رواية موضوع عائلي بيت الهنا الجزء الثالث البارت 5بقلم رحاب القاضي

واحده اتربت من صغرها وهي سامعه ان امها سابتها واڼتحرتلا واڼتحرت ليه عشان ما حدش كان بيحبها ونفس الحكايه بتكرر معايا انا ما حدش بيحبني وانا ما بحبش حد..
وسابته ودخلت اوضتها ورجعت وقالتله
ما تستناش انا مش رايحه الجامعه..
وقفلت البال وهو قال بصوت عالي
لو الدنيا كلها بتكرهك يا غبيه فأنا بحبك وعمري ما حبيت قدك رغم كل اللي عملتيه معايا..
_اول ما سمعت هي كلامه دموعها نزلت وفضلت ټعيط پألم وحزن وردت عليه بصوت عالي برضو..
سدره 
حتي لو بتحبني باباك هيخليك تكرهني زي ما خلي ابويا يكره امي ويطلقها عشان اخته بطه وهتشوف يا يزن قريب اوي ان كلامي صح..
_ ما ردش عليها يزن ومشي راح شغله وهي طلعت من اوضتها وفضلت تشيل في الفطار اللي جهزته وما حدش اكل منه حاجه وموبيلها رن في الوقت ده فردت بسرعه وقالت..
سدره 
ها يا ندي عملتي ايه..
ندي 
ما جاش فضلت مستنياه امبارح وما جااش..
سدره 
ازاي يعني هو بيسهر هناك علي طول..
ندي 
مش عارفه بقي انا هروح هناك تاني النهارده وهشوفه اكيد وهعرف اشغله ما تقلقيش بس يشوفني..
سدره 
انجزي بسرعه يا ندي انا عايزه في اسرع وقت تبقي ڤضيحة يوسف الصاوي علي كل لسان..
ندي 
بس كده من عينيا بس هو مش يبقي ابن صاحب ابوكي وكمان اخو جوزك ده حتي اسمه علي اسم ابوكي يا اختي ليه عايزه تعملي فيه كده..
سدره پحده 
وانتي مال اهلك انتي تعملي اللي بقولك عليه وبس..
_وقفلت الفون في وشها وكلمت واحد تاني في الموبيل وقالتله..
سدره
ايوه يا عصام ايه وصلت لايه..
عصام 
ولا حاجه البنت مقفله خالص مهما حاولت اكلمها مش بتديني فرصه..
سدره 
يعني ايه حتت عيله صغيره زي دي مش عارف توقعها هو انا شغلتك في السنتر لحسن جمالك لا يا سكر انت تنفذ اللي بقولك عليه وفي خلال شهر تكون عملت اللي اتفقنا عليه مع بنت يونس الصاوي والا هترجع عاطل زي ما كنت فاهم..
عصام 
حاضر حاضر بالعافيه بالذوق هعمل اللي قولتيلي عليه يلا سلام عشان الشغل..
_ قفلت معاه وراحت وقفت قدام الصوره اللي في الصاله اللي فيها يزن ويوسف ويارا وقالت بدموع..
سدره 
طول عمري بحس بنقص قدامكم وان انتو احسن مني عندكم كل حاجه انا اتحرمت منها والسبب ابوكم واخته وصاحبه انا ما كرهتش في حياتي قدكم....
بقلم_الكاتبه_رحاب_القاضي  
_وفي شقة عزالدين.. 
كان زين واقف في المطلخ بيعمل فطار وبيكلم فيروز وهو فاتح مكبر الصوت وقال..
زين 
هو لطيف يا مامت بصراحه بس مع ولاد اخوه معايا انا مش طايقني..
فيروز بضيق
سيبك منه وتعالي هو عمره ما هيتغير....
زين 
لا ما هو لسه ما يعرفش حاجه وبعدين طبيعي يتصرف كده مع واحد غريب بالنسباله..
دخل عنده عزالدين في الوقت ده وقال
انت بتعمل ايه هنا..
كتم زين بسرعه الصوت وحط الفون علي ودنه وقال
خلاص يا ماما هكلمك وقت تاني..
وقفل معاها ورد علي عزالدين وقال
اا انا كنت بكلم ماما..
عزالدين
بتعمل ايه هنا..
زين 
بفطر بجهز فطار عشان افطر..
عزالدين
دي اول مره تدخل فيها المطبخ بتاعي المفروض كنت تستأذن..
زين بهدوء
بعتذر لحضرتك بس انت كنت نايم وانا مريض ولازم افطر عشان اخد العلاج..
عزالدين بتعجب
مريض عندك ايه يعني..
زين 
عندي القلب..
انتفض قلب الاخر بحزن شديد ورد عليه وقال
سلامتك..
زين 
الله يسلمك..
عزالدين ابتسم وقال
طيب جهزلي فطار معاك بقي وبلاش عك انا بحب اكل حاجات كويسه..
ابتسم زين بحماس وقاله
من عينيا احلي افطار هيجيلك دلوقتي.. 
_وفي بيت فيروز من اول ما سمعت صوت عزالدين اللي غاب عنها سنين وبدأت كل حاجه عدت وكانت فتكره انها نسيتها تتعاد تاني قدامها وقالت لنفسها بدموع وحزن..
