رواية القصه واللي كان الفصل 6-7-8-9-10بقلم رحاب القاضي

بجسده ع الفراش وهو يغمض عيناه بقوه يريد النوم سريعا حتي يهرب من تلك الافكار وتلك الذكريات التي تؤلمه حتي تكاد ټقتل قلبه 
بقلم الكاتبه رحاب القاضي 
دلف محمد لمنزله وبوادر الشړ تطاير من حوله وجد زوجته جالسه ع الاريكه امام التلفاز ويبدو انها غفت عليها ايضا تهجم وجهه بقوه وهو يتذكر قول يحي له منذ قليل اللي مصبرني عليك لدلوقتي هي 
احتدت ملامحه وذهب وجلس بجوارها بقوه لتنتفض هي بفزع  
فرح بملامح نايمه 
فرح
انت جيت امتي 
محمد پغضب
اي اټخضيتي لي ولا كنتي مستنيه حد تاني 
فرح بغيظ مكتوم
لا تاني ولا تالت انا بس حيلي اتهد من خدمة مامتك طول النهار وانا بروقلها بيتها وبنضفلها ي محمد 
محمد پحده
هي لو كانت ام حبيب القلب ده هيكون رد فعلك لمساعدتها 
اغمضت عيناها بحزن واجابته
انت عايز تتخانق ولا عايز ټضرب مفيش داعي تبرر ي محمد اعمل اللي عايزه وخلصني 
انهت جملتها بنبره عاليه بعش الشئ 
محمد پغضب وهو يجذبها من خصلاتها
انتي بتعلي صوتك عليا ي انا اللي غليتك ومعيشك احسن عيشه وانتي لسه مش شايفه غيره لسه عايزاه هو 
دفعها أرضا بقوه تحت بكاءها الشديد واخذ يصيح بها تاره واخري يضربها بقوه غير ملتفت لصغيره الذي استيفظ منذ قليل وهو يقف خلف باب غرفته ويضع يده ع فمه يبكي بحزن شديد ع والدته وينتفض پخوف ايضا 
انتهي من افراغ نوبة غضبه بها ودلف لغرفته فنهضت هي من ع الارض ونظرت وتحسست وجهها بيدها لتتألم بقوه جلست ع الاريكه مجددا وهي متكوره ع نفسها وتبكي بقوه وهي تتذكر ما مضي مجددا 
فلاااااش بااااااك  
جلست بجوار والدها فالمستشقي واردفت بصوت حزين
الف سلامه عليك ي بابا ان شاء الله هتقوم بالسلامه 
عزت بصوت مټألم
اخوكي وامك مجوش يزوروني من اخر مره جم فيها محدش بيحيلي غيرك انتي ويحي والاسطي عادل ي فرح 
فرح بحزن
مهو خليل عنده شغل مهو ي بابا معذور لسه مستلم الشغل جديد وماما بتقول بسيطه وانت اللي هتروحلها بنفسك وهتخف 
عزت بدمعه حزينه جرت وجنته
مش بسيطه شكلها دي اللي هتنهي كل حاجه ي فرح 
فرح پخوف شديد
بعد الشړ عليك ي بابا متقولش كده 
عزت بصوت واهن
هو يحي جاب نتيجته 
فرح بقلق
الرخم جابها ومرضيش يقولي عمل اي قال هيطمن اهله وهيجي هنا يقولنا 
عزت بهدوء
خير ان شاء الله 
ما ان انهي جملته جتي دلف يحي للداخل بعد ان طرق الباب بهدوء 
عزت بابتسامه هادئه
ابن الحلال بيجي ع السيره 
فرح بقلق شديد
ها عملت اي
يحي وهو يجلس ع المقعد بجوار عزت
تتوقع اي ي عمي 
عزت بابتسامه واسعه
الاول ع دفعتك زي السنتين اللي عدو 
يحي بهدوء وابتسامه واسعه
وانا مقدرش اكسرلك كلمه الاول ع الدفعه 
فرح بسعاده كبيره
