قصة نادر وليلى كاملة
يتقلب في فراشه لا يعلم حقا متي حدث ذلك! لم يدرك بأنه يهتم لها سوي اليوم بكاؤها ولهفتها وخۏفها كل ذلك اصاب قلبه وكأنه يشعر به من خلالها هي ولكنه لا يعلم حقيقة هذا الشعور الجميع يحب وجودها وهل حقيقة مشاعره المفاجئة كتلك التي يحملها معتصم و طاهر ومصطفي تجاهها ام هي مشاعر من نوع آخر...
_ صباح الخير يا طاهر.. اي منمتش شوية!
_ لا مقدرتش انام خۏفت يحصل حاجه بس الحمد لله هو كويس و وضعه مستقر بصي يا ليلي انا قولتلك امبارح اني هروح الصبح وانتي تقعدي هنا بس أنا مش هقدر والله اسيبه...
قالت بإبتسامة
_ عارفة علشان كدا جبتلك فطار و جبتلك هدوم يلا غير هدومك وشوفلك بقي حته تنام فيها وأنا هقعد هنا بدالك...
ابتسم بإمتنان
قالت بضحكه حفيفة
_ والله ما عارفه هيفضل خيري عليكم العمر كله ولا اي!!
اقبل نادر تجاههم ثم سحب طاهر تجاهه بعيدا عنها وقال بجدية
_ أنا دفعت حساب العملية و حساب الليلة بتاعت امبارح انا شوفت ابوك تحت بيسأل علي الحسابات وغاب شوية فقولت اعمل كدا قبله وقولته يقول انك دفعتهم من امبارح عاوزك تنزل تسيب الفلوس اللي معاك تحت الحساب...
_ أنا متشكر أوي يا نادر والله انا مش عارف عملت اي في حياتي علشان ربنا يكرمني بيكم و بجيرتكم دي وهردلك فلوسك في أقرب وقت.
بالفعل كان الجميع وكأن قدم بالمشفي وقدم خارجها حتي تعافي معتصم قليلا وعاد لبيته بعد اسبوع تنهد الجميع براحة وعاد كلا منهم الي شقته..
عاد طاهر يحمل أغراض لأخيه حتي اصطدم بشخص ما وسمع صوت صارخ
نظر لها بتعجب وقال بضيق
_ اي مالك! بټحرقي بنزين علي الفاضي ليه! انتي مين أصلا!!
قالت
_انا خدت الشقة اللي في الدور الاخير.
سألها بتعجب
_ ودا من امتي دا الشقة اللي في الدور الرابع
قالت بصوت عال
_ وأنت مالك هتقف تحكي معايا بتاع اي اصلا!! وسع..
وفي الشقة بالدور الثاني كانت تجلس بجواره وهو يشذب شعره وقالت بحب
_ مصطفي..اي رأيك في آية بنت صفاء..
سألها بتعجب
_ رأيي فيها إزاي يعني
قالت بترقب
_ رأيك فيها كعروسة ليك.. اي رأيك لو تطلب ايديها..
أما في الشقة بالدور الثالث كان يجلس بجوار والدته وهو يحاول الحديث
سألته بقلق
_ مالك يا نادر عاوز تقول اي! واي كل المقدمات دي!
قال بتوتر
_ ماما أنا عاوز أتجوز ليلي..
ويتبع..
_ ماما أنا عاوز أتجوز ليلي عاوز وخاېف من ردة فعلك و ردة فعل بابا وردة فعلها...
صمتت صفاء قليلا ثم ابتسمت و ضمت وجهه بكفيها و قالت
_ ميعيبهاش حاجه يا حبيبي انا موافقة اتوكل علي الله...
سألها بتعجب
_ بجد!
ابتسمت واجابته
_ اه بجد مالها يعني ليلي! اتجوزت قبل كدا و أنت لا طب واي يعني هو أنا اي اللي يزعلني ان ابني يكون عوض لواحده عارفه انها هتحافظ عليه.. يا ابني ليلي متتعايبش دي بنت أصول مشوفتش وقفتها مع طاهر و امه ما بالك بقي لما تبقي أنت جوزها هتكون واقفه في ضهرك ازاي! وبالنسبة لأبوك عمره ما هيقولك لا صدقني.. اتوكل علي الله.
ضمھا نادر وقال بحب
_ شكرا يا احلي وأحن ست في الدنيا يا بختي بيكي والله يا ماما..
...............................................
قالت بإبتسامة
_ طالما قولت محترمة وكويسه يبقي عجباك..
قال بسخرية
_ لا يا ماما ابقي بقول الحقيقة أنا عمري ما حسيتها مهتمة بيا او في حتي انجذاب..
قالت سريعا
_ يا حبيبي آية بنت هادية وخجولة وكمان بترسم حدودها كويس مع اللي حواليها أنا هنا بسألك عن اهتمامك وإنجذابك أنت انما هي هنعرف رأيها لما نطلع نقعد مع الناس ومعاها مرة واتنين بصفتك عريس مش جار... ها!! قولت اي يا مصطفي!
قبل مصطفي يدها وصمت قليلا يفكر ثم أجابها
_ قولت علي بركة الله..
قالت بسعادة
_ هطلع أقول لصفاء علشان تقول ليوسف وتحدد معاد نطلعلهم فيه..
فتح عينيه پصدمه وقال بتعجب
_ بالسرعة دي! اي يا ماما في اي!!
قالت بضيق
_ يا اخويا خير البر عاجله..
تركته بالفعل وصعدت للأعلي بينما هو ظل جالسا مكانه يضحك ويضرب كفا بكف توقف عن ضحكاته ثم ارتسمت بسمة علي وجهه وهمس بهدوء
_ آية..
في الطابق العلوي لم تبدأ فاتن بالمقدمات بل بدأت بموضوعها فور جلوسها
_ خدو وقتكم و ابقي ردي عليا..
قالت صفاء بإبتسامة
_ ماشي يا حبيبتي..
في الصباح التالي علي طاولة الإفطار كانت تنظر لهاتفها وهي تتناول فطورها فقالت صفاء بجدية
_ ممكن تسيبي التليفون يا آيه وركزي معايا ركزوا كلكم معايا..
سألها يوسف
_ في اي يا صفاء
قالت بإبتسامة
_ آية جايلها عريس..
نظروا جميعا لها فأحمر وجهها خجلا وابتسمت بهدوء فسألها نادر بجدية
_ مين
فقالت بإبتسامة
_ مصطفي.. فاتن لما طلعت امبارح يا نادر كان علشان
