رواية موضوع عائلي بيت الهنا الجزء الثالث البارت 5بقلم رحاب القاضي

الورق او اي حاجه تثبت انك ليك نص الكافي..
لكمه طارق في وشت وزعق فيه وقال
يا حيوااان بس وحياة امك لاخد. حقي ڠصب عنك وعن الواطيه التانيه..
مسك عمرو وشه پألم وقال بسخريه
انت اللي جيبته لنفسك يا طارق انا ما كنت عايز اذيك..
طارق پحده 
وهتعمل ايه يا روح امك انت ڠصب عنك هترجعلي فلوسي واشبع بالكافي..
وبص لسندس اللي جات ووقفت ورا عمرو وقال 
وكمان اشبع بالرخيصه اللي وراك دي....
عمرو مسك ايد سندس وقال بخبث
انا مش هرد عليك لاني بقيت ارقي بكتير من أني اتكلم معاك بس هجيبلك اللي يرد عليك كويس..
_وشاور عمرو بأيده للحراس بتوعه اللي جم وضړبو طارق بطريقه عڼيفه حاول يقاومهم بس ما قدرش وعمرو اخد سندس ورجعو الكافي قدام طارق اللي بصلهم بحزن وكسره حقيقيه...
_باااك..
فاق من ذكرياته اول ما وصل بيت اهله نزل من التاكسي وادااه حسابه وبص للبيت بضيق وطلع فوق..
_في الوقت ده فوق كانت ليلي واقفه في البلكونه ولما شافت طارق دخلت وقالت لحسن اللي بيشتغل علي اللابتوب في الصاله..
ليلي
طارق رجع يا حسن..
حسن بضيق
بزمتك ده حال يرضي ربنا مش عنده جامعه الصبح ومسؤليه انه يقف قدام الطلاب بتوعه ويشرح وهو فايق بالحال ده وهو راجع وش الفجر هيعرف ازاي يديهم حقهم وكمان مقعدك. انتي جنبيه لحد ما يرجع..
ليلي
لا هو ما قعدنيش انا اللي مستنيااه عشان اطمن عليه وبعدين اهو جه وكويس وانا مش عايزه حاجه تاني من الدنيا..
حسن 
طيب سيف كلمني عقلي بنتك بقي وخليها ترجع لبيت جوزها انا مش ناقص كمان لو لمياء عرفت تيجي وتكبر المشكله وانتي عىرفه اختي كويس يا ليلي..
ليلي بضيق
هو انا هخاف منها بعني تشوف تصرفات ابنها الاول وابن اختك يا حسن يتلم شويه ويتعلم الادب ويبطل ينكد عليها ويدايقها..
_قبل ما يرد عليها حسن دخل طارق واول ما شافو وشه اللي مليان كدمات اتخضو هما الاتنين وحسن قال بقلق..
حسن 
ايه اللي حصل مال وشك ومين عمل فيك كده..
ما ردش عليه طارق ودخل اوضته وحسن قال پحده ل ليلي
ليلي روحي شوفيه ماله وقوليلو غلط يبقي دكتور جامعي محترم ويجي بعد نص الليل وبالمنظر ده
ليلي بقلق
حاضر يا حسن وبلاش كلامك ده قدامه ما تزعلوش منك..
حسن 
انا قصدي مصلحته يا ليلي يعني عاجبك شكله كده
ليلي 
خلاص وطي صوتك وانا رايحه اشوفه اهوو..
_وقامت ليلي ودخلت عند طارق اللي كان قاعد علي سريره وبيقلع في الكوتشي بتاعه ولما شافها بص الناحيه التانيه وقال بجمود..
طارق
لو سمحتي يا ماما اطلعي بره انا عايز انام دلوقتي..
ليلي 
مش قبل ما اعرف انت كنت فين وايه اللي في وشك ده بتتخانق يا طارق خليت ايه للبلطجيه والناس اللي مش متربيه..
طارق بدموع
ارجوكي يا ماما انا عايز انام..
وقفت ليلي قدامه وقالت پحده 
انت ازاي تكلمني كده وبصلي وانا بكلمك ورد عليا..
بصلها بحزن ودموعه نزلت وقال بنبره منكسره
اتضحك عليا يا ماما اتضحك عليا من اكتر اتنين وثقت فيهم كنت مجرد وسيله بيحققو بيها احلامهم..
ليلي بقلق
انت بتقول ايه مين اللي ضحك عليك..
رد عليها وهو بيمسح دموعه وقال
عمرو وسندس طلعو ڼصابين صحاب عمري طلعو ڼصابين وانا اول واحد ضحكو عليه والنهارده خطوبتهم وافتتاح الكافي بتاعهم اللي دفعت فيه فلوسي..
دخل في الوقت ده حسن وقال بجمود
قصدك فلوسنا دفعت كام انت فيه انت واخد. مني انا ومن اختك ومن عمك علي اساس انهم سلف..
ليلي بدموع وقلق
خلاص يا حسن مش وقته الكلام ده ومش ذنبه حاجه...
