رواية موضوع عائلي بيت الهنا الجزء الثالث البارت 5بقلم رحاب القاضي
انت في الصفحة 1 من 6 صفحات
موضوع_عائلي
بيت الهنا
_الحلقه الخامسه
من للدموع إذا فاضت يواسيها سوى ظلمة الليل بخلوة ودمعة تناجيه
عزالدين
يعني ايه برضو الكلام ده انا مش فاهم...
حسن
هو ايه اللي مش فاهمه بقولك الولد جاي من المنيا ومالوش مكان يقعد فيه وصاحبي قصدني انه يقعد عندي اقعده فين بقي وسط بناتي يا عز ولا يقعد عندك انت في شقتك وانت قاعد لوحدك..
ما يقعد في اي مصېبه وانا مالي حسن انا ما بحبش حد يعيش معايا ده طارق اللي هو بعتبره ابني لما بيقعد في شقتي فوق الساعه بطرده فعايز تجيبلي واحد غريب..
حسن بتنهيده طويله
مش غريب يا عز اعتبره زي ابنك وانت مش هتدايق من وجوده الولد هادي جدا وزي النسمه مش هتحس بوجوده..
عز
حسن لو الواد ده ابنك من واحده تانيه قول ما تتكسفش اصلا فيه شبه مننا..
لا نبيه اووي وبعدين اخرس انت هتلبسني مصېبه يا راجل انت وخلاصة الكلام هتقعده معاك الاسبوع اسبوعين دول ولا حكايتك ايه..
عز بغيظ
يتنيل يجي بس تنبه عليه من اوضته للحمام ومن الحمام لاوضته وبس..
حسن
حاضر تعالي بقي نتعشي معاهم..
عزالدين
لا انا مش فاضي عندي معاد..
حسن
معاد ايه ده..
عزالدين بتوتر
واحده كده من معارفي بس والله هسهر شويه نتعشي واروح..
ما فيش مرواح لاي مكان يا ديل الكلب انت اتنيل ادخل قدامي يا عز..
عزالدين پحده
اتلم يا حسن انا مش طارق ابنك عشان تعاملني كده..
حسن
والله ظلمت طارق بالتشبيه ده ويلا يا عز نقعد نتعشي مع الراجل وانسي معادك ده...
_ وراحو قعدو علي السفره وليلي كانت عماله تأكل زين في بوقه وعزالدين قاله پحده..
انت مشلۏل يالاا..
بصله زين بتوتر وقال
لا انا كويس بس اا..
قاطعه عز وقال
يبقي كل لوحدك يالااا..
حسن ضحك ضحكه صفراء وقال
ههههه بيهزر معاك يا حبيبي والله وبعدين يا عز وانت مسافر زين ده كان متربي هنا..
ليلي وهي بتأكل زين
بالظبط كده ده كأنه متربي هنا مش حته منك..
_سكتو كلهم ومسح حسن علي وشه بنفاذ صبر وعزالدين قال بعدم فهم..
حته من مين..
رد عليه حسن وقال
قصدها علي صاحبي حته من صاحبي.
ليلي بتوتر
ايوه بالظبط كده هي البت ريناد فين انا هروح اصحيها اخليها تيجي تسلم عليك يا زين بص ريناد ورضوي توأم وبينهم طارق وروان واخى العنقود بقي روفان وروز توأم برضو..
زين بأبتسامه هاديه
بسم الله مشاء الله ربنا يخليهم ليكي..
روان بتلقائيه
بصلها عزالدين وقال
وهي هتبقي عمتو هو ليه..
ادركت روان اللي قالته وقامت بسرعه
هاا عمتو ازاي انا قولت عمتو ما قولتش انا عمتو...
حسن پحده
انتي مش كان عندك. كورس ايه اللي مقعدك ما تروحي..
روان بقلق
حاضر رايحه اهوو فرصه سعيده يا زين..
زين بابتسامه هادئه
انا اسعد يا روان..
_مشيت روان وهما قعدو ساكتين وزين كان مركز علي عز الدين وهو مبتسم فعز قاله پحده..
عزالدين
انت هتطلعلي بطاقه ولا ايه في ايه يا ابني مالك بتبصلي كده ليه..
روفان بخبث
اصله ملاحظ ان في بينكم شبه..
ضحك حسن بقلق وقال
ههههه تصدق شويه يعني يخلق من الشبه اربعين..
عزالدين بسخريه
بقي السهتان ده فيه شبه مني طيب ده انا ما كانش في حلاوتي اتنين ولا هتنكر..
حسن
لا ما انكرش بس الحقيقه زين شكله اوسم منك كفايه الهدوء اللي هو فيه وانا واحد محروم من الهدوء في البيت..
قال زين وهو بيشاور علي روز
ازاي بس يا عمو ده انت عندك روز زي النسمه اهو..
حسن
اهي دي بتفكرني برضوي لانها كانت هاديه وهي في سنها علي عكس ريناد اللي كانت شقيه شويه بس مش زي روفان لان روفان دي عدت حدود الشقاوه بسبب تربية ابوك. ليها..