بجد انا كنت حاسه يلا بقي هتغديني وهتوديني السينما 
يحي بمرح لعزت
طماعه اووي بنتك دي ي حج 
فرح بغيظ
والله ده لولا ي بابا اني كنت بصلي الفجر وادعيله مكنش هينجح اصلا 
يحي وهو يضرب كف بالاخر
ي حول الله يارب ضيعت مجهودي فثانيه واحده 
عزت بابتسامه هادئه
ربنا يطول فعمري الشويه دول والحق افرح بيكم ي حبايبي 
فاقت من شرودها ع واقعها المؤلم وهي تبكي بقوه وتضع يدها ع فمها تكتم شهقاتها 
واردفت بصوت مبحوح من كثرة البكاء
ربنا يرحمك ي بابا ياارب 
بقلم الكاتبه رحاب القاضي 
ما بين نسمات الصباح البارده هناك نيران حارقه بقلب احدهم لن يطفيها شئ كان يقف عمر عزام امام مرآة غرفته وهو ينظر لچروح وجهه بغيظ شديد ابتسامه جانبيه زينت وجهه واردف بتنهيده هادئه 
عمر
بقي انتي ياللي مطلعتيش من البيضه تعملي كده فيا انا عمر عزام مااشي ي نور 
ذهب وجلس ع الاريكه واخذ يتناول ما بقي من قهوته وهو يبتسم باتساع ع ما حدث بالامس رغم غضبه الشديد الا انه استمتع كثيرا بالمشاكسه التي حدثت بينهم اردف بهدوء 
عمر
كنتي متخبيه عني فين بس ي نور 
قطع شروده بها صوت طرق ع باب غرفته 
اجاب بجمود
ايوه 
اتاه صوت الخادمه التي اردفت بأيماء بعد ان دلفت للداخل
في واحد تحت اسمه توني بيقول عايز يقابل حضرتك 
اشار لها بيده واردف بجموده المعتاد
روحي قوليلو جاي 
اومئت له الخادمه وذهبت للاسفل فحين ابدل هو ملابسه لاخري رسميه ومشط شعره بهدوء ووضع عطره الخاص وهبط للاسفل ليجد ذلك الشاب الذي يدعي توني يجلس بالاسفل بملل 
عمر وهو يذهب ويجلس امامه بهدوء
ازيك ي توني منور 
توني وهو يعتدل فجلسته
ده نورك ي عمر بيه متأخذنيش ع الازعاج ع الصبح كده 
عمر بنبره هادئه
لا يحبيبي بيتك خير في حاجه للزياره المفاجئه دي 
توني بجديه
والله ي عمر بيه انا جاي وكلي عشم انك تشرفني بكره ففرحي فالحته 
اتي عمر ليجاوبه ولكن قاطعه توني متابعا
انا عارف ان فرح فحاره شعبيه مش من مقامك وانا اقدر اعمله فمكان غالي وراقي بس انا حابب اشارك اهل حتتي فرحتي ولو انت شرفتني مش هنسالك المجامله دي 
عمر بهدوء
جدع ي توني وعشان رجولتك دي انا والحج الشيمي هنكون من اول الحاضرين لفرحك 
ابتسم عمر بشرود وهو يتذكر بانه سوف يراها عندما سيذهب الي ذلك الزفاف 
توني بابتسامه واسعه وهو ينهض
ده شرف كبير ليا والله ي عمر بيه 
استأذن منه توني بادب وذهب للخارج ليجد الشيمي يدلف للداخل هو وزوجته وهم يرتدون ملابس رياضيه ابتسم لهم بهدوء وهو يتابع دلوفهم للداخل ثم أخرج هاتفه وقام بمهاتفة يحي الذي اجاب عليه سريعا 
توني بابتسامه واسعه
حصل ي كبير وكمان قالي هيجيب معاه الشيمي 
يحي بابتسامه خبيثه
طب كويس خير وبركه يلا تعالي بقي عشان نكمل تجهيزات فرحك 
