رواية بسمة الصعيد كاملة بقلم اسراء ابراهيم
بحړقة كانت بټعيط وكأنها بتشتكي لقلبه منه كان نفسها تعترفله انها بتحبه بس كانت عارفة ان اعترافها مش هيفرق معاه لانه بيحب غيرها فسكتت واكتفت بلحظات في حضنه وسالم برضه كان محاوط فتون بايديه وهو مش عارف يفسر تصرفاتها هو حاسس انه جارحها بس مش عارف ازاي
..............................
خبط صالح علي باب اوضة بسمة وهو بيقؤل بهدوء
شوية وفتحت بسمة الباب بس اتفاجأ صالح بيها لابسة دريس مقفول وطرحة مغطية شعرها ومن غير ميكب زي عادتها من يوم ما جه وكانت زي القمر فابتسم صالح بتلقائية وقال باعجاب
هي بسمة اهنه
ضحكت بسمة بخفة وقالتله بتفكير
اممم هي حاليا مش هنا بس عادي ممكن تيجي اي وقت
لا لا بلاش تيچي دلوك اني شايف ان بسمة اللي جدامي احسن بكتير
بسمة ابتسمت وقالت لصالح بجدية وهي بتشاور علي نفسها
بس تفتكر انهي بسمة اللي تكسب انا عن نفسي شايفة ان بسمة الاولا
ملحقتش بسمة تكمل كلامها لما اتكعبلت وكانت هتقع من الدريس بتاعها ولحقها صالح فوقعت بين ايديه فساعدها تقف وكانت عنيه مركزة في عيونها وقلوبهم كانت بتدق في نفس الوقت وخصوصا بسمة اللي اتوترت وعرقت لما سمعت صالح بيقؤلها بهمس
بلعت بسمة ريقها بتوتر وبعدت عن صالح بعد الاحساس الحلو اللي عاشته وهي بين ايديه وكلامه اللي حست بكل حرف فيه وكانت من جواها مستغربة احساسها ده وخصوصا ان تغيرها كان خطة منها عشان تثبت لصالح انها تقدر تكون زي البنت اللي هو بيتمناها وبعد كدة ترجع زي الاول بس دلوقتي حاجة غريبة ابتدت تحصل وكأن الموضوع قلب حقيقة فاقت بسمة من سرحانها علي صوت صالح اللي بيقؤلها بابتسامة
سقفت بسمة بفرحة وقالت بحماس
طبعا موافقة بقالنا كتير اوي كدة مش بنخرج
ضحك صالح علي كلام بسمة وهو بيقؤل بتحذير
ماشي يا ستي بس خدي بالك ممكن يچيلي تلفون واروح الشغل في اي وجت انا بجولك عشان متجوليش اني بوظت الخروچة
عادي وقتها بقي اول ما تليفونك يرن هاخده واخبيه ومش هخليك ترد
.............................
كان قاعد سالم وبيبص لفتون بحيرة لما نامت وكل تفكيره في اللي حصل بيحاول يفسر تصرفاتها وتصرفاته هو كمان في الاول فتون مكنتش شاغلاه ومكنش حتي بيفكر فيها واتجوزها وهو عارف ومتأكد انها بتحب صالح لانه كان باين في تصرفاتها معاه وكلامهم سوا وده كان بيضايقه اوي يمكن عشان شايف ان صالح هو اللي بياخد كل حاجة وانه بالنسباله دايما بيبقي الاختيار الثاني فضل سالم يفكر لحد ما نام جمب فتون وتاني يوم الصبح فاقت هي واتفاجأت بسالم محاوطها بايديه ويعتبر كانت نايمة في حضنه ابتسمت فتون وهي باصة لسالم وافتكرت لما شافته واقف مع البنت تحت قدام البيت ووقتها قلبها ۏجعها ودموعها نزلت بصمت وفجأة فتح سالم عيونه وبص في عيون فتون واتنهد بحيرة واول ما لمحته فتون كانت هتقوم بس هو حاوطها اكتر ومد ايده ومسح دموعها بحنان وقالها ببحة مميزة
فتون بصت في عيون سالم وهو بيمسحلها دموعها وقالتله بتلقائية
تبجي حبيبتك البنتة دي مش اكده يا سالم
اټصدم سالم من سؤال فتون وده خلاه يعيد تفكير في كل اللي حصل من يوم جوازهم لحد دلوقتي واتفاجأ سالم بفتون وهي بتكمل كلامها وبتقؤله ......يتبع
البارت السادس
بسمة الصعيد
وفي عز ما سالم بيجمع الاحداث في باله اتفاجأ بفتون وهي بتكمل كلامها وبتقؤله وهي حزنها مسيطر عليها
طب اما تطلجني هتتچوزها يعني هي هتنام چارك كيف منا نايمة اكده وهتصحي كل يوم الصبح علي صوتك طب
قاطعها سالم وهو بيقومها بسرعة وبيبص في عيونها وبيسألها بشك
مش صالح اللي انتي عاشجاه مش اكده يا فتون
دموع فتون نزلت وهي بتحرك راسها يمين وشمال بهدوء وهي باصة في عيون سالم اللي كمل كلامه پصدمة وهو بيشاور علي نفسه كأنه بيكلمها ويفهمها الحقيقة اللي كانت غايبة عنه
انا اللي انتي عاشجاه صوح وعشان اكده بكيتي لما شوفتيني واجف مع جمر وعشان اكده حزنتي وبكيتي لما جولتلك اني مكنتش اجصد اني اجرب منك وعشان اكده برضه سمعتي حديتي اللي چرحتك بيه وسكتي وانا بتهمك انك عاشجة صالح اخوي ردي يا فتون انطجي
فتون كانت باصة لسالم وهو بيتكلم ومش بتنطق وبعد ما خلص كلامه بعدت ايده عنها ومشيت من
