سكريبت قطر المنيا اسيوط كامل

إهدوا بس يا جماعة ونتفاهم.
بابا مفيش تفاهم مع البني آدم ده بنتي لسة صغيرة وأنا مش عايزها تتجوز دلوقتي والولد بيلعب ببنات الناس.
حمزة مش لازم نتجوز دلوقتي عادي وبعدين مين قال إني هلعب بيها ما انا جاي أخطبها أهو.
بابا ما أنت كنت خاطب قبل كده وسيبت خطيبتك.
حمزة هي اللي سابتني.
بابا وده سبب كافي يخليني أرفض وبنتي كمان رفضت.
حمزة لأ أمنية موافقة إسألها من غير ما تتغط عليها من غير ما تفرض عليها وجهة نظرك ورأيك.
بابا ده بنتي ومحدش هيخاف عليها قدي.
أمنية بابا.. أنا عارفة إن حضرتك پتخاف عليا وبتحبني عشان كده بطلب منك فرصة إديله فرصه واحدة بس.
قبل ما اشوف حمزة وهو بيتكلم مع بابا كنت رافضه فعلا الجوازة ده بس إصراره وعنده قصاد بابا حسسني قد ايه هو متمسك بيا وإني مش رقم 2 في حياته بابا سكت دقيقة بعد كلامي وبعدين قال كلمتين بس
بابا برضو لأ.
حمزة مشي هو وعمتي ورجعوا أسيوط وأنا دخلت في حالة إكتئاب من كتر الضغط اللي كان عليا الفترة اللي فاتت النتيجة ظهرت وطلعت فعلا الأولي علي الدفعة وده للأسف مغيرش من نفسيتي بابا قالي إني خلاص هتنقل لجامعة المنيا وفجأة لقيته مسافر أسيوط ما سألتش عن سبب سفره أكيد كان في كليتي عشان ينقلني.
رجع بابا من السفر وقعد يتكلم معايا في أوضتي
بابا كان بيجي هنا كل وقارفني في عيشتي ده زنان قوي.
بصتله من غير ما أتكلم إبتسم
بابا سافرت له أنا المرادي مخلتش حد غير وسألته عنه طلع كويس ناهد عرفت تربيه.
إبتسمت يعني يا بابا...
بابا أيوة موافق بس علي خطوبة بس أهم حاجة دلوقتي دراستك ولا أنتي عايزة تقلي عن المستوي اللي وصلتيله.
أمنية لأ مش عايزة قصدي موافقة موافقة.
حسيت بحب بابا في اللحظة ده نفسيتي إتبدلت وإتحسنت تماما مع زيارة حمزة وعمتي لينا تاني يوم إتفقنا نعمل خطوبة علي الضيق وكانت جميلة بالرغم من كده كنا لابسين نفس الألوان وإحنا أصلا بقينا شبه بعض بشهادة الجميع بعد ما لبست الشبكة قالي
حمزة هتصدقيني لو قلتلك إنك كنتي أمنيتي الأولي اللي إتمنيت أوصلها من كل قلبي دلوقتي معنديش غير أمنية واحدة بس إني أسعدك يا أمنيتي الأولي والاخيرة.
تمت.