سكريبت قطر المنيا اسيوط كامل

حصل الإسبوعين اللي فاتوا.. فاكرة اليوم اللي إتكلمنا فيه قبل ما تسافري أنا كنت جاي معاكي فعلا.. بس..
أمنية إخلص يا حمزة إحنا بنام بدري.
حمزة بعد ما رجعتي أوضتك فوني رن وكان رقم غريب رديت ولقيت فريدة هي اللي بتكلمني.
أمنية پصدمة ف.. فريدة اللي انت كنت خاطبها اللي إتجوزت!
حمزة لأ ما إتجوزتش.
أمنية بزعيق قول كده بقا حضرتك رجعتلها وكالعادة أنا متعلقة علي الشماعة وقت ما تحتاجني تلاقيني أنا مش موافقة علي جوازي منك مش موافقة أكون رقم 2 بالنسبالك في كل حاجه.
أختي بصت لنا وهي بټعيط من صوتي العالي حمزة وقف وقال
حمزة أسكتي وإفهمي الأول هو أنا لو رجعتلها هاجي أخطبك ليه
هديت شوية أنا عارفة بقا مش يمكن عايز تتجوز أربعة حضرتك.
حمزة ولا أربعة ولا حاجه.. أنا كمان إتصدمت لما لقيتها بتكلمني قعدت ټعيط وتقولي إنها مستحيل تتجوز البني ادم ده وإنها عايزة تشوفني.
أمنية بعصبية وإنت طبعا قابلتها.
حمزة مكنتش هعمل كده والله بس انا إتفاجئت وحياتي إتشقلبت لما كلمتني خۏفت أسلم عليكي وإنتي مسافرة تاني يوم تحسي بحاجة عشان كده نزلت أتمشي شوية وفجأة لقيتها قدامي.. مكلمتهاش هي بس اللي كانت بتتكلم وتحكي.
أمنية لأ وعلى إيه كنت المفروض تاخد وتدي معاها في الكلام ده مهما كان هتبقي مراتك.
حمزة ماشي.. أنا مش هرد عليكي عشان انتي غيرانة.
أمنية أنا مش غيرانة وأنا هغير ليه!
حمزة هي بقا بتغير منك.
أمنية بتغير مني أنا إزاي وهي متعرفنيش أصلا!
حمزة هقولك إزاي.. لما قعدت تحكيلي عن الشخص اللي كانت هتتجوزه وتقول إنها كانت مخدوعة فيه وإن الفلوس مش كل حاجه وإنها عايزانا نرجع لبعض ووو أنا قلتلها إني خطبت كلمتها عنك مدحتك قدامها وده خلاها تغير.. في الأول كانت فاكره إني بكدب عليها وإن مفيش حد في حياتي إتحايلت عليا عشان أسامحها ونرجع بس أنا سبتها ومشيت.
أمنية وليه ما قولتليش الكلام ده في وقتها ليه تسيبني الاسبوعين اللي فاتوا اشك فيك!
حمزة عشان زي ما قولتلك.. سبتها ومشيت.. كنت بفكر.. وده مكنش ينفع كان المفروض أرفضها وأعرفها إننا مستحيل نرجع لبعض كنت متلغبط وحاسس إني بظلمك لمجرد إني فكرت في وهم رجوعي ليها أخدت وقتي عشان أجيلك وأنا بنسبة مية في المية ليكي.
أمنية بدموع مش قادرة أصدقك.. إنت نفسك مش قادر تصدق نفسك إنت لسة عايز ترجعلها إنت جاي هنا بس عشان صعبت عليك.. عشان حسيت بالذنب ناحيتي أنا بعفيك من كل ده إمشي ومتقلقش عليا أنا أصلا متعودة علي كده.
حمزة إيه اللي إنتي بتقوليه ده بس أنا لو مش مقتنع بيكي بقلبي وعقلي مكنتش جيت أنا عارف إني ما أستاهلكيش وإنك أفضل مني بس لازم تصدقيني عشان ده الحقيقة.
وقفت وأنا مش عارفه أرد أقول إيه لقيت ماما وبابا وعمتي جايين علينا أختي الصغيرة جريت علي بابا وهي بتوشوشه كنت متأكدة إنها حاكتله علي اللي حصل ركزت في ملامحهم وحسيت إن في مشكله حصلت عمتي كانت بتقول حاجة ل حمزة بصوت واطي وبعدين قالت إنها عايزة تسافر بس حمزة قال
حمزة إستني يا نا.. يا ماما شوية بعد إذنك يا خالو ممكن نقعد ونتكلم.
قعدنا كلنا وبابا بيقول
بابا نتكلم في إيه يا دكتور أنا قولت كل الكلام ل ناهد وخلاص ماټ الكلام.
حمزة حضرتك بتحكم عليا من غير ما تعرفني أنا آسف بس حضرتك كده بتظلمني.
بابا أنا قولت اللي عندي.. مستحيل أجوزك بنتي.. إنتي لو آخر راجل في الدنيا مستحيل أجوزك لبنتي.
إتخضