رواية في الحلال البارت 5-6بقلم يقين حسام
مش هتنزل هنا تاني طالما أنت مش متقبلاها ولا حباها يبقى هي مش هتقعد في مكان هي مش مرغوبة فيه
انهى حديثة وأمسك بيد زوجته وهرول للخارج لتتحدث منال بحزن ودموع
_شوفتوا اخوكم شوفتوا دي اكيد سحراله اكيد ده مش طبيعي خالص
رد هذه المرة إسلام بحنق
_ ما خلاص يا ماما بقى هو احنا مش هنعرف نعيش مرتاحين شوية وبعدين ما أنت علطول معاك فاطمة وكذلك ام رحيم أروى فخلاص يا أمي بالله عليك سيبي يزيد براحته
_طب أنت بټعيطي لي دلوقت اهدي كده وصلي على النبي
_ عليه افضل الصلاة والسلام
_مالك بقى
_يا يزيد أنا مش بحب إنك أنت وطنط تتشاكلوا سوا بسببي أنا مش عايزة اعمل مشاكل بينكم وفي نفس الوقت مش عارفة لي طنط پتكرهني كده
_هي مش بتكرهك يا بسنت امي طيبة والله العظيم هو بس احنا عندنا العرف كده وزي ما كله متعود جيتي أنت وكسرتي القاعدة بتاعتهم علشان كده هي تلاقيها قافشة عليك شوية
_معلش يا بسبوسة متزعليش وأنا ماما كده كده هصالحها ومش هسيبها تزعل مننا
_إن شاء الله يا يزيد
في الأسفل بداخل شقة ياسر وأروى
_مش ناوي تعمل زي اخوك بقى أنا زهقت حتى عيالي مش عارفة اهتم بيهم ولا عارفة اهتم بنفسي حياتي معاكم وكأني خدامه تحت وبس
_بسنت دي الوحيدة اللي بتفهم فينا من الأول وجوزها ساعدها في كده وعاملها اعتبار وشايلها في راسه لكن انا زهقت يا ياسر عايزة احس اني متجوزة وان ليا مملكتي الخاصة اقدر اتصرف فيها براحتي
_لا ده أنت اټجننتي رسمي يا أروى من الأول وانت وافقتي على كده متجيش في الاخر وترجعي في كلامك وخفي قعدة مع بسنت خالص علشان شكلها لعبت في دماغك اوي
_ ولا هفهمك ومش عايز اسمع الكلام ده تاني علشان متزعليش مني يا أروى فاهمة
وأكمل بصوت عالي وحده
_فاهمة
_ماشي يا ياسر ماشي
هرولت ناحية غرفتها وهي تبكي ليلحقها أبنها رحيم صاحب الخمس سنوات
_ماما متعيطيش
_ حاضر يحبيبي والله ما مصبرني على العيشة دي غيرك أنت وأختك
_روح قلب امك وأنا بحبك اوي..
أما في محافظة الأسكندرية في منزل عريق يظهر عليه الرقي والجمال يجلس نصر والد بسنت وبجانبة عهد زوجتة ووالدة بسنت
_أنا قلبي واكلني على بسنت اوي