توني وهو يصعد سيارته ويقودها بهدوء
فالطريق اهو ي كبير 
داخل منزل عمر عزام  
الشيمي بسخريه
وانت من امتي بتحضر فرح فحته شعبيه وكمان منطقة مندور العشري 
اردفت كارما بغيظ
ثواني كده هو مش الراجل ده ابو البنت اللي اسمها نور صاحبة نيره اللي كانت فالحفله 
الشيمي وهو ينظر لعمر بسخريه
ايوه هو ي حبيبتي 
كادت ان تتحدث كارما لعمر پغضب ولكن قاطعهم پحده
في اي منك ليها ع الصبح انا هروح هناك شغل بيزنس ي شيمي عشان شغلنا مع عدنان اللي انت خربته بغباءك وبقربي من مندور هصلح ده كله 
الشيمي وهو يذهب لغرفته
هنشوف يابن ابويااا 
بقلم الكاتبه رحاب القاضي 
فتحت نور باب المنزل لتجده يقف امامها وهو ممسك ببعض حقائب الطعام 
نور بصوت هامس
اي ده 
خالد ببرود
طيب قولي صباح الخير الاول 
نور بغمزه مرحه
صباح خير بس ده صباح الفل والياسمين والورد وكل حاجه حلوه ي سطاا 
خالد بمرح
اتلمي ي بت انتي بدل م ابوكي يقفشنا بفعل ڤاضح ع باب الشقه 
اتاهم صوت فتاه ما من الداخل تنادي نور 
خالد بتعجب
انتو مين عندكم جوه ي بت انتي 
نور بهدوء
اميره جايه تقنع بابا احضر فرحها بكره 
خالد بعدم تصديق
يخربيتك ي شيخه جايبه العروسه نفسها تقنع ابوكي 
نور بغيظ
ولو مقتنعش والله هجيبله توني نفسه يكلمه 
جاءت لهم سعاد واردفت بغيظ
كل ده ي خالد عشان تجيبلي شوية طعميه 
خالد وهو يدلف للداخل ويناولها الحقائب الصغيره بعض الشئ
والله جايبهم من الصبح وبتك مش راضيه تدخلني اديهم ليكي ومواقفاني ع الباب عماله تعاكس فياا 
نظرت لها سعاد پحده نور بابتسامه صفرااء
اعملك اي مهو اللي زي القمر 
ضحك خالد بقوه لترمق سعاد ابنتها بغيظ واردفت وهي تتجه للمطبخ 
سعاد
والله معندك ريحة الډم 
اتت لها تلك الفتاه واردفت بغيظ
انتي بتستهبلي ي نور فين عمي مندور روحي ناديلو عشان اخلص وانزل 
اجابها خالد بمرح
انزلي ي اميره شوفي اللي وراكي مشالله عنها محضرت افراح 
نور پحده
وحياة امك منك ليها طيب اقسم بالله لو بابا ما وافق مهتتجوزي ي اميره 
اميره بغيظ
لا والنبي مش ناقصه كفايه اللي عمال يتصرمح من صباحية ربنا وشكله هيسيبني وهيطفش 
نور بخبث
تلاقيه بيودع العزوبيه ي بت 
اميره
لا ي حبيبتي توني مش كده ومستحيل يعمل كده 
خالد وهو يلكم نور فكتفها بقوه
ع الله نتعلم هاا 
جاءت لهم سالي وهي ممسكه بأحد السندوتشات وتاكلها بهدوء 
واردفت بجمود لنور
انتي ي زفته متخلصي عشان نغور الكليه 
نور بلامبالاه
مش غايره اتفضلي لوحدك 
ساالي پحده
ي نور متستهبليش امتحاناتك قربت وانتي لازم تحضري الايام دي 
نور بسخريه وصوت هامس
عايزاني احضر والاقيه فوشي بعد عالقة امبارح ده مش بعيد يخطفني ويعمل فيا الكولاشه 
خالد بغيظ
بتبرطمي بأي 
نور بهروب
