رواية موضوع عائلي بيت الهنا الجزء الثالث البارت 5بقلم رحاب القاضي
انت في الصفحة 6 من 6 صفحات
سدره بخبث وقالت وهي بتقرب منه
علي كده بقي احنا لو خلفنا بنت هتربيها زي كده..
ابتسم يزن بهدوء ورد عليها وقال
هو انتي عايزه تخلفي مني اصلا..
حطت ايدها علي كتفه بهدوء وقالت
طبعا مش جوزي وحبيبي اكيد هتمني يبقي عندي طفل منك..
يزن بسخريه
ده من امتي ما انتي كنتي مغصوبه عليا..
سدره بدموع ونبره حزينه مثلتها ببراعه
انا اسفه انت الوحيد اللي بتحبني وانا قرىت ارضيك انت وما اخسركش مهما حصل حتي بابا وطنط لطه النهارده روحتلهم ولحاول اعاملهم كويس عشان متزعلش انت وما اكسرش كلمتك قدامهم واهلك هتحمل كل حاجه وهبقي واكده منهم زي ما انت عايز بس سامحني علي الغلطه اللي عملتها يوم فرحنا..
يزن
دموعك دي غاليه عندي اووي ومش زعلان منك واعتبري اننا متجوزين من اول النهارده..
ابتسمت بأتساع
_ واخدها ودخلو اوضتهم اللي بقيت مشتركه بينهم من النهارده بس هل بقي يزن هيكتشف. كدبها عليه ولا هيفضل مخدوع فيها لحد. ما يفوت الاوان..
_وتحت العماره بتاعت الاستاذ حسن خرج عم سيد البواب من اوضته اللي تحت السلم وهو ماسك صنية الشاي وحطها قدام طارق اللي كان قااعد. مدايق جدا وقاله..
سيد
هونها علي نفسك يا ابني وحاول تبعد الموضوع عن تقكيرك كل ما تفكر فيه وتفضل تقلب في كل حاجه من الاول الشيطان هيوصلك لسكه صعبه..
يعني اعمل ايه انسي الموضوع ازاي وانا لازم ارجع الفلوس اللي مستلفها دي لاهلي..
سيد
سيبها للاستاذ حسن يتصرف..
طارق
اصل انا عيل صغير هخلي ابويا هو اللي يجيبلي حقي وانا اقعد اتفرج...
سيد
مش عيب الواحد يرجع لابوه بعد ما يغلط ومش عيب ابوك يقف جنبك ويجيبلك حقك انت بسنك ده وطولك ده هتفضل في نظر ابوك طفل صغير وهو لازم يساعدك..
ما علينا قولي بنتك. عامله ايه مش هتسافر تشوفها..
سيد بحزن
كلمتني وقالتلي ان خالتها مطلعه عينها وكمان هي في امتحانات ثانويه داخله عليها وعايزه تركز في مذاكراتها وخالتها مش مخليها تعرف تركز..
طارق
طيب ما تجيبها هنا..
سيد بدموع
للاسف مش هقدر انا مفهما اني شغال امن شركه كبيره ما تعرفش اني بواب..
هو الشغل عيب يا عم سيد وبعدين بنتك تقدر انك طول السنين اللي عدت شارب المر عشان تكفي مصاريفها ومش مخليها ناقصها حاجه ده انا فاكر لما كنت بتقبض مرتبك كنت بتجري تجيبلها هدوم وهدايا وحاجات من اللي بتحبها وتبعتهالها..
مسح سيد دموعه وقال
مش عايزها تشوفني قليل او في صوره غير اللي عي رسمهالي ومش هاين عليا اسيبها عند خالتها اللي مطلعه عينها دي..
فكر تجيبها هنا يا عم سيد وهي اكبد طيبه زيك ومش هتفرق معاها الشكليات اللي انت بتتكلم فيها دي..
سيد
بقولك ايه اطلع نام عشان تصحي تروح الجامعه بتاعتك..
طارق
حاضر بس بابا وروان لسه بره يرجعو من يره واطلع معاهم...
سيد
ماشي يا ابني..
بقلم_الكاتبه_رحاب_القاضي
_وفي عربية حسن كانت روان قااعده بټعيط وحسن بصلها پحده وقال..
حسن
اسكتي يا روان عشان نروح مش عايز امك تشوفك بالحاله دي ولا تعرف حاجه وكمان طارق اخوكي والا هيقتلك..
روان پبكاء
والله العظيم يا بابا كنت فاكره ان مامته في البيت..
حسن بسخريه
والله! ولما ضحكتي عليا وقولتي ان مصاريف الجامعه اكتر من المطلوب يا كدابه وبتقعدي مع شلة صحاب فيها ولاد وبتشربي سجاير انتي عارفه البنت اللي زيك بيقولو عليها ايهدي اخرة ثقتي فيكي يا روان..
روان پبكاء وحزن
انا اسفه يا بابا حقك عليا انا مش هعمل كده تاني..
_ما ردش عليها وطلع موبيله وكلم عبدالله ولما رد عليه عبدالله قال..
حسن بهدوء
ايوه ازيك يا عبدالله يا ابني عامل ايه..
عبدالله
الحمد لله بخير يا خالي انت اخبارك ايه والجماعه كلهم عاملين ايه..
حسن
كلنا بخير الحمد لله اا انا كنت عايزك تيجي هنا يومين كده لو فاضي في موضوع مع طارق نخلصله سوا..
عبدالله بأهتمام
خير ان شاء الله ماله طارق..
حسن
لا لا خير هي مشكله بسيطه بس والعشم فيك بعد ربنا تخلصلها لينا..
عبدالله
من عينيا يا خالي هخلص حاجه في ايدي بكره واجي علي بالليل كده واكون عندك الصبح..
حسن
توصل بالسلامه..
وبص لروان بجمود وقال
وحاجه كمان يا عبدالله انا كلمت روان في موضوع جوازك منها زي ما اتفقنا وهي وافقت..
_بصتله روان پصدمه و....
_وبكدا خلص البارت النهارده ونتقابل البارت الجاي ونشوف هيحصل ايه..
وبكره ان شاء الله هتنزل القصه واللي كان وبعد بكره النصيب وبعدهم علي طول موضوع عائلي وحقكم عليا علي التأخير ولو عايزني انزل بأنتظام زي الاول ادعولي ربنا يعدي الايام دي عليا بخير ويخلصني انا واهلي من الكرب اللي احنا فيه ولكم بالمثل أجمعين
