رواية اختيارها السئ الفصل 9-10الاخير
بصلها واتكلم بهدوء ليه عملت كدا
بلعت ريقها وفضلت ساكتة زعق وهو بيزق كوباية كانت قصاده على الأرض ردي عليا ليه عملت كدا ليه تخوني ثقتنا فيك ليه تكذبي علينا وتأمني لواحد غريب بالشكل ده! مفكرتيش فيا ولا في امك ماشي طب وربنا.! مخوفتيش من ربك يا نسمة مخوفتيش يقبض روحك على ذنب زي دا اخص عليك اخص عليك فين تربيتي ليك!! فين
عدى أسبوع من بعد اليوم دا كان كرم متجنبها تماما وكأنها مش موجودة لا بيطلب منها حاجة ولا بيقعد في حتة هي قاعدة فيها.
روحي كلميه أنت اللي غلطانة أولا عن آخر يا نسمة.
أنت حاولتي هو أصلا مستنيك عشان يعاتبك.
خرجت فتحية من المطبخ وسابتها واقفة بتفكر هتبدأ كلام معاه إزاي ولا بإيه.
وبرة في البلكونة دخلتله فتحية وقعدت جنبه على الكنبة أنا هنزل أروح لنورة أختي بالله عليك ما تردها يا كرم دي والله ما بتبطل عياط كل يوم والندم بياكل فيها.
مردش عليها وفضل ساكت وهو بيشرب كوباية الشاي خرجت نزلت من البيت ونسمة دخلتله وهي شايلة صينية عليها كوبايتين شاي بلبن.
مش عايز لسة بشرب شاي.
ينفع أقعد هنا.
وقف اقعدي.
بصتله بسرعة ما تقعد معايا يا بابا.
مردش عليها فكملت بسرعة أنت لسة زعلان مني أنا ... أنا والله عارفة إن اللي عملته غلط وغلط كبير مش أي غلط وحقك تعمل أكتر من كدا بس ... هو أنا يعني ماستهلش إنك تسامحني المرة دي
مسكت دراعه وهزته براحة أنا بحبكم أنت وماما ومكنتش بعمل اللي بعمله وفي دماغي إنكم مش فارقين معايا أنا كنت بعمله وشايفاه عادي البنات والشباب كلهم بيعملوا كدا.
فضلت ټعيط وهي على وضعها ماسكة دراعه وهو واقف مبيردش عليها لحد ما لف خدها في حضنه وقعد يطبطب عليها وهو كاتم دموعه جوة عينه بالعافية.
وفي وقت ما كانوا في البلكونة في هذا المشهد الحنين كان تلفونها في المطبخ محطوط فوق الرخامة بيفتح ويقفل كل شوية بسبب الرسايل الكتير جدا المبعوتة من أرقام غريبة رسايل محتواها كله قذر من شباب قڈرة..
كانت بتبتسم نسمة بسعادة لرضا أبوها عنها مكنتش تعرف المصېبة الجديدة اللي مستنياها مصېبة سببها حمدي
