رواية شريك حياتي البارت 7بقلم عمروراشد
انت في الصفحة 2 من صفحتين
ايه يا حبيبتي
يعني ممكن اشرب نسكافيه مثلا أو كابتشينو
دا في جنينة بيتكو وانتي ماشية بتقطفي الورد هنا مفيش غير شاي وشاي بالنعناع
طب مفيش شاي بلبن حتى
نسيت اجيب لبن والله هبقا اجيب وأنا راجع
هو انت نازل
اه هنزل اروح ل امي زمانها قلقانة عليا اكتر بعد ما البوليس راح البيت
طب ما تكلمها
امي مش هتطمن بمكالمة تليفون انا عارفها
تيجي معايا فين يا رقية مينفعش طبعا انتي تعبانة
هيبقا خطړ عليك يا فارس
متقلقيش انا مش هتأخر وعمر هيبقا معايا
خلي بالك من نفسك عشان خاطري عشان خاطري يا فارس بالله عليك
متقلقيش يا حبيبتي المهم اوعي أنتي تفتحي تليفونك
حاضر
فارس شرب الشاي وقعدنا مع بعض شوية وبعدها نزل وأنا فضلت قاعدة لوحدي كنت رايحة وجاية في الشقة من كتر الزهق لقيت تليفوني قدامي وبمجرد ما فتحت لقيت نورا بتتصل
ماما يا ماما
فتحت عينها واول ما شافتني قامت بسرعة و حضنتني
فارس حبيبي وحشتني أوي
هتطمن عليا ازاي وانا في الحالة دي
مالك يا امي
القلق والخۏف مش بيفارقو قلبي يابني مش عارفة انام
معلش يا امي هي مشكلة بسيطة وهتعدي ان شاء الله
على فكرة البوليس جه هنا وسأل عليك
وقولتيله ايه
قولتله انك مبتجيش بقالك كتير واني معرفش انت فين
وهو دا الرد اللي عايزك تقوليه دايما لاي حد يسألك
لحد ما اعرف اثبت الحقيقة
وهي ايه الحقيقة
الحقيقة أن وليد دا وراه مصايب وأنا مش ههدى غير لما اعرفها
الحقيقة ان الناس دي اكبر منك يا فارس وانا مش قدهم عشان خاطري بلاش
مبقاش ينفع يا امي خلاص المهم دلوقتي عايزك تطمني وفي خلال أيام ان شاء الله كل دا هيخلص
طبعا امي عندها حق مليون في المية بس انا هعمل ايه مقدرش اسيب رقية لوحدها فضلت قاعد معاها عشان أحاول اطمنها بأي شكل وبعدها نزلت ركبت العربية مع عمر عشان ارجع تاني للبيت عنده
انا مقدرش احط امي في موقف زي دا يا عمر افرض بقا هما بعتو حد عمل فيها حاجة لقدر الله هعمل ايه ساعتها
انت ليه متشائم كدا انت عندك حل تاني
حتى لو معنديش خلي امي بعيد عن
وصلت البيت كانت الساعة 4 العصر طلعت الشقة ودخلت
رقية رقية انتي فين
فجأه لقيتها خارجة من جوا وهي مبتسمة وبتقول
نعم يا حبيبي
بتعملي ايه
كنت بعملك الغدا ولا انت مش جعان
انتي ايه الميكب اللي في وشك دا جبتيه منين
تصدق لقيته هنا عند عمر
مش سهل عمر دا والله طب يا حبيبي ليه تعبتي نفسك وقومتي مانا قايلك تقعدي عشان الچرح بتاعك
انا مش تعبانة خالص على فكرة و يلا بقا لو سمحت متعطلنيش و روح اقعد لحد ما اخلص الاكل
ساعتها دخلت المطبخ وجهزت الاكل كله تقريبا مخرجتش غير بعد ساعتين لما خرجت لقيته نايم وحاولت اصحيه كتير بس مكنش راضي يقوم قعدت جنبه وسندت دماغي ل ورا
فلاش باك
رقية انتي فين
على فكرة انا زعلانة منك بتبلغي عن اختك يا نورا
يا حبيبتي والله دا مش انا وليد سمعني وأنا بتكلم معاكي و لما سألني عنك ومقولتش ضړبني سامحيني يا حبيبتي
انتي مش كنتي قولتي انك طردتيه
رجع تاني يا رقية ما انتي عارفة وليد مكنتش قادرة عليه المهم يا حبيبتي طمنيني عليكي
انا كويسة يا نورا متقلقيش
مش ناوية ترجعي بيتك بقا البيت وحش أوي من غيرك
هرجع لما اثبت الحقيقة على جوزك
يا حبيبتي فارس دا هو سبب المشاكل كلها لولا ظهوره في حياتنا كان زماننا قاعدين مبسوطين ومكنش حصلت المشاكل دي
انا مكتشفتش اني عايشة يا نورا غير لما فارس ظهر قبلها كنت مدفونة بالحيا
طب قوليلي أنتي فين
عشان تبلغي عني تاني
والله المرادي هاخد بالي كويس متقلقيش بقا بس انا ھموت و اطمن عليكي و رحمه بابا وماما قوليلي مكانك فين
طب هبعتلك لوكيشن
ساعتها خدت وليد والرجالة و روحنا على العنوان وصلنا و طلعنا فوق خبطت على الباب وبعد شوية رقية فتحت
وحشتيني أوي يا نورا
وانتي كمان يا قلب نورا
تعالي ادخلي
لا يا حبيبتي انا مش هدخل أنتي اللي هتيجي معايا
هاجي معاكي فين
ساعتها وليد والرجالة دخلو الشقة رقية بدأت تصرخ
يا نورا خليهم يسيبوني يا نورااا
وليد ضړب رقية على دماغها لحد ما فقدت الوعي خدتها و دخلت جوا معاها في الأوضة وبدلت الهدوم بتاعتنا انا لبست هدومها وهي لبست هدومي بعدها خرجت وشاورت للرجالة يدخلو ياخدوها وفعلا شالوها ونزلو بيها على تحت اما انا كان عندي مهمة تانية لاني اكتشفت اني مش هينفع اخفي رقية غير لما فارس يختفي هو كمان بس السچن مكنش كفاية دا كان لازم يختفي تماما وعشان كدا قعدت واستنيته لحد ما رجع وعملتله الاكل اللي هحطله فيه السم عشان ېموت و ارتاح منه للابد!!
مساء الخير معلش اتلخبطت ونزلت التاسع امبارح بدل التامن
عمرو_راشد
شريك_حياتي 8
يتبع
