رواية القصه واللي كان الفصل 24بقلم رحاب القاضي
انت في الصفحة 1 من 6 صفحات
القصه_واللي_كان
_الحلقه ال 24
لا نحتاج سوى الرأفة ببعضنا البعض الرأفة في الحديث في الفعل في التمسك وحتى في التخلي.
أحمد خالد توفيق
_ما بين نسمات الليل بمنزل راقي باحد البنايات العاليه كان يجتمع برفاقه والڠضب مسيطر عليه ولما لا وهو اكثر من ذاق الظلم والان يري غيره قتل بلا ذنب من هؤلاء السامون..
خالد پحده
سليم ببرود
مكنتش اعرف انهم هيموتوهاا..
يحي بسخريه لازعه
لا ي راجل كانو مثلا هيشكوها بدبوس..
سليم بجمود
من غير تريقه ي يحي انا..
صاح فيه يحيي پغضب مقاطعا
اسكت ي سليم انت كده مفرقتش عنهم فحاجه مانا لو عايز انتقم منهم كنت قټلت مرات خليل ولا بنته بس دول ناس ملهاش ذنب مشكلتك كانت مع محمد وعمر والشيمي البنت دي مكنش ليها ذنب راحت نتيجة قرفهم وربنا ادلك سبب ودليل عشان تنقذها وانت سكت وشاركت معاهم بسكوتك..
مكنش قلبه هيتحرق غير كده انا سكت بس عشان اشوفه متعذب ومحروم من البنت اللي حبها زي معمل فيا وعمر انا اللي زنيت ع خالد يتجوز نور قبل كتب الكتاب عشان يتوجع نفس ۏجعي وانا معاكم هنا عشان انتقم منهم وبس..
خالد بهدوء قبل ان تتاذم الاوضاع بينهم
خلاص ي جماعه اللي حصل وسليم معاه اهو هما اكيد دلوقتي هيفهمو محمد ان اللي قتل مي يحي..
انا هبعتله واخليهم يولعو فبعض..
يحي پحده
انت متفكرش من دماغك تاني ي سليم تخليه عندك لحد يوم العمليه عشان انت ما تتكشفش وتروح في داهيه
سليم بتنهيده غاضبه
طيب العمليه امتي احنا معندناش ولا معلومه عنها اصلا والوقت عمال يعدي وده وحش علينا احنا..
يحي بضيق
انا مراقب مندور الاربعه وعشرين ساعه مفيش خبر عن حاجه زي دي خالص..
طيب مهو يمكن عدنان بيسوحنا او بيلبسنا فالحيطه مثلا..
خالد بنفي
لا لا مستحيل انا اعرف عدنان كويس لو كان فنيته حاجه كان قلب علينا الدنيا من غير ميحتاج يخطط بس هو فعلا عايز يبطل لانه كان قبل كده بيعترض ع شغل الحج بس الحج كان بيزعق فيه وبيهدده زي مبيعمل معانا بالظبط..
سليم بغيظ
اومال مش عايز يساعدنا لي فهموني..
عشان اللي احنا عايزين نسجنه وندمره يبقي ابوه..
خالد
انت رايح فين ي يحي..
يحي بجمود
رايح مع سالي للدكتور وموضوع العمليه ده مقدمناش غير نستني لان اي حركه غبيه هتودينا فداهيه..
_ذهب للخارج واخرج هاتفه وبحث عن رقمها الذي غيره مؤخرا الي اسم ام يونس واضعا قلب احمر بجوارها يعلم بانها غاضبه الان لانه اخبرها انه سيقوم بتوصيل فرح الي المحطه ورغم انها لم تبدي اعتراض الا انه علم بحزنها من هذا لذلك ارسل معها خالد وبقي هو بالعمل قام بالاتصال بها..
نعم..
اردف بهدوء وهو يدلف خارج الاسانسير متجها لسيارته
انعم الله عليكي بتعملي اي..
سالي بجمود
كنت باكل وبتفرج ع التلفزيون..
يحي بابتسامه هادئه وهو يصعد سيارته
بتتفرجي ع اي وبتاكلي اي...
اجابته بتنهيده عاليه
باكل سندوتش جبنه بيضه وطماطم وزتون ويتفرج ع فيلم بحبك..
اردف بنبره هادئه
وانا كمان بحبك..
ابتسمت رغما عنها قائله بنبره خجوله
لا ده فيلم تامر حسني واسمه كده...
يحي بنبره حاده
اي لا دي هو انتي مش بتحبيني ولا اي..
سالي بهروب من مشاكسته
انت سايق صح..
يحي بحزن مصطنع
بتتهربي من السؤال ماشي ي سالي زعليني بقي وانا سايق عشان اتعصب واسوق بسرعه واعمل حاډثه مانتي لو بتحبيني مش هتعملي كده..
قاطعته قائله بخجل شديد
بحبك ي يحي اسكت بقي..
ضحك بهدوء قائلا
هههههه طيب مانا عارف انك بتحبني عشان انا اتحب اصلا..
سالي بغيظ
انت عايز اي ي يحي وفينك اصلا مش المفروض فالشغل ولا روحت فين حضرتك..
اجابها بهدوء
بصي ي ستي انا حسيت الصبح ان في واحده حبيبت قلبي زعلت اني هوصل فرح فعشان زعلها فارق معايا بعت خالد مع فرح واخدت انا شغل خالد وشغلي ومعرفتش اكلمك وبعدين دلوقتي كنت قاعد مع خالد فكافي كده وخلصت اهو وجاي اخدك..
سالي بعدم فهم
هتاخدني فين..
يحي بخبث
فحضني طبعا..
سالي بغيظ وخجل
اتلم ي يحي وبعدين اقفل متتكلمش فالفون وانت سايق ممكن..
ابتسم بهدوء قائلا
حاضر بس ممكن انتي تقومي تجهزي عشان اجي اخدك ونروح للدكتوره نطمن ع الواد يونس..
ابتسمت باتساع قائله
هو انا كنت هروح بكره و..
يحي بهدوء
لا انا حجزت من يجي ساعتين وهنروح النهارده عشان موضوع الدوخه والتعب اللي بيتكرر معاكي ده..
سالي بحماس
ماشي هجهز بسرعه اهو بس متتاخرش..
ابتسم لحماسها بسعاده قائلا
حاضر ي حبيبتي مش هتاخر..
بقلم_الكاتبه_رحاب_القاضي
_منذ الصباح يجلس عدنان بغرفته بذلك الاوتيل تاره يقف بالشرفه المطله ع الماء وتاره اخري يجلس بالداخل وهو شاردا ويتردد باذنه كلام ذلك الرجل الذي يدعي فؤاد عندما جاء له بالصباح واخبره بما عرفه عن صفيه..
_فلاش باك...
عدنان بجمود
متتكلم ي فؤاد ع طول..
فؤاد بايماء
ي باشا انا مش عايز اقول حاجه تعمل مشاكل وعشان كده سألتك انت عايز اي من البنت دي وده عشان مش عايز حضرتك تزعل او تدايق من اللي هتسمعه..
احتدت ملامحه قائلا بجمود
اتكلم ي فؤاد مش هقول تاني..
فؤاد بضيق
الحج عبدالدايم كان شيخ الجامع بتاع منطقة مندور العشري وكان صاحب الحج مندور وغالي عليه وكان عنده قهوه بس كان مشغلها بما يرضي الله لا شيشه ولا سجاير ولا حتي كان بيخلي اي طالب فايام الدراسه يقعد فيها المهم الراجل ده عنده بنتين ومراته ماټت وهو بتولد البنت الصغيره بنته الكبيره صفيه كانت هي وعمر عزام بيحبو بعض وده ع كلام ناس كتير فالحته وقالو كمان ان عمر راح خطبها اكتر من مره من ابوها بس ابوها رفض عشان هو كان مش مظبوط وحضرتك عارف يعني اي عمر عزام...
عدنان بنظرات جامده
كمل..
فؤاد بجديه وبعض من القلق متابعا
وقالو ان بعد م ابوها رفضه وابوها لما عرف اللي عملته بنته طب ساكت وماټ وهي اتجوزت عمر عزام..
_لمعت الدموع فعينه بخزلان وعدم تصديق لما استمع اليه واردف بجمود...
عدنان
كمل ي فؤاد في حاجه تاني..
فؤاد بقلق
في كتير اولهم ان شوقي راح اتجوز اختها الصغيره عشان يبقي مع عمر ونسيبه بس اللي حصل ان عمر واخوه طفشو صفيه دي فعيشتها لحد مطفشت من عمر ورفعت عليه قضيت طلاق وع كلام الناس برضو انها فضلت سنين بتحاول تطلق منه وهو كان معلقها وخلاص وبهدلها لحد متدخل الحج مندور وطلقها منه وساعدها تفتح القهوه بتاعت ابوها وفتحلها البيت من الاول وخلاها قعدت فيه وقالو كمان ان من وقتها وهي بقيت بدل البت الغلبانه الضعيفه بقيت ست الحته كلها تأمر وتتأمر واجدع راجل هناك بيعملها الف حساب..
_ضحك عدنان بهدوء وعدم تصديق فكيف لتلك الفتاه البريئه من وجهة نظره ان تكون بتلك الشخصيه القويه..
فحين تابع الاخر
فوسط م بسال عليها ي باشا روحت سالت واد صاحب محل موبيلات قالي كلام مش كويس عنها وانها ع علاقه بيحي عادل اللي شغال مع الحج مندور..
عدنان بنظرات غاضبه
علي علاقه بمين الواد ده اكيد بيخرف من دماغه..
فؤاد بضيق وقلق
للاسف ي باشا هو معاه حق لانه وراني تسجيل لكاميرات الشارع بس بعد متجوز بطل يروحلها وبقيو بيتقبلو عادي فالقهوه وكده..
عدنان بسخريه
