رواية خداع قاسى الفصل 24 بقلم ديانا ماريا
علياء بجدية أنا عارفة أنه الحقيقة كانت صعبة جدا عليك بس ليه بتعاقبي والدك يا داليا إيه ذنبه
نظرت لها داليا بدهشة وقد اتسعت عيناها فتابعت علياء بحكمة أيوا يا داليا أنت كدة بتعاقبي أمجد أنا عارفة أنه مكنش سهل كل اللي حصل بس فكري لو مش سهل عليك فكان عامل إزاي عليه هو بس هو قرر يرمي كل ورا ضهره ويكمل علشانك أنت علشان ميشوفكيش في الحالة اللي أنت فيها دي دلوقتي هو لما بيشوفك بيحس أنه فشل في دوره وأنه كل اللي عمله السنين اللي فاتت راح على الفاضي أمجد بيتعذب وهو شايفك كدة.
سقطت دموعها بهدوء فمدت علياء يدها بتردد وربتت على كتفها ثم نهضت وجلست بجانبها فمالت داليا تبكي على كتفها لتضمها علياء إليها بحنان.
ابتسمت عايدة ازيك يا أمجد أخبار داليا إيه
ابتسم أمجد بحزن والله الحمد لله على كل حال.
أخذتها علياء حتى تطمئن على داليا اعتدلت داليا حين دلفت علياء بصحبة عايدة وابنتها جودي كانت جودي فتاة متوسطة الطول ذات وجه بملامح طفولية لطيفة وترتدي نظارة طبية.
ابتسمت عايدة بود ألف سلامة عليك يا داليا عاملة إيه دلوقتي يا حبيبة خالتو
رددت داليا بتعجب خالتو
شعرت داليا بإحساس غريب من تلك المودة المنبعثة من عايدة وتلك الكلمة فهي لم يكن لديها خالة أبدا في حياتها.
قدمت جودي أمامها وقالت ودي بنتي جودي في نفس سنك بالظبط.
ابتسمت جودي ازيك يا داليا عاملة إيه
ردت داليا ببرود بخير.
أومأت علياء فورا اه يلا مش هنتأخر.
خرجوا ليجد أمجد بانتظارهم فقال بتساؤل إيه فيه حاجة
هزت علياء رأسها لا إحنا قولنا نسيب البنات يتعرفوا براحتهم وكمان يمكن جودي تقدر تخرج داليا من اللي هي فيه.
تنهد أمجد بقلة حيلة يارب والله.
عايدة بجدية لا تناسب قولها متخافش بنتي رغاية وهتاكل دماغها ومش هيبقى عندها وقت تفكر من الصداع اللي هيجي لها بسببها.
اقتربت جودي حتى تجلس أمام داليا
