رواية شريك حياتي البارت 7بقلم عمروراشد
انت في الصفحة 1 من صفحتين
فارس انا بحبك
وبدون أي مقدمات قعدت جنبي طبطبت عليها وقولتلها
وانا كمان بحبك اكتر
خرجت وقالتلي وهي عيونها بتدمع
انا اسفة والله اسفة على كل اللي بيحصل دا
ششش احنا لو وسط مليون مشكلة كفاية اني اكون شايفك قدام عيني ومطمن عليكي دا انا اللي بشكر الظروف والمشاكل دي والله انها جمعتني بيكي متقلقيش انا جنبك كل دا هيخلص قريب ان شاء الله
متتأخرش عشان بخاف اقعد لوحدي
أنا مقدرش اتأخر اصلا
بعدها فارس نزل وانا غيرت هدومي ونمت على السرير كنت حاسة اني مرهقة أوي دا غير مكان الچرح اللي واجعني في لحظة عنيا قفلت ونمت معرفش نمت قد ايه لكني قلقت بعدها على صوت خطوات في الشقة فتحت عيني لقيت فارس قاعد على كرسي جنبي ونايم فجأه الباب اتفتح و شوفت البوليس دخل ومسك فارس ساعتها صړخت
فااارس!!
فتحت عيني وانا مڤزوعة وهنا جسمي بدأ يهدى شوية لما استوعبت اني لسة في شقة عمر حمدت ربنا و قومت من على السرير الچرح ساعتها كان واجعني جدا ولكني قومت خرجت برا للصالة لقيت فارس نايم على الكنبة قعدت جنبه وطبطبت عليه بهدوء وبدأت المس وشه ولكنه صحي بسرعة
رقية أنتي كويسة
طب اومال قاعدة كدا ليه
اصل حلمت حلم وحش أوي ف كنت خاېفة اكمل نوم
بص ليا و غمزلي وقال
ايه رأيك انام هنا
لا طبعا
هحكيلك حدوتة
افكر
هحكيلك كل يوم حدوتة مختلفة وحتى لو منمتيش هحكي واحدة تانية
عرض مغري الصراحة
بسرعة بقا قبل ما اسحب العرض عشان دا لمدة معينة
هفكر و اقولك
طب متفكريش كتير ونبي
رديت وأنا بضحك
الساعة كانت 5 الفجر فارس أول ما سمع الأذان نزل يصلي وانا كمان اتوضيت وصليت في البيت بس هو اتأخر شوية تقريبا نص ساعة بعد معاد الصلاه لحد ما لقيته داخل من باب الشقة
جيبتلك بقا فطار هتحلفي بيه طول عمرك
جيبتلي ايه
فول وطعمية وبطاطس وبتنجان و جبن حاجات كتير مش لسة هعد
بس انا تعبانة مش هعرف احضر كل دا
يا سيدي على الدلع
يا حبيبة قلب فارس أنا عارف ومين قالك أصلا اني كنت هسيبك تعملي حاجة بنفسك أنتي تقعدي وترتاحي وكل حاجة هتيجي لحد عندك
بالفعل هو اللي دخل المطبخ وبدأ يحضر الاكل وبعد 10 دقايق لقيته خارج بصراحة الاكل كان شكله جميل أوي و محطوط على الصنية بشكل منظم ويفتح النفس قعدنا جنب بعض وفارس تقريبا مكنش بياكل لانه كان طول ما هو قاعد بيأكلني خلصنا اكل وهو برضو اللي قام وعمل الشاي اللي انا اساسا مبحبوش
يعني ايه مبتحبيش الشاي
مبحبوش والله يا فارس
اومال بتحبي
