رواية موضوع عائلي بيت الهنا الجزء الثالث البارت 5بقلم رحاب القاضي

الاسبوع الجاي هيكون عندكم تلات مهندسين وعندهم خبره في الشغل كمان..
كمل كلامه وهو بيبص للعمال اللي بتشتغل
بس برافو انتي بدأتي بطريقه كويسه هتساعدك انك تنجزي المشروع بسرعه بس كده العمال ممكن يتعبو ومش هيطلعو شغل كويس..
يوسف
والله قولتلها بس دي ما حدش قادر عليها..
تجاهلت رضوي كلامه وقالت ليزن
فاهمه يا بشمهندس وبرضو الطلب التاني ان يبقي في عدد عمال قد اللي عندنا ده بحيث نقسم فترة العمل لجزئين عشان يقدرو يتحملو ضغط الشغل..
يزن 
اذا كان كده اوكي الاسبوع الجاي هتكون كل حاجه مظبوطه اكتر من كده وانا هاجي برضو وهكون معاكم خطوه بخطوه..
ابتسمت رضوي وردت عليه وقالت
اوكي اتفقنا..
يزن 
همشي انا واللي تحتاجوه تحت امركم..
_ ومشي يزن ورضوي قربت من يوسف وقالتله بهدوء..
رضوي
انا اتعمدت احرجك قدام اخوك عشان بعد كده ما تنساش الحاجه اللي بنتكلم ونتفق عليها..
يوسف ببرود
ما تفكك يا بنتي من الجو ده وتعالي نروح نتغدي في مكان هادي كده..
ردت عليه بجمود وقالت
بعد ما تخلص شغلك ابقي كلم خطيبتك واعزمها علي الغدا او العشا زي ما تحب لان عيب تطلب كده من وحده غريبه وانت عندك اللي ليها حق عليك ومش مهتم. بيها يا نص بشمهندس..
_وسابته ومشيت وهو بصلها بخبث وبعدين طلع موبيله اللي بيرن ولما شاف اسم عائشه اتنهد بضيق ورد عليها وقال..
يوسف
يا نعم..
عائشه
فينك يا يوسف انا من امبارح بكلمك ومش بترد عليا..
يوسف 
كنت شغال ورجعت البيت تعبان ونمت علي طول..
عائشه
انت عمرك ما اهملتني كده يا يوسف هو في ايه بالظبط..
يوسف
يا بنتي ايه الكلام الكبير ده انا لما بكون فاضي بكلمك وبنخرج من غير ما تطلبي صح ولا لا..
عائشه بضيق
صح يا يوسف طيب انا كنت عايزه اخد رئيك في حاجه..
_لاحظ يوسف في الوقت ده رضوي وهي بتتكلم مع العمال وبتبسم بهدوء فقال لعائشه بسرعه..
يوسف
هكلمك وقت تاني يا شوشو عشان مشغول..
_ومن غير ما يسمع ردها قفل في وشها وراح وقف جنب رضوي اللي بقي مهتم اووي بفهم طريقتها في الشغل ويركز معاها..
_ وبعد شويه في بيت محمد دخلت اميره عند. عائشه اللي كانت قاعده مدايقه وقالتلها..
اميره
هاا قولتيلو ولا لسه..
عائشه
ما كانش فاضي يسمعني يا ماما هقوله بالليل..
اميره 
يبقي تخليه يتعلم يفضي ويسمعك..
عائشه 
ازاي يعني يا ماما..
قعدت اميره جنبيها وقالت
يعني تروحي الشغل عند يزن وهو بقي لما يشوفك هناك يعرف انك اشتغلتي انتي بقالك كام يوم اهو بتحاولي تكلميه والبيه مطنشك..
عائشه بقلق
ما هو ممكن يزعل يا ماما وانا مش عايزه ازعله مني..
اميره 
ما يتفلق هو مش بيعمل حساب زعلك زي ما انتي بتعملي معاه روحي شغلك شوفي مستقبلك وهو لما يعرف قوليلو انت ماكنتش فاضي تسمعني عشان بعد كده يلم نفسه ويعرف يهتم بيكي وبأمورك كويس..
عائشه 
طيب حامد فين..
اميره
راح هو ومازن اخوكي النادي بدل ما انتي قاعده. كده قومي غيري هدومك وروحيلهم ده الناس نسيت شكلك من كتر ما حابسه نفسك في البيت بسبب عريس الغفله مش عايزك تخرجي من غيره..
قامت عائشه وقالت بدموع 
خلاص يا ماما بقي ارجوكي انا مش ناقصه كلامك ده..
دخل عندهم محمد وقال پحده 
انتي بتعلي صوتك علي امك ليه يا بنت..
عائشه بقلق
اسفه يا بابا ما كنتش اقصد..
اميره 
دي عايزه تروح النادي لاخواتها يا محمد وانا خلاص وافقت انها تروح..
محمد 
وقررتي ايه في موضوع الشغل عند يزن انا كلمته تاني وهو مستنيكي في اي وقت تروحيله..
عائشه بضيق
حاضر يا بابا موافقه وبكره هروحله..
ابتسم محمد وقال
علي بركة الله يا حبيبتي لو هتروحي لاخواتك هخلي السواق يوصلك....
عائشه 
حاضر يا بابا..
