قصة حقيقيه كامله

عمري سنين وضيعت مني عرسان كويسين ودلوقتي العرسان اللي بيتقدمولي مش زي ما بتمني!
وبدأ يعدي سنه ورا سنه وأنا لسه متخطبتش ولاد أعمامي الأصغر مني بدأوا يتخطبوا ويتجوزوا وبدأ يتنظرلي نظرة إني خلاص عانس...
هو عاش حياته وأنا لسه بعاني بسببه! بقيت ادعي ربنا يغفر لي واصلي صلاه توبه واستغفر كتير وأدعي بالزوج الصالح وأنا ببكي في كل سجدة وبدعي بالراجل اللي يبقي عوض ليا عن كل اللي فات...
أنا دفعت التمن غالي أوي وبدأت أوافق علي عرسان مش عاجبني ولا شبهي وكان فيهم عيوب لكن قولت هحاول أتقبل وخلاص لأن أنا فرصي قليله وأكيد كل الي هيجيلي هيبقي أقل مني!
وفي يوم اتقدملي عريس ولما دخلت أقابله اټصدمت...
يتبع
اتقدملي عريس ولما دخلت أقابله اټصدمت...
العريس كان شكله صعب جدا مكنتش قادره أتقبله...
ولما كلمت أماني أحكيلها قالت
أنا رأيي ترفضي وأكيد هيجيلك الأحسن منه طلما مش قادره تتقبلي شكله خلاص
معلش العيب في الشكل مش مشكله هو باين أنه كويس فهوافق وخلاص
فكري كويس يا هيام وصلي استخاره ومتاخديش قرار ټندمي عليه
وافقت وتخيلوا إن هو اللي اعتذر ورفضني! ساعتها اتوجعت أوي...
إتقدملي واحد تاني عجبني جدا كان ملتزم زي ما بتمني وكل المواصفات فيه كان حلم بالنسبه لي في الوقت ده ولكن كان فيه عيب واحد كان متغطرس ومتكبر جدا بس برده اتغاضيت عنه ووافقت..
وللأسف هو برضو اللي اعتذر ورفضني وغيره وغيره وكأن فيا عيب مش شايفاه...
عايزه أقولكم إن أنا شكلي مقبول وبشهاده كل الناس إني طيبه وأتحب وأسلوبي كويس مع الكل جيراني وأهلي وأصحابي يشهدوا باني حد كويس
بكيت كتير واتوجعت من كتر الرفض ده! كنت بسأل نفسي واقول ليه كده... كل ده ليه!!!
لحد أخر واحد كان شخص أكبر مني بحوالي ١٣ سنه ومليان جدا وأنا جنبه شكلي صغير خالص زي عصفوره هتتجوز ديك! وملامحه مش حلوه خالص غير إن لبسه قديم يعني لبس ناس كبيرة في السن!
وأثناء الرؤية الشرعية قال
أنا موافق عليك وهكون محظوظ وسعيد لو وافقت عليا
بصيتله مره تانيه لعلي أتقبله بس برغم إنه كان طريقة كلامه كويسه لكني مقدرتش أتقبله حاولت اقنع نفسي وقولت الأمور التانيه كويسه فتمام...
طلبت قعده تانيه وقعدت معاه تاني ووافقت على مضض لكن اللي يضحك إني بعد ما وافقت هو الي رفضني!
قعدت سنه بعد الموضوع ده مجاليش حد غير واحد مطلق ورفضته طبعا من غير ما أقعد معاه...
استغفروا
وفي يوم بكلم أماني بنت خالتي وقالتلي
إيه يا بنتي مش هتيجي ولا إيه!!
قولت باستغراب
أجي فين إيه الدوشه دي وإنت فين أصلا!
النهارده هنجيب دهب أمينه بنت خالك إنت متعرفيش ولا إيه!!
اه... لا مش هعرف أجي
قفلت معاها بسرعه لأن الدموع بدأت تخنقني كنت عايزه أبكي
محدش عزمني عشان خايفين علي مشاعري لأني عنست بقا زي ما إنتوا عارفين..
في الليله دي حسيت پقهر شديد أوي وبكيت لربنا كنا في العشر الأواخر من رمضان عيطت لربنا ودعيت
اللهم يارب اجبر بخاطري جبرا يتعجب منه أهل السماء والأرض يارب أنا عندي يقين انك هتجبر بخاطري يارب متخذلنيش يارب
وبالفعل مكملتش شهر من اليوم ده واتقدملي عريس أنس
كنت لاول مره اقعد مع حد وأحس إني مش شايفه فيه عيب نهائي يستدعي إني أرفضه أو إني أضغط علي نفسي وأحاول أتقبل حاجه مش حباها لمجرد إن مفيش بديل...
كان جايلي بنفسه الاول وأهله لسه ميعرفوش لأنه كان شخص صاحب قرار بمعنى لو أنا عجبته أهله هيوافقوا