رواية لقاء الروح الفصل 2-3
انت في الصفحة 1 من 3 صفحات
23
لقاء الروح
اټصدمت انه غير ما كنت متوقعه خالص شاب طويل وعريض عينه لونها اخضر وشعره ناعم نازل علي وشه لكنه بيعرج وهو ماشي بسيط شكل عنده مشكله في رجله....
لكن جماله غطي علي اي حاجه....
كنت مكسوفه جدا لأني مهتمتش بمظهري وانا جايه اقابله....
سلمنا علي بعض وقعدنا نتكلم بصراحه ارتحت جدا فالكلام معاه حسيت انه انسان قلبه نضيف ....
_ غريبه اوي انك اتصلتي بيا معملتليش بلوك....
هعملك بلوك ليه.....
_ اصل انا كنت بحب واحده جدا من سنتين واول ما روحت اتقدمتلها واهلها شافوا رجلي رفضوني من غير كلام...
مالها رجلك انا اصلا مشوفتهاش
_ بتخبي عليا عشان متحرجنيش بس ماشي هعديها...
كان نفسي ارد عليه واقوله مش انا الي قمر لوحدي يايوسف بس اتحرجت واكتفيت بالصمت ....
_ مالك سكتي ليه...
لا ابدا اصل كنت بفكر في حاجه....
_ بتفكري فيا صح ....
لا طبعا مش فيك بفكر ازاي انا نزلت اقابلك من غير ما اقول ل ماما ولو عرفت هتزعل مني جدا...
_ لو تحبي اكلمها بكرة هكلمها...
تكلمها ايه هو احنا لسه اتعرفنا علي بعض ....
انت طلعتلي منين بس...
انت الي بقيت شاغل كل تفكيري وانا عمري مهتخلي عنك يا يوسف ....
ممكن ادخل انام بقي عشان الوقت اتأخر .
_ ماشي تصبحي ع خير وكلميني اول ما تصحي.....
تاني يوم كلمته الصبح كان فرحان جدا وقالي انه اخيرا الشغل بتاعه اتصلوا بيه وعرفوا الحقيقه ورجعوه تاني ....
قفلت معاه عشان كان رايح الشغل وقعدت اقلب في الاكونت بتاعه شوية....
لقيته معمول من ٣ سنين ....
مش مكتوب فيه اي معلومات عنه ....
كل الناس الي عنده اجانب او ناس غريبه مفيش حد بيوحي انه قريبه او صاحبه مثلا ....
الكلام خدنا وقولت اقوله ....
_ احكيلي عن نفسك مامتك وباباك وقرايبك وكده
انا مقطوع من شجرة عايش انا وماما لوحدنا معناش حد ....
انا اكتر حاجه خاېف منها انها يجرالها حاجه وتسيبني لوحدي....
هعمل ايه من غيرها....
_ ازاي معندكش قرايب...
تصدقي انا نفسي معرفش ازاي .....
انتي في حاجات كتير متعرفهاش عني انا هحكيهالك فلوقت المناسب يا ليلي.....
بقينا نتكلم صبح وليل تقريبا ونتكلم صوت وفيديو واتعلقت بيه جدا وابتديت احبه ....
وفيوم واحنا بنتكلم لقيته بيقولي هو انا ممكن اقولك حاجه...
_ حاجه ايه
_ انا بحبك ...
عاوز اكلم اهلك موافقه ولا لا
_ ايه الي انت بتقوله ده احنا لسه متعرفين بقالنا