بقول بعد فرح توني واميره ابقي احضر 
سالي بغيظ وهي تتجه للاسفل
لا دي بتتلكك دي انا ماشيه 
ذهبت سالي للاسفل وجاء لهم مندور وخلفه سعاد التي تنظر لهم بقلق 
مندور پحده
واقفين عندكم كده لي 
نور وهي تتصنع الجديه
مفيش ي بابا ده الاستاذ خالد جابلنا طعميه وكنت بقول لحضرته يقعد يفطر معانا 
كتمت اميره ضحكاتها واردف خالد باستنكار لحديثها
نعم يختي انتي بتقولي اي مين ده اللي استاذ 
مندور پحده
لا سيبك منها بطلت اخليها تستغفلني 
نظرت نور ارضا بحزن 
اميره بتوتر
والله ي عمو نور طيبه وغلبانه بس بتدلع عليك 
مندور پغضب
ده مش دلع دي قلة ادب 
نور بدموع حزن
والله ربايتك ع فكره 
مندور پغضب
اهو ده دلع ده ولا قلة ادب 
خالد بدفاع عنها
لا دلع وانت ي خالي اللي معودها ع كده من وهي صغيره متلومهاش دلوقتي 
مندور پحده
انت اي اللي دخلك بيني انا وبنتي 
نور وهي تذهب وتحتضن زراع والدها
ايوه ي استاذ خالد انت اي اللي دخلك بيني انا وبابي حبيبي 
خالد بغيظ
والله انا متربتش ي انسه نور اني بدافع عنك انا داخل استني الاكل ي مرات خالي 
مندور پحده
اكل اي انزل افطر تحت 
خالد بحزن مصطنع
بقي كده ي خالي اكمني يتيم ومليش لا اب ولا ام هتخليني افطر لوحدي 
سعاد بحزن وهي تحتضن يد خالد بحنان
لا ي بني متقولش كده انت ابني طب والله مهتنزل غير لما تفطر معانا 
كتم خالد ضحكاته وهو يسير مع سعاد للداخل تحت غيظ مندور منه 
مندور وهو يجذب يده من نور
اوعي انا مش هكلمك 
نور بحزن
انت من امتي قاسې كده عليا وبعدين انا اعتذرتلك كتير واهو بقيت من الجامعه للبيت والبيت للجامعه والموبيل مش بمسكه غير ساعه او اتنين فاليوم وعملت اكتر حاجه بكرها وبقيت بذاكر كل ده عشان تصالحني وانت مش راضي 
تابعت اميره بهدوء
ي عمي مندور والله نور متقصدش تعمل كده بس هي ديما المواقف الوحشه بتقع فوق دماغها وهي وعدتني انها مش هتعمل حاجه من وراك تاني 
نور بصوت هامس
انا وعدتك! امتي ده 
لکمتها اميره فكتفها بقوه وتابعت برجاء لمندور
وعشان خاطري ي عمو صالحها وخليها تنزل بكره تحضر الفرح ده انا سيبت ترتيب الشقه وكل حاجه ورايا وجيتلك 
تنهد مندور بقوه ونظر لابنته التي تتصنع الحزن
لو اتكررت تاني ي نور 
نور بسرعه
اللي عايزه اعمله شالله حتي تحبسني فالاوضه شهر بحاله 
مندور بخبث
انتي اللي قولتي اهو 
نور بهروب
قولت اي انا مقولتش حاجه 
مندور وهو يذهب للداخل بنفاذ صبر
هخليها تحضر الفرح ي اميره عشان خاطرك 
اميره وهي تذهب مع نور لغرفتها
اهو ي ختي تعالي بقي هاتي الحاجات اللي طلبتهم منك 
نور بمرح
ايدك الاول ع الفلوس مش هجيبلك ببلاش انا 
دلفت سالي للاسفل وهي تضع باقي السندوتشات بحقيبتها ولكنها اصتدمت بيحي الذي كان يقف