخلت عن حضانة الولاد بعد ما اخذت منه البيت و رمته برة ...لا و فوق كل ده الواطية واقفة بكل وقاحة في المحكمة بتقول انها عايزة تخلعه لانه مبقاش قادر عليها و لا بيكفيها بحكم مرضه و هي ست لسة بصحتها و ليها احتياجات !!
حياة پبكاء انا اللي صعبان عليا كسرة نفسه بعد الڤضيحة و الكلام اللي اتقال ده !! تلاقيه اتحطم حرفيا
فعلا موقف صعب اوي ربنا يكون ف عونه ...طب هتعملي ايه دلوقت
حياة بضيق مش عارفة. . مخنوووقة و مش قادرة افكر حتى !! هوما دلوقت في بيتي بس أكيد مش هيرضى يفضل هناك
شهيرة بتفكير طب بقولك ايه....انا عندي فكرة تطلعك من الحالة دي
يتبع بقلمي آلاء إسماعيل البشري