طارق بسخريه
لا يا ماما سبيه انا اصلا ما كنتش عايز احكي اللي حصل عشان ما تشمتش فيا..
حسن پصدمه
اشمت فيك اشمت في ابني يا طارق..
طارق بدموع
ايوه عشان انت جيت وقولتلي بلاش وانا اللي صممت وانا مش عايز اسمع منك كلام اللي هو لو كنت سمعت كلامي وده اللي انا قولت عليه انا مش عايز اسمع كده سبيوني بس في حالي
حسن بضيق
انا هكلم عبدالله يشوف حل هو هيعرف يتصرف..
طارق پحده
ما تكلمش حد انا مش عيل عشان تخلي حد يجيبلي حقي...
حين پحده وڠضب
لا عيل وخايب واتضحك عليك ويا ترجع الفلوس يا ترجع الكافي ما عرفتش يبقي تقعد وتحط جزمه في بوقك وانا هتصرف..
_قال كلامه وطلع من عنده وقعدت ليلي جنب طارق وقالتله بحزن..
ليلي
ما تزعلش منه هو زعلان عليك..
طارق پبكاء
انا موجوع اووي يا ماما ليه يحصل فيا كده..
حضنته ليلي وطبطبت عليه بحنان وقالت
هتتعدل يا ابني وربنا هيحلها من عنده ان شاء الله..
_وبره كان حسن قااعد مدايق جدا وهو بيفكر في مشكلة طارق وقام عشان يدخل اوضته بس وقف اول ما سمع صوت روان وهي واقفه في بلكونة اوضتها وبتتكلم في الفون بصوت واطي بص للساعه اللي كانت واحده بعد نص الليل وراح وقف في بلكونة الصاله عشان يشوفها بتكلم مين بس اټصدم اول ما سمعها بتقول..
روان
خلاص بقي يا امير ما تبقاش رخم قولتلك طارق اخويا رجع من بره وخۏفت يشوفني وانا بكلمك وينكد عليا بس شكله كده مدايق والحمد لله ما اخدش باله مني....
_اتصدم حسن من بنته بتتكلم بالطريقه دي ومع ولد في وقت زي ده وصډمته زادت اكبر لما سمعها بتقول تاني..
روان 
اوكي خلاص هجيلك البيت بكره بس لو مامتك ما كانتش موجوده همشي..
_سابها حسن وراح دخل اوضته وكانت حالته لا يحسد عليها وصډمته في بنته من ناحيه وحزنه علي طارق من ناحيه تانيه ودخلت عنده ليلي وقالت بحزن....
ليلي
ارجوك يا حسن بلاش كلامك ده مع طارق..
حسن بجمود
انا لا عرفت اربي ولد ولا بنت ولو كنت افتكر انهم هيبقو كده لا كنت اتجوزت ولا خلفتهم كمان..
ليلي بحزن
انت بتقولي انا الكلام ده يا حسن..
حسن پحده 
ايوه يا ليلي انا وانتي ما عرفنااش نربي وحاسس دلوقتي اني ندمان اني خلفتهم..
ليلي بدموع
شكرا يا حسن تصبح علي خير..
_ وسابته وراحت نامت وفضلت ټعيط بحزن من كلامه وهي اللي ديما متعوده علي حنيته وهدوءه معاها لاول مره يكلمها بالطريقه دي.
بقلم_الكاتبه_رحاب_القاضي 
_وتاني يوم الصبح في بيت يونس الصاوي في شقة يزن طلع من اوضته وهو بيتكلم في الفون وقال بهدوء..
يزين 
اوكي يا اونكل يوسف ان شاء الله انا وهي هنكون عندكم النهارده... ايوه هي جنبي اهي معاك..
_ وكانت سدره في الوقت ده واقفه عند السفره ومجهزه الفطار واول ما قالها تكلم باباها ادايقت واخدت منه الفون وقالت..
سدره
نعم..
يوسف
انا عزمتك انتي وجوزك النهارده عندنا في البيت علي العشا هستناكي عشان وحشتيني وعايز اقعد معاكي شويه..
سدره بسخريه
والله وياتارا بتقولي كده ومراتك قاعده جنبك ولا انت بتقول كده من وراها عشان خاېف منها..
يوسف پحده
في بنت محترمه تكلم ابوها كده..
سدره 
انت شايف ايه..
يوسف بنبره حزينه 
شايف انك وحشتيني وعايز اشوفك وهستناكي النهارده..
سدره بدموع 
ان شاء الله مع السلامه..
_وقفلت الفون معاه واديته ليزن وقالت بضيق شديد..
سدره
انا قولت نفطر هنا النهارده وجهزتلك الفطار وكده بس انا ماليش نفس افطر انت لحد ما اجيب حاجتي من جوه عشان توصلني الجامعه..
يزن بجمود
ليه بتعملي كده في نفسك انسي يا سدره اللي بتعمليه ده ما بيتعبش حد غيرك..
ردت عليه بسخريه وقالت
هو انا امتي ارتحت اصلا انت مستني ايه من