_ وطلعو هما من عندها وهي مسكت موبيلها وبعتت رساله ليوسف وقالتله..
عائشه
يوسف حامد صمم اني اروح معاه النادي فهروح شويه وهرجع علي طول والله مش هتأخر..
_وقفلت الموبيل وغيرت هدومها وراحت لاخواتها النادي..
بقلم_الكاتبه_رحاب_القاضي 
_وفي بيت حسن كانت ليلي قاعده في الصاله بتكلم سيف جوز بنتها ريناد وقالتله..
ليلي
اسمعني طيب يا حبيبي انا فاهمه. انك ما عملتش حاجه بس هي من خناقك معاها شكت فيك وما عرفتش تفهم الوضع اللي انت كنت فيه..
سيف
وضع ايه والله يا مرات خالي ما اعرف الريحه دي جات منين والموضوع تافه علي انه يكبر ونوصل للنقطه دي..
ليلي
طيب اعتبرها هرمونات حمل وتعالي وهاتلنا معاك مانجه وجاتو بالشوكلاته هي بتحب الحاجات دي..
ابتسم سيف وقال
حاضر وكمان مش هقول ان حضرتك اللي كلمتيتي عشان بنتك دماغها مقفله تقفيله صعيدي هفهمها اني جاي من نفسي وانا كده كده كنت هجيلها عشان اصالحها برضو واسألي خالي انا كلمته وقولتلو انا جاي وقت ما تهدي اكلمها وارجعها..
ليلي 
ربنا يبارك فيك يا حبيبي والله انت زيك زي طارق انت وعبدالله وكمال برغم كل اللي عملو زي ولادي انتو التلاته وغالين عندي..
سيف
ربنا يخليكي لينا يا مرات خالي...
ليلي
مش هعطلك عن شغلك اكتر من كده مع السلامه..
_قفلت معاه ليلي وقامت دخلت المطبخ وفجأه دخلت عندها ريناد وقالت پحده..
ريناد 
ازاي تكلمي سيف يا ماما...
ليلي
مين قالك اني كلمته..
ريناد
روفان سمعتك وجات قالتلي. 
ليلي بعصبيه 
بنت الجزمه رووفااااان خدي هنا يا بت..
ريناد 
سيبك من روفان دلوقتي وفهميني هو انتي يعني زهقتي مني عشان تكلميه تخليه يجي ياخدني..
ليلي پحده 
بقولك ايه يا بت انتي حلي عن دماغي انا وقفت معاكي في الاول بس كده الموضوع بقي مش متحمل..
ريناد بدموع 
يا ماما بقولك بيخوني والله العظيم بيخوني انا متأكده..
ليلي بنفاذ صبر
بطلي لعب عيال لو ما كنتيش واثقه فيه ما كنتيش اتجوزتيه من الاول انما بعد ما بقي بينك بنت صغيره والتاني جاي في السكه جايه تقولي الكلام ده وقاعده ومستحليه القعده يبقي لا ومليون لا مدام مش معاكي دليل انه بيخونك بجد زي ما بتقولي ترجعي بيتك وما تضحكيش حد عليكي..
ريناد بدموع 
ماشي يا ماما بس لما يرجع بابا انا هقوله..
ليلي پحده 
اامشي اطلعي بره من وشي يا بت انتي يلاااااا جاتك نيله انتي وابوكي في يوم واحد يا نكديه منك ليه..
طلعت ريناد ودخل عندها طارق وقال
في ايه يا ماما بتزعقي ليه ومالها ريناد..
ليلي بقلق
سيبك مننا احنا انت رايح فين..
طارق بجمود
نازل يا ماما مخڼوق ومش طايق اقعد في البيت..
ليلي
ما تعملش حاجه لحد يا طارق سيب ابوك يتصرف..
طارق بنبره حزينه
اللي فيه الخير يقدمه ربنا يا ماما بعد. اذنك...
_وسابها طارق ومشي وهي دموعها نزلت بحزن علي حال ولادها..
بقلم_الكاتبه_رحاب_القاضي 
_ وعند حسن كان قاعد في الكافي اللي قاعده فيه روان مع صحابها وهو عيونه كلها دموع وڠضب وشايفها بتشرب سجاير وقاعده مع ولاد وبنات بطريقه مش كويسه..
_كان متابعها من لما خرجت من الجامعه لحد دلوقتي وبعد شويه قامت وسابت صحابها وخرجت من الكافي طلع وراها حسن ولقاها اخدت تاكسي ومشيت فركب عربيته بسرعه وراح وراها ونزلت هي من التاكسي بعد شويه قدام فيلا راقيه جدا وراحت عند الباب ورنت الجرس وبسرعه فتحلها امير الباب وقال..
امير
في معادك مظبوط اتفضلي..
روان 
مامتك فين..
أمير
جوه مستنياكي يلا ادخلي..
روان بصتله بقلق وقالت
طيب ما تيجي نخرج ونقعد بره في اي كافيه احسن..
مسك ايدها بهدوء وقال
ممكن ما تخافيش وتثقي فيا يلا تعالي..
دخلت معاه البيت وقالها
ادخلي جوه عند ماما وانا هجيب حاجه من بره وجاي..
روان بتوتر
حاضر..
_ دخلت روان وهو ابتسم