عز بعدم فهم.
ابو مين..
كتم. زين ضحكته وحسن قال بتوتر
يا نهار ازرق... اا ايوه يا ليلي انا جاي علي طول اهوو..
دخل حسن جوه وروفان قالت
قولي يا زيزو انت مش حاسس ان زين ابنك..
ليلي بصوت عالي من جوه
تعالي هنا ياللي تنشلي في لسانك....
قامت روفان بسرعه وعزالدين قال
وانت اهلك فين..
زين
مسافرين..
عز
وهتشرفنا اد ايه..
زين بهدوء
اسبوع اسبوعين كده..
عز بضيق
ياريت اسرع من كده او شوفلك مكان تاني بيني وبينك انا مش بحب حد يقعد معايا..
ضحك بهدوء ورد عليه وقال
حاضر يا عز بيه..
عز بهدوء
عز بس يا حبيبي انا لا بيه ولا عمو اشطا..
زين بهدوء
حاضر..
بقلم_الكاتبه_رحاب_القاضي
_ وفي بيت يونس اول ما سمع اللي قالته شهد اتعصب جدا وقالها..
يونس
اتكلمي يا شهد بدل ما اروح اخلي ليلتها سودا..
شهد بغيظ
ايوه والبت تقول عليا فتانه وهتبقي مبسوط انت..
يونس پحده
انتي المفروض اصلا اول ما قالتلك كده كنتي قلعتي اللي في رجلك واديتيها بيه دي بنت ولازم يتشد عليها..
شهد بهدوء
ما عملتش چريمه البنت وانا لو عملت كده هي بعد كده مش هتيجي وتحكيلي حاجه وممكن تغلط وتخاف تقولي بعد كده وبعدين ما كل البنات في سنها بتحب وبتتحب ومشاعرها بتبدأ تتحرك وكده..
يونس پحده
اهلا والهانم بقي مشاعرها اتحركت لمين اول مره..
شهد بعصبيه
هو انت هتسيب بنتك وتمسك فيا اهدي يا يونس وانا هعرف اتصرف مع بنتي كويس..
يونس بغيظ
اقسم بالله يا شهد بنتك لو عملت اي غلطه ما هلوم غيرك وتقوليلها عيب اللي هي بتفكر فيه ده ولو ما سمعتش كسري دماغها وتفهم ڠصب عنها..
شهد بهدوء
حاضر بس ما تقولهاش اني قولتلك ولا حتي تتعامل معاها بعصبيه سيبني اتعامل مع بنتي زي ما انا عايزه...
يونس بجمود
طيب يا شهد اما نشوف اخرتها..
شهد
وحاجه كمان مالكش دعوه بأبنك ومراته يا يونس بلاش تنكد علي ابنك..
يونس بخبث
هو انا عملت حاجه ما انا في حالي علي طول..
شهد بسخريه
انت تبقي في حالك ابدا ده انت مايه من تحت تبن..
ضحك بهدوء وقالها
طيب سيبك من ولادك بقي وانزلي اعمليلي عشا حلو من ايديكي ونتعشي سوا هنا..
شهد
لا لا عندي شغل الصبح وعايزه انام..
يونس بخبث
طيب بحيث كده بقي بلاش نغير هدومنا ونتعشي في البيت ويلا بينا نتعشي بره..
ابتسمت بهدوء وقالتله
عندي شغل يا يونس الصبح بقولك..
يونس
طيب ما انا كمان عندي شغل الصبح بس عايز اقعد مع مراتي شويه من غير دوشة العيال والشغل والكلام ده..
شهد بهدوء
حاضر استني اظبط الحجاب بتاعي واجيب شنطتي واجيلك...
يونس بهدوء
طيب هستناكي تحت..
بقلم_الكاتبه_رحاب_القاضي
_ وفي مكان هادي جدا علي النيل كان واقف طارق ودموعه ماليه عيونه ووشه فيه كدمات مؤلمھ كحال قلبه الذي طعن بخنجر الخزلان الملوث بسموم الخيانه وافتكر اللي حصل من شويه بينه وبين عمرو صاحبه..
_فلااااش باااك..
عمرو
اهدي يا طارق ارجوك عشان افهمك..
طارق پحده
هتفهمني ايه بالظبط هتفهمني اني ممنوع ادخل الكافي بتاعي اللي ليا النص بالظبط فيه ولا علي انك كنت ماسك ايد البنت اللي بحبها وبتخطبها من اهلها افهم ايه بس..
عمرو ببرود
تفهم انك غبي وانك حققت حلمي وانت فاكر انك بتحقق حلمك انا عملت الكافي بتاعي اللي بحلم بيه وخطبت البنت اللي عجباني كمان يبقي المفروض انت من نفسك تفهم انك غبي يا طارق..
مسكه طارق من هدومه وقال پغضب
اقسم بالله لوديك في ستين داهيه احنا بينا عقد...
عمرو
ايوه فينه العقد ده بقي المفروض انه معايا انا وكمان انت مضيت علي انك متنازل عن ادارة الكافي ليا انا يا طارق وريني بقي
