رواية موضوع عائلي البارت 27 بقلم رحاب القاضي
جلطه اهي..
حمدي
يا بنتي ده الفطار النهارده اول رمضان انتي مش عايشه معانا ولا ايه..
ولاء
نعممم وازاي ما حدش يصحيني اتسحر امبارح انا كده هتعب في الصيام...
هاجر
اتنيلي يا ولاء فاضل سبع دقايق علي المغرب وحاولنا نصحيكي ما كنتيش راضيه تقومي..
ولاء
اااه ما انا كنت تعبانه بصراحه المهم رجالتك كلموني انتي قافله ليه موبيلك..
رجالتها مين يا بت..
هاجر بتوتر
ما فيش يا ماما ده ده هي قصدها علي المسلسل اللي هنتابعه في رمضان...
حمدي
لا طبعا مش هنتابع حاجه غير قنوات القرآن وقناة الجزيره عشان نتفرج علي ابو عبيده وهو بيلسوع في الي هود ولا الكلب
ابتسمت هاجر وقالت
طيب ارتاح انت يا بابا ولاء هي اللي هتكمل معايا الفطار..
ودخلو المطبخ وهاجر زعقت فيها
ولاء
مش قصدي بس عدي كلمني وبعده محمد..
هاجر بضيق
وعايزين ايه بقي
ولاء
محمد عايز يكلمك ضروري وعدي كان بيطمن عليكي وعلي حامد وقالي ما اقولكيش انه اتكلم وكده..
هاجر بحزن
انا مش عارفه ليه عدي ظهر في حياتي دلوقتي انا بجد تعبت..
ولاء
انتي غبيه يا هاجر اوعي تكوني بتفكري ترجعي لمحمد. بعد كل اللي حصلك منه ويا ستي يمكن ربنا خلي عدي ظهر في حياتك عشان المره دي تختاري صح..
وحامد هيكون مرتاح مع عدي ولا مع ابوه خاېفه اعمل زي طنط هناء واندم وابقي بحرم اب من ابنه وانا مش عايزه اشيل ذنب حد..
ولاء
لا علي فكره في فرق يا هاجر عمو حامد ما رماش ابنه وطلق طنط هناء زي ما محمد عمل انتي بتحفظي كرامتك ومشاعرك مش بتشيلي ذنوب..
هاجر بسخريه
والله وكبرتي يا ام بامبرز انتي وبتنصحي اهو..
بقي كده طيب غوىي انتي اصلا مهزأه..
هاجر
احترمي نفسك يا ولاء والا هجيبك من شعرك..
ولاء پبكاء
هاااجر ده اخر رمصان هقضيه معاكم انا فرحي علي العيد صح..
هاجر
بركه من عندك. ياارب وياارب اجعل نصيبها احسن مني عشان تغور ونخلص..
طلعت ولاء موبيلها وكلمت علي وقالتله
علي يا علي انا ده اخر رمصان ليا في بيت اهلي..
دقيقه يا حبيبتي وهكلمك مش فاضي..
ولاء
انت بتعمل ايه يا علي..
علي
انا وعدي بنجهز الفطار النهارده عشان ما نتعبش ماما..
ولاء
ده ايه الصدفه دي انا وهاجر كمان بنجهز الفطار عشان نريح ماما..
هاجر بصوت عالي
يا كدااااابه البت دي يا علي لسه صاحيه وواقفه جنبي تعطلني وبس..
علي ضحك وقال
يا الكسفه اللي انتي فيها يا ولاء..
احم احم طيب انت عايز حاجه دلوقتي لا صح بالسلامه انت بقي..
_ قفلت في وش علي وراحت جريت ورا هاجر اللي كانت بتضحك عليها...
_وفي بيت الشيخ محمد...
خلص محمد تجهيز الفطار ودخل اوضة هناء لقاها قااعده ماسكه صورة مازن وبتعيط وقعد قدامها علي الارض وقالها..
محمد
انا جهزت الفطار با حبيبتي يلا عشان نفطر..
هناء پبكاء
تاني رمضان يجي علينا واخوك مش معانا السنه اللي عدت ما كنتش اعرف هو فين وكنت كل يوم ادعي واقول يارب يرجع وكنت عايشه علي امل ان في يوم الباب يخبط ولما افتح والقيه قدامي السنه دي الامل ده راح واخوك كمان راح مني..
نزلت دموع محمد وقالها
هو عند الاحسن مني ومنك تعالي ندعيله ربنا يسامحه ويغفرله اللي عملو قبل ما ېموت..
هناء پبكاء
لا لا هو مالوش ذنب انا السبب والله انا السبب انا اللي ما عرفتش اخد بالي منه وامنعه عن الغلط انا اللي كنت بدخل ريهام البيت وخليتها تضحك عليه انا اللي كنت بشوفه بيشرب حاجات زي الزفت وخۏفت اقولك تمد ايدك عليه او تزعله وخۏفت اقول لابوه انا اللي سكت
