قصه رووووعه كامله

 هتتجوزيه 
رديت ع الماسج وأنا مش حاسه بإيدي اللى بكتب بيها 
هتجوزه 
بس انتى بتحبيني أنا 
هتعلم أحبه هو مقدرش أكون أنا والتعب على بابا مقدرش أءذيه 
كانت آخر رسالة ابعتها وبعدين عملت بلوك انا وادهم جيران بحبه جدا وحاولت أراعي ربنا فيه على قد ما اقدر قالي قبل كدا واحنا صغيرين انه بيحبني وانه هيعمل المستحيل عشان يتجوزني ومن ساعتها متكلمناش عملنا حدود بينا لحد ما دا يحصل بس لما عرف اني هتخطب بعتلي الماسج دي كنت عارفه انه بيتعذب جدا وانا كمان زيه بس مش لازم كل حاجة تحصل برغبتنا مش لازم أدور على سعادتي أنا بس إحنا بنفرح لما نلاقي اللى حوالينا مبسوطين وبابا قالي إن فرحته في الجوازة دي وأنا مش هكسرها .

مسحت دموعي وخرجت عشان أحضر العشا ولما خلصت سمعت صوت الباب بيتفتح
غفران تعالى بسرعة
لما سمعت صوته جريت فورا وأنا بقوله 
نعم يابابا
تعالى شوفي جبتلك ايه
كان ماسك شنطتين شنطة فيها دريس جميل اوى وخمار والتانية فيها جزمه كعب أول ما شوفتهم عيني دمعت ومعرفش دا بسبب الجوازة اللى انا مش راضية بيها ولا بسبب فرحة بابا اللى كان نفسي أشوفها من زمان
انتى بټعيطي يابنتي !
لا دي دموع الفرحة يابابا
قرب مني ومسح دموعي وهو بيقول 
مش عاوز بنتي حبيبتي تزعل أبدا طول ما انا عايش
بوست ايده وانا بقوله 
ربنا يخليك ليا يا حبيبي
حاتم جاي بكره بعد صلاة العشا مع أهله عاوزك تبقي قمر
أنا قمر من يومي ياحاج
انتى هتقوليلي عامله اكل ايه بقا انا جعان
كوارع
يا سلام طب هاتي بسرعة بقا
بابا بيحب الاكلة دي جدا وأنا بحاول أعمل أي حاجة ممكن تفرحه من يوم ما ماما اټوفت وهو صحته بتتراجع ومن أسبوعين جاتله أزمة قلبية كان هيروح مني بسببها حمدت ربنا جدا إنه نجاه وكان لازم أراعيه وأبقا جمبه دايما ومحاولش إني أزعله بأي طريقة أنا ممكن أضحي بحياتي عشانه وأهم حاجة بالنسبالي إنه يكون راضي عني .
نمت وصحيت تاني يوم وانا حاسه انى قلبي بيوجعني نضفت البيت وعملت الاكل واليوم عدي بسرعة غريبة ولما وصل هو وأهله دخلت سلمت عليهم وبعدين سابونا مع بعض
انتى عارفه اني ...
قاطعته وانا بقول 
حاتم لازم تعرف حاجة
طبعا اتفضلي
أنا مش حابه أبدأ حياتي معاك على كدبة او امثل انى مبسوطة
مش فاهم ! انتى مش موافقة ع الجوزاة دي 
أنا موافقة يا حاتم بس لازم تعرف إني كنت بحب حد وكنت مستنياه يكون مكانك بس محصلش نصيب صدقني أنا عمري ما خونت ثقة بابا وعمري ما هخون ثقتك هبقا ليك الزوجة