رواية اسيرة الماضي كامله بقلم اية محمد
بدموع لحظه واحده..ممكن نتكلم بس شوية...
مراد بضيق ابدأ ي شيخ لو سمحت.. اقعدي ي مريم نتكلم بعدين..
بارك الله لكما وبارك عليكما و جمع بينكما في خير
مريم بصت لأبوها بحزن كبير أنه مش مصدقها.. دي هي نفسها بدأت تصدق كل اللي بيحصل.. ي تري مين مراد دا و عايز اي منها!!!
مراد سحبها من آيديها ومشي و هي بتبص لأبوها بحزن الدنيا كله ومش عارفه تعمل اي!!
مريم ممكن أعرف أنت مين!!!
مراد جوزك..
مريم بكره أنت مين بقولك و عايز مني اي وليه التمثيليه دي!!!!!
مراد قولتلك هتعرفي كل حاجه بعدين...
مريم پغضب لا أنا عايزه أفهم دلوقتي..
مراد ببرود أنا اللي هحدد مش انتي.. و متفكريش بصوتك العالي هتمشي كلامك عليا.. صړخي من هنا لأخر الدنيا انا مش سامعك ي مريم...
مراد أزيك ي عم ياسر..
ياسر اهلا ي بيه اهلا وسهلا..
مراد مش تباركلي أصلي أتجوزت مريم..
ياسر مبروك ي ست مريم ألف مبروك هههه مش كنتي وعداني لو اتجوزتوا بحلاوة الجواز اههيييه..
مريم پصدمه أنت تعرفني!!
ياسر اي!! أنت مش فاكراني ي ست مريم!!!
ياسر ربنا يخليكوا لبعض ي بيه...
ياسر جري فتح الأسانسير ل مراد اللي سحب ايد مريم وراه...
الدور الأول. التاني.. لحد الخامس الدور الأخير...
مراد خرج من الأسانسير و وراه مريم حاسه بالتعب والدوخه... و الخۏف الكبير لما لقت نفسها هتدخل شقة مراد..
بصت وراها كانت الشقة اللي قصادها خارج منها بنت اكبر منها بكام سنه بس.. بتبصلها ب إبتسامه...
رنا مبروك الجواز ي قلبي.. مراد باشا قالي انكوا هتتجوزوا النهاردة..
مراد الله يبارك فيكي..
مريم مصدومه ومش عارفه تتكلم ولا فاهمه اي حاجه و الدوخه و التعب بيزيدوا...
رنا أنا أسفه ي مريم علي معاملتي ليكي الفترة الأخيرة.. مهو انتي مكانش ينفع توافقي تتجوزي زياد و انتي بتحبي مراد طول المده دي!!
رنا دخلت وقفلت الباب وراها و مراد سحب مريم لجوا الشقة و قفل الباب...
مريم بتعب فهمني بقي.. لو سمحت..
مراد مريم انتي تعبانه عشان الحمل ف اقعدي و ارتاحي..
مريم بصړاخ حمل اي متجننيش... انت أهبل ولا عبيط...
انا هدخل أغير هدومي..
مريم بصت حواليها في الشقة لقت هدوم بتاعتها علي الارض.. مسكتها وهي مصدومه وبعدين بصتله تاني..
مريم اي اللي جاب حاجتي دي هنا!!
مراد بخبث اسألي نفسك..
مريم بصتله پصدمه طيب.. طيب.. أنت عاوز تفهمني اي!! أن كل دا ڼصب و أنت بتعمل كدا عشان تجنني و خلاص..
ولا انا فعلا حصل مني كدا و مش فاكره بجد و انت هددتني بالڤضيحه..
انا فين من كل دا... انا مستحيل اخون خطيبي.. مستحيل اخون ثقة بابا فيا و الأهم انا مستحيل اغضب ربنا بذنب زي دا..
حرام عليك انا مش فاهمه حاجه و لا عارفه انا هنا ليه!!
انت مدرك انت عملت اي فيا! جوزي طلقني بسببك وبابا اتبري مني والله اعلم حالته اي دلوقتي و مش مكفيك كدا بتحاول تخليني مجنونه..
مراد ببرود معلشي.. بكره تفهمي..
مريم اتحركت كام خطوة ل ورا وقعدت بتعب علي الكرسي و حطت ايديها علي وشها بتمنع نفسها ټعيط قدامه...
اخدت نفس عميق و هي واثقة من جواها هتقدر تحل المشكله و تتخطي الأزمة دي...
