رواية لخبطيطا الجزء الثاني الفصل الثالث3
انت في الصفحة 1 من 5 صفحات
الفصل الثالث
عبدالرحمن الرداد
متقوليش كدا كل اللي عملتيه كان علشان نرجع مش علشان قاصدة ده وبعدين بصي للنتيجة خلفنا ولد وعيشنا في سعادة كذا سنة ورا بعض ودلوقتي بعد رجوعه بالزمن هنقدر نغير اللي هيحصل ده
قالها لزوجته التي كانت تبكي على ما حدث فرددت هي بتساؤل
وده هنقدر نغيره ازاي! كنا قدرنا مع رماد طالما عارفين اللي هيحصل
رماد حاجة ودول حاجة تانية رماد كان أنا ومسافر بالزمن وجاي من المستقبل يعني حصل خلاص لكن الرداء الأحمر دلوقتي لو موجودين فهم ضعاف جدا أو لسة أصلا متحدوش لو احنا بقى قررنا ندور عليهم من دلوقتي ساعتها هنبقى كسبنا وقت وخدنا قوة وساعتها هنوقفهم قبل حتى ما نقابلهم في المستقبل
تفتكر ده هيحصل
ابتسم وهز رأسه بالإيجاب وهو يقول بهدوء
افتكر ونص يلا بينا نقعد مع طيف ونتفق هنعمل ايه الفترة اللي جاية
هزت رأسها بالإيجاب وتحركت معه إلى الخارج واستمعوا لصوت ضحك مرتفع كان يأتي من مارد الذي ردد ضاحكا
ېخرب عقلك يا طيف دمك خفيف
ضحك طيف وتابع
والله زي ما بقولك كدا يا جدو والراجل وقف وبص وراه وصړخ وهو بيقول مين اللي شخبط على مراية العربية وأنا جنبه ھموت واضحك
بص يا طيف خطتنا دلوقتي نلاقي أثر لمنظمة الرداء الأحمر دي معندكش أي معلومات زي هم اتأسسوا فين بالظبط
أسرع وأجاب على والده قائلا
أيوة من المعلومات اللي اكتشفتها في المستقبل انهم اتأسسوا هنا على الارض دي وكانوا عبارة عن شركة صغيرة متخصصة في البرمجة بس للأسف مش فاكر بالظبط الاسم ايه
لازم تفتكر يا طيف لأن فيه شركات برمجة كتير أوي ومش هندور على ابرة في كوم قش!
هز رأسه وحاول أن يتذكر لكنه لم يستطيع وردد بأسف
للأسف مش فاكر كل اللي قرأته ده كان مجرد قراءة سريعة بسبب إني مكنتش مركز بعد اللي حصل بس أنا عندي فكرة
رددوا جميعا في صوت واحد
فكرة ايه
ابتسم وقال بحماس شديد
ضيق عبدو ما بين حاجبيه وردد بحيرة
نسافر المستقبل إزاي
ابتسم واعتدل في جلسته ليقول على الفور
أنا عندي نفس قوتك ونقدر نتحرك بسرعة كبيرة جدا طبعا سمعت عن اختلاف أوقات الزمن
هز الآخر رأسه بالإيجاب وتابع
لو حد اتحرك بسرعة كبيرة جدا هيبقى فات عليه وقت قليل لكن بالنسبة للكوكب بتاعه بيبقى عدى سنة مثلا
ابتسم طيف وأشار إليه قائلا
بالظبط كدا
ضيق حور ما بين حاجبيها وقالت بحيرة كبيرة
أنا مش فاهمة حاجة
نظر طيف إلى
