رواية قربان الجن كامله

نازل مش حجاب ولا اتنين ده اكتر من 20 حجاب وكلهم للاسف جواهم اعمال واسحار نجسة كلهم جواهم اذى وعقد ومرض ومۏت لناس كتير كانوا عمرهم ماهيقدروا يوصلوا للأعمال دى لولا ان مهران عرف قدرات نغم وحاول يقنع الجن اللى وصلهم عن طريقها يقنعوها بانها تفك الاعمال دى من غير ما تعرف انه هو اللى ورا كل اللى بيحصلها خوف من انها تروح تحكى لحد او تجيب سيرته مع اهلها 
كانت نغم بتشوف المنظر المرعب ده و بتتمنى انها تصرخ لكن معندهاش القدرة 
كانت الجنية شايفاها وشايفة كل اللى بيحصل لكن سايبة نغم تحس انها لوحدها 
وبصوت الجنية ..خدى الحاجات دى وديها للمارد فى نص البحر 
وهنا اختفى عدوي من قدام نغم
نغم ساكتة وبتلم حجاب حجاب من على الارض من وسط الډم وهى خاېفة وقرفانة وبتتمنى حد ينقذها 
لكن لا مفر من اللى بيحصلها 
مشيت نغم فى طريق اول مرة تمشى فيه ومتعرفش هى ازاى ماشية فيه لكن كان اللى مسيطر على حركتها هى الجنية اللى متبعاها 
لحد ما وصلت قدام البحر 
واول مرة كانت نغم توصل لشاطئ بحر عند المقاپر 
دى مكانتش تعرف من الاساس ان المقاپر بدايتها او نهايتها عند البحر 
لكن مطالش الاستغراب كتير وشافت نفس المارد اللى بيظهرلها فى البحر وقدر يسحبها لوسط البحر علشان تقف قدامه بړعب وتمد ايديها بكل الحجبة اللى لقيتها واستغرابها بيزيد اكتر واكتر ان مفيش ولا واحد وقع من ايديها وهى فى وسط البحر ده ولا واحد منهم حتى مبلول من المياه 
المارد بصوت جهوووورى...فى كل ليلة على مدار 20 ليله هتحلمى ب اسم و مكان وصورة لأنسان مكتوب اسمه فى الورق اللى انتى جبتيه دلوقتى 
ومع كل حلم تصحى منه فى النهار تروحى لصاحب الاسم والصورة والمكان وتقوليله غرضك انقضى
فاهمة يانغم
نغم ...فاهمة ..فاهمة بس انا تعبت 
المارد..لسه بدرى يا نغم احنا معاكى سنين عمرك الجاية كلها ومدام مبتأذيناش مش ھنأذيكي
واللى انتى بتعمليه ده لو خير لحد فهو اللى طلبه 
ولو شړ لحد فهو كمان اللى طلبه 
احنا وانتى مسخرين 
وانتى ليكى قدرات هى اللى وصلتنا ليكي 
وعن طريقك هننفع وهنضر اللى يستاهل 
خليكى عارفة ان عمرك كله انتى عايشاه معانا مش مع عيلتك وبس
هتكبرى قبل عمرك بوجودنا معاكى هتوصلى للى هتطلبيه وهنوصل للى عايزينه منك 
احنا سر فى حياتك حافظى عليه واوعى تحكي عنه لحد علشان ساعتها مش هتعرف الاذى اللى هيظهر فى حياتك هيبقى جايلك من اى اتجاه 
بكرة يانغم اول ليلة فى ال ليلة اوعى تنسى اسم او مكان او صورة اوووعى 
نغم..يعنى انا هفضل اشوف الاشكال اللى تخوف دى طول عمري
المارد..هتتعودى على شكلنا وعلى صوتنا وعلى وجودنا حواليكي 
هتشوفينا بهيئتنا وصورتنا اللى بتخوفك
وهتشوفينا فى امك وابوكى وهتشوفينا فى اخواتك
لكن الطلبات المطلوبة منك مش هتسمعيها غير وانتى شايفانا على هيئتنا وشكلنا 
استعدى لأول ليلة يانغم.
يتبع
قربان الجن
الجزء الرابع 
حكايات_نونا
نغم الطفلة حياتها اتلغبطت وبرغم انها عارفة انها خرجت من باب بيتها وراحت للمقاپر برجليها لكن اتفاجئت بنفسها نايمة على سريرها وبتفتح عنيها بالعافية من النوم على صوت خبط على باب اوضتها 
قامت من سريرها وهى مستغربة ازاى هى نايمة وفى اوضتها وعلى سريرها برغم انها خرجت للمدافن وراحت للبحر وقابلت الماردة والجنية 
فتحت الباب اللى لقيت نفسها قافلاه على نفسها بالمفتاح وشافت قدامها مامتها
الام..ايه يانغم قافلة على نفسك ليه 
نغم..مش عارفة ياماما انا مش فاكرة انى قفلت على نفسي اصلا
الام..يعنى ايه الباب اتقفل لواحده 
نغم افتكرت ان مينفعش تحكى لحد حاجة ..مش عارفة ياماما بقى يمكن انا خۏفت انام والباب مفتوح قفلته ونسيت 
الام..انتى شكلك كنتى عايزة تهربي من الصحيان للمدرسة 
انا لما لقيت النور بتاع اوضتك لسه والع فكرتك لسه صاحية جيت ادخل ابص عليكي علشان الوقت اتأخر لقيت الباب مقفول قلقت 
نغم..لا يا ماما مټخافيش انا هكمل نومى اصلا والمدرسة وحشتنى كمان عايزة اروح 
الام..طيب ياحبيبتى تصبحى على خير ادخلى سريرك بقى وانا هطفى النور واقفلك الباب 
حكايات_نونا
سمعت نغم كلام مامتها ودماغها فيها مليون سؤال وكلهم اكبر بكتير من سنها وبرغم التفكير والاسئلة الكتير اللى في بالها الا انها راحت فى النوم بسرعة 
وجتلها فى الحلم واحدة من الجنيات اللى كانت ملامحها كلها مختفية الا شفايفها وكانت بتتكلم مع نغم وبتمليها اسم اول واحدة هتروح وتقولها غرضك انقضى 
وكان عنوان الست دى قريب اوى من عنوان بيت نغم 
ومع اسم الست اللى كان ام راغب عرفت ان دى تبقى مرات عمها 
بس ايه الغرض اللى هينقضى لمرات عمها وازاى نغم هتروح تقولها كده ما هى مرات عمها اكيد هتروح تحكى لأم نغم انها راحت قالتلها كده 
الجنية ..الناس اللى تعرفك وهتروحى تقوليلهم مش هيشوفوكى بشكلك اللى عارفينك بيه 
نغم..ازاى انتم هتغيرولى شكلى هبقى شكلى مخيف زيكم
الجنية ..مالكيش دعوة انتى ليكي تنفذى اللى يطلب منك وخلاص 
وبصوت مخيف ..فاااااهمة ولا لاء
نغم..حاضر..حاضر فاهمة ..هو انا هفضل كده لحد امتى 
الجنية ..كفاية اسئلة ...انتى لسه قدامك كتير اوووووى 
نغم ..طيب 
كل ده بيحصل