بصت قدامها علي الترابيزة كان عليها اختبار حمل ايجابي... بصتله پصدمه كبيرة و خوف جواها يكون ليها...
مراد كان ساند دماغه علي الكنبه و مغمض عينيه... لقت اختبار تاني مش مفتوح.. سحبته ب إيديها و خبته في كم هدومها...
مريم بهدوء الحمام منين..
مراد شاورلها عليه و هو لسه مغمض عينيه ف حست براحه.....
بعد دقايق كانت ماسكه الإختبار في ايديها.. حيرتها وخۏفها زادوا أكتر...
ي تري هتعملي اي دلوقتي ي مريم!!!!!
ويتبع..
بقلمي آية محمد..
آسيرة_الماضي. 2
بعد دقايق كانت ماسكه الإختبار في ايديها.. حيرتها وخۏفها زادوا أكتر...
ي تري هتعملي اي دلوقتي ي مريم!!!!!
مريم ب دوخه ايجابي ازاي!!! ازاي ي ربي
مريم خرجت لقت مراد واقف برا و مربع ايديه الآتنين و بيبصلها...
مراد بهدوء صدقتي دلوقتي!
مريم ازاي!!
مراد مش وقته.. أنا داخل أنام عشان عندي شغل بكرا الصبح..
مريم خرجت قعدت في الصالة وهي بترتعش و قلبها مليان بالخۏف والقلق من الأيام اللي جاية..
غمضت عينيها بتعب و نامت..
.....................................
تاني يوم الصبح مريم فتحت عينيها لقت مراد واقف قدامها و ماسك سلاح في ايده.. اټرعبت ورجعت لورا..
مراد اهدي.. دا سلاحي انا ظابط انتي نسيتي ولا اي!
مريم ساكته و مبتردش.. بصت عليه وبعدين بتبص حواليها في شقته المتبهدله ومفيش حاجة واحده في مكانها..
مراد بصلها و بعدين بص للبيت...
مراد انتي عارفه اني مليش في جو التنضيف دا ومحبش واحده غريبه تدخل تنضف بيتي...
مريم ببرود لا مش عارفه و مش عايزة أعرف..
مراد بهدوء أنا ماشي..
مريم أنا عايزة تليفوني..
مراد محتاجاه ف اي!!
مريم يعني اي محتاجاه في اي!! هو أنا هتحبس هنا!
مراد اه ي مريم.. مفيش خروج الا معايا و مفيش تليفون..
مريم لا انا عايزة تليفوني... انا مش هقدر مكلمش اصحابي مش كفاية بعدتني عن بابا.. انت عايزني اټجنن بجد!!
مراد لا متتجننيش لما تحسي بملل روحي اقعدي عند رنا مهي صاحبتك بردو..
مريم لا انا معرفهاش..
مراد بس هي عارفاكي كويس..
مريم م تقولي أنت عاوز مني اي وأنا هنفذلك اللي أنت عاوزه بس تفهمني اي حاجه..
مراد ببرود مش وقته قولت مليون مره..
مريم پغضب سابته و دخلت الحمام وقفلت الباب عليها و هو سابها و نزل..
بعد شوية خرجت تاني بعد ما غسلت وشها من العياط...
بصت من الشباك حواليها لقت الحراس واقفين تحت البيت...
دخلت الشقة تاني و بصت في زوايا البيت...
مريم مهو أنا هعرف أنت مين يعني هعرف...
قضت اكتر من ساعتين بتدور في البيت علي اي حاجه تثبت هوية مراد بس بدون اي فايدة..
شقة كبيرة مكونه من اربع اوض نوم كبار و صالة كبيرة و صالون للضيوف وتراث كبير..
دورت في كل ركن فيهم ملقتش اي حاجه غير هدومه و لبسه و كتير من هدومها اللي مش فاهمه ازاي وصلوا لبيت مراد..
مريم تعبت و رغبة كبيرة في البكاء اجتاحت قلبها... حاسة بالوحده و احساس كبير بالظلم..
ايوا هي اتظلمت...
في ثواني بتحس ان مراد عاوز يثبت للعالم أن مريم كانت حبيبته و يبين ليها انه بيكدب...
و في لحظه بيخليها هي نفسها تحس انه فعلا كان حبيبها...
و كل حاجه حواليها بتثبت انه كلامه صح و ان هي شبه اللي فقد كل ذكرياته..
مريم دخلت أوضه و أخدت أكتر من ساعة متواصلة بتروق وتمسح فيها...
فرشتها تاني بعد ما نفضت الفرش
