رواية اختيارها السئ الفصل 9-10الاخير
انت في الصفحة 4 من 4 صفحات
يا ماما.
طبطبت على كتفها يعرف دلوقتي أحسن ما يعرف بعدها ويرجع يزعل من الأول تاني يلا ياما ربنا يهديك.
خرجت ووراها فتحية قعدت جنبه بابا.
بصلها وبص لفتحية اللي نظراتها حسسته إن في حاجة قفل صوت التلفزيون ولف بصلها باهتمام في حاجة ولا ايه
فتحت التلفون ووريته لأبوها وبدأت تتكلم وهي بتفرك في إيدها والله ماعرف اي حاجة أنا اټخضيت من كمية الرسايل اللي جتلي فجأة..
بص للرسايل بهدوء وقفل التلفون طلع الشريحة وكسرها قدامهم رفع إيده ومسح على شعرها وهي باصة للأرض متشليش هم أنا هتصرف.
دخلت تنام وهي حاسة بشوية راحة مش راحة تامة لكن في راحة وأمان لوقوف أبوها جنبها.
تاني يوم وقت المغرب
دخل كرم البيت كانت نسمة وفتحية قاعدين قصاد التلفزيون واتفاجئوا لوجوده.
بصوا لبعض بإستغراب قبل ما تتكلم فتحية اشمعنا.
ارجع في كلامي!
وقفت نسمة بسرعة أنا لبست أصلا.
خرجوا اكلوا وحلوا بآيس كريم وأكلوا ذرة وكملوا مشي مكنوش فاهمين كرم موديهم على فين لكنه كان ماشي وعارف وجهته.
وقفوا التلاتة قصاد معصرة اتفاجئوا بحمدي في القهوة اللي قصادهم وخلال دقايق من وقوفهم مجموعة من الشباب اټهجموا عليه ضړبوه.
قاطعها وهو بيناولها كوباية عصير قصب يا روح بابا
بصتله بعدم فهم ثم لحمدي بعدين فهمت!
كانت فتحية متابعة بحماس وهي بتشجع وكأنها بتتابع ماتش أيوة ياض يا رجولة دشمل أمه ابن ال دا.
فتحية!
نده عليها عشان تنتبهله أعطاها الكوباية يلا نمشي.
بصت ناحية الخناقة طب استنى لما يم وت.
مشوا ونسمة عينها على الخناقة طبطب كرم على راسها مبسوطة يا حبيبة بابا
بصت ناحية الخناقة ابتسمت وهي بتاخد شوية من العصير قبل ما ترد عليه بإبتسامة واسعة أوي أوي يا حسن!
تمت.
بقلم_أمل_صالح
إختيارها_السيء
