رواية لقاء الروح الفصل 2-3
شهر وبعدين احنا لسه معرفناش بعض كويس....
_ انا عاوزك زي مانتي كده وبعدين ياستي نتعرف واحنا مخطوبين او قاريين فاتحة عالاقل....
طيب اصبر وهرد عليك بكرة....
قفلت معاه وفي نفس اللحظه ماما دخلت عليا ولقيتها بتقولي...
_ كنتي بتكلمي مين ياليلي...
مفيش ياماما واحده صاحبتي...
_ طيب ركزي معايا عشان عوزاكي في موضوع مهم جدا
لقاء الروح
الجزء الثالث
فاكرة محمد جارنا الي فالشقه القديمه كلم باباكي وعاوز يتقدملك....
لا يا ماما انا مبفكرش فالخطوبة دلوقتي لما اخلص جامعتي الاول...
_ هو جواز يعني دي خطوبة لحد ما تخلصي الجامعه وبعدين محمد شاب كويس جدا ومكافح ولا انتي في حد في حياتك لو فيه قولي متتكسفيش....
حد مين ياماما لا طبعا
_ انتي حرة خليكي كده قاعدة وكل اصحابك مخطوبين
سابتني وخرجت برة
اتصلت ب يوسف وحكيتله علي الي حصل..
_ يعني ايه يا ليلي ازاي مقولتيش ل مامتك عليا....
انا قولتلك لو فيه اي مشكله فيا قوليلي وانا هبعد انتي الي كملتي بمزاجك انا اتعلقت بيكي وانتي شكلك كده بتلعبي
_ الكلام مش محتاج ترتيب ياليلي خلاص احنا نتقابل بكرة ونتفق مع بعض....
ماشي...
اتفقنا عالمكان والميعاد والمرة دي اهتميت ب نفسي ولبسي لبست دريس شيك وحطيت ميك اب وعملت شعري ....
اول ما شافني بقي يبصلي ومش بينطق ولا كلمه ...
_ انتي ازاي حلوة كده....
اتكسفت ومردتش ارد عليه ...
دخلنا كافيه وقعدني الاول علي الكرسي وهو قعد بعدي....
بس انا لاحظت فيه طريقته انه جنتل جدا مش باين علي شكله ولا اسلوبه فالكلام انه من عيلة فقيرة خالص....
او انا الي شيفاه حلو بزيادة....
جماله حقيقي مغطي عليا بس انا نفسي اسأله الي في رجله ده من ايه بس خاېفه اجرحه بالكلام لأنه ممكن مايكنش حاډثه ....
_ ها تشربي ايه....
لا ولا حاجه
_ لا طبعا لازم تشربي
خلاص نيسكافيه...
_ انا كمان هاخد نيسكافيه زيك....
ممكن بقي تقوليلي محكيتيش ليه عليا ل مامتك....
والله زي ما قولتلك كنت عاوزه ارتب الكلام هقولها اتعرفت عليك فين عالنت دي مستحيل توافق تقابلك
_ خلاص قوللها اي حاجه قوللها اني زميلك فالجامعه...
لا بس احنا من عيلة محافظه وانا مليش زمايل شباب....
لا مش هينفع طبعا لازم اعرف هتقولها ايه عشان ابقي مجهزة كلام
_ ليلي انتي شكلك بتتهربي مني وانا نيتي مش وحشه انا عاوز اكلم اهلك وانتي الي بتتهربي....
يوسف انا بحبك....
_ بت.... ايه ...
اخيرا نطقتي وقولتيها ياشيخه دوختيني معاكي بقي....
طيب هتكلم ماما تقولها ايه ....
_ هقولها اي حاجه انشاله اني شوفتك فالشارع