فيروز
لو عليا عمري ما كنت سمعت عنك حاجه تاني طول حياتي بس هو ابني اللس محتاجلك وعلي الله يا عز ما تبقاش واطي معاه زي ما طلعت ندل وواطي معايا..
بقلم_الكاتبه_رحاب_القاضي 
_وفي نفس الوقت في شقة الاستاذ حسن كان قاعد في اوضته من الليل علي الكنبه وهو ساكت وملامحه حزينه جدا دخلت عنده ليلي وبصتله بضيق وقالت..
ليلي
وبعدين معاك يعني هتفضل كده..
حسن
اقفلي النور واطلعي بره يا ليلي شوفي هتفطري ولادك ولا هتعملي ايه..
ليلي بدموع
في ايه يا حسن انا عارفه انك مدايق بس احنا من يوم يومنا واحنا بنشارك فرحنا وحزننا سوا ليه المره دي بتبعدني عنك..
حسن پحده 
لو سمحتي يا ليلي اطلعي بره..
ليلي بحزن
ماشي يا حسن و والله لولا الظروف اللي فيها طارق ومش عايزاه يزعل اكتر انا ما كنتش هقعد. دقيقه واحده هنا بعد المعامله دي..
_وطلعت من عنده وهي زعلانه جدا وفضل قاعد علي حالته دي من غير ما يروح الشغل اكتر من ساعتين لحد ما سمع روان بتقول لمامتها بره..
روان 
انا رايحه الكورس بتاعي يا ماما عايزه حاجه..
ليلي
لا بس ما تتأخريش وخلي موبيلك عالي عشان لما اكلمك..
_ ما ردتش عليها روان وخرجت وما اخدتش بالها من حسن اللي خرج وراها وفضل متابعها من غير ما تاخد بالها خطوه بخطوه..
بقلم_الكاتبه_رحاب_القاضي 
_ وفي مكان شغل رضوي راحت قعدت وفتحت قزازه المايه بتاعتها الخاصه بيها ولسه هتشرب بس يوسف جاب كرسي وقعد. جنبيها واخد منها قزازة المايه وشرب هو بكل برود..
رضوي 
ايه قلة الذوق دي..
يوسف 
عطشان وبعدين ما شربتهاش كلها اهو خدي اشربي..
رضوي 
بقرف اشرب مكان حد..
ابتسم بهدوء وقالها
هو مين كمال..
بصتله پحده وقالت
انت تعرف كمال منين..
طلع من جيبه سلسله وقال بخبث
وقعت منك السلسله دي اللي متعلقه فيها دبله مكتوب عليها كمال بس مقاس صباعك صغير اوي ده مقاس اطفال تقريبا..
زعقت فيه رضوي وقالت
وانت بأي حق تسمح لنفسك تتكلم معايا في حاجه زي دي وهات السلسله بتاعتي..
يوسف بخبث
بالراحة طيب بلاش العصبيه الاوفر دي..
رضوي بعصبيه 
يا عم انت انا ما بهزرش هات السلسله...
يوسف بأستفزاز
طيب قوليلي هو مين الاول..
رضوي پحده 
وانت مالك انت هو مين...
يوسف ببرود
خلاص ما فيش السلسله..
وقفت رضوي وقالت بغيظ
تمام خليهالك وما تزعلش بقي من اللي هعمله..
_خلصت كلامها وزقت الكرسي اللي قاعد عليه يوسف برجلها فوقع علي الارض بسرعه والعمال لما شافوه وهو بيقع فضلو يضحكو..
قام هو يسرعه وقال بعصبيه
انتي عبيطه ايه اللي عملتيه ده..
رضوي بغيظ
رد فعلي علي قلة الذوق اللي بتتعامل بيها معايا..
يوسف بخبث
لا لا ده رد فعلك عشان جيبت سيرة كمال اللي شكله عشمك بحاجه يا حرام وخلع انا برضو يوسف الصاوي وفاهم التصرفات بتاعتك دي كويس..
رضوي بغيظ
انت مش محترم ولو اتكلمت تاني في الموضوع ده مش هيحصل كويس..
قرب منهم في الوقت ده يزن وقال بهدوء
السلام عليكم يا جماعه..
ردو عليه السلام وهما شكلهم مدايق جدا فقال يزن
مالكم في ايه وانت ايه اللي بوظ هدومك كده يا يوسف..
يوسف بص لرضوي بسخريه وقال
وقعت..
يزن بضحكه هاديه 
لا سلامتك المهم انا قولت بدل ما نعمل اجتماع ودوشه قولولي اللي عايزينه وانا اعمله..
رضوي بخبث
يلا يا يوسف بلغ البشمهندس يزن باللي اتفقنا عليه..
اتوتر يوسف وقال
ااا اا مش فاكر.. نسيت..
يزن پحده 
نسيت! اومال حضرتك لما تنسي شغلك هتفتكر ايه..
يوسف بضيق
خلاص يا يزن نسيت مش حوار يعني..
رضوي بجديه 
ما علينا يا بشمهندس يزن انا كنت بفكر نجيب عدد. مهندسين تاني معانا تلاته علي الاقل وطبعا هكون انا مشرفه عليهم بس عشان المشروع يخلص بسرعه في الوقت اللي يونس بيه حدده..
يزن 
تمام ما فيش مشكله