رواية -يعني هو دا إلي عايزاني أتجوزه !

معاها إبتسامتنا  
كل واحد فينا كان بيبتسم لسبب بس ف النهاية الحنان طغي ع الموقف في مجرد إبتسامة صافيه طالعه من القلب وتدريجيا إبتسامته تلاشت ولبس قناع البرود من تاني
أنا هنزل الشركة 
شركة
أيوه بابا وشهد شايلينها ع كتافهم من وقت إلي حصلي ولازم أرجع وأشيل عنهم شويه !
إبتسمتخلي بالك من نفسك
هز راسه ومشي وأنا سرحت ف الموقف الدافي إلي حصل بينا من شوية ! مرضتش أتغدي وفضلت مستنياه طول اليوم علشان نتغدي سوا بس إتأخر !
بابا هو زين إتأخر ليه
الشغل كتير عليه بما إنه كان غايب عن الشركة وقت طويل ومحتاج يراجع كل حاجه حصلت علشان يفهم الدنيا ماشية إزاي !
يعني هييجي إمته
شويه وهتلاقيه جاي هو قرب يخلص متقلقيش 
إبتسمت ماشي
خرجت البلكونه أقعد فيها وأراقب النجوم لحد ما ييجي سمعت صوت كلاكس عربيات فعرفت إنه وصل جريت بسرعه ع تحت علشان أشوفه أول ما عيني وقعت عليه لهفة قلبي هدت وكإن قلبي كان تايه وملامحه كانت هي وجهتي
إبتسمت حمدلله ع السلامه 
بإرهاق الله يسلمك 
هحط الأكل علشان نتعشي أو نتغدي يعني
رفع نتغدي 
أيوه بصراحة كنت مستنياك علشان ناكل سوا بس الغدا إتحول لعشا 
بصيت ف الساعه إلي ف الحيطهزي ما أنت شايف الساعه بقت 11
إبتسم ه غير وآجي 
دخلت المطبخ أجهز الأكل لأن كل الخدم ناموا رصيت الأكل ع السفره وفضلت قاعده لحد ما جه
سمك !
إبتسمت هفصصلك 
ببرود لا شكرا هنده لعمتو تفصصلي !
بس أنا موجوده وكنت أنا إلي بفصصلك 
لكني مش فاكر حاجه وكل إلي فاكره الطريقه القاسيه إلي عاملتي بيها واحد تعبان ومفكر نفسه طفل !
الدموع إتجمعت ف عيني وقومت سيبت الأكل وجريت ع الأوضة كنت حاسه بنفسي بيضيق ومحتاجه أتنفس فطلعت البلكونه وغمضت عيني وأنا بحاول أنظم أنفاسي
ليه يا زين عاملتها كده !
عمتو 
بإنفعال يكون ف علمك زينة كانت أكتر واحده واخده بالها منك طول الفتره إلي كانت موجوده فيها كانت الوحيدة إلي بتلعب معاك وبتشاركك كل تفاصيلك حتي السمك هي إلي كانت بتفصصهولك كمان كنتم صحاب وكانت هي أم ليك ليه مش قادر تحس بيها وبإلي هي بتعانيه كانت فجأه عايشه معاك ف سعاده وف لحظات نسيتها وبقيت مش فاكرلها غير الۏحش وبس ! أنت مش كده يا زين 
سابتني ومشت وأنا حسيت بتأنيب ضمير بالرغم من إني مش فاكر حاجه بس ف حاجه جوايا مخلياني أصدق كل إلي بيتقالي ! حطيت الأكل ع صنية وطلعت الأوضه دورت بعيني عليها ف كل مكان لحد ما لقيت صوت جاي من البلكونه فعرفت إنها جوه ودخلتلها
يلا علشان ناكل
بصتلي ورجعت بصت لموبايلها تانيمش جعانه 
إبتسمت طب ومش هتفصصيلي
إيه
إبتسمت يلا علشان جعان 
مسحت دموعها بسرعه وإبتسمتحاضر 
مكنتش مصدقه نفسي إن هو إلي جالي علشان يشاركني أكله ! إبتسامته وهو بيطلب مني أفصصله رضت قلبي ورجعت جوايا ذكريات كتير متعلقه بالموقف دا !
كنتي بتتفرجي ع إيه ف الموبايل
بإرتباك ولا حاجه
شد الموبايل من ع رجلي فزعقتزين سيبه !
مسمعش كلامي وفتح الفيديو إلي كنت مشغلاه كان فيديو بيني أنا وهو وإحنا بنلعب سوا وبنسجل لحظاتنا السعيده ! كنت خاېفه إن الفيديو دا يأثر ع ذاكرته بشكل عكسي قاعده بتابع رد فعله وبحاول أستشف ملامحه بس كان جامد ومقدرتش أعرف حاجه فضل يقلب ف الموبايل لحد ما شاف كل الصور والفيديوهات وآخر فيديو كان وأنا وهو بنتعرف لبعض بحبنا بس طبعا كان بيعترفلي بمشاعر الطفوله إلي جواه !
حط إيده ع راسه بتعبأنا إزاي مش فاكر حاجه
متضغطش ع نفسك يا زين علشان خاطري صدقني مع الوقت هتفتكر كل حاجه وحتي لو مفتكرتش فأنا هفضل معاك 
بصلي بإرهاق وإيه جبرك تفضلي معايا وأنا كده ! أنا مش فاكر غير خۏفي منك يومها مش فاكر غير معاملتك القاسيه ليا !
إبتسمت المهم إنك فاكرني ومنستنيش هقوم أنزل الأكل وأعملك الشاي زي ما بتحبه وهاجي 
عايز قهوه ممكن
بس أنت مكنتش بتحبها !
إبتسم بسخريةمكنتش ف وعيي كنت طفل شايف إن القهوه غلط عليا !
نزلت عملت القهوه وخدتها بالراحة علشان أحافظ ع الوش بتاعها طلعت لقيته واقف ف البلكونه ومربع إيده وسرحان ف السما إبتسمت وبصيت للسما وبعدين بصتله وخطواتي عرفت طريقها ليه
القهوه !
خدها من إيدي وإبتسمشكرا 
إبتسمت وقعدت ع الكرسي وهو قعد ع الكرسي إلي جنبي وفضل الجو صامت بينا بس كل فتره واحد فينا يخطف نظره للتاني ! جو لطيف زي عيونه بالظبط وف لحظه قلبي معملش حسابها لقيت راسه ع كتفي وقتها قلبي دقاته علت والدم إتجمد ف عروقي كانت حركة متوقعه من زين الصغير لكن مع زين الشاب متوقعتهاش خالص علشان كده حسيت إني إتلجمت !
زين .. أنا
غمض عيونه بإرهاقهششش محتاج أنام 
طب إدخل ع السرير
أنا كده مرتاح
ف البلكونه !
إبتسامه دافيه ظهرت ع ملامحه وهو لسه مغمض تؤ ع كتفك 
الليله دي كانت من أحلي وألطف وأرق الليالي إلي عدت عليا ! كانت أول مره أنام فيها فرحانه من يوم ما زين رجع طبيعي وأول مره أحس قلبي فرحان من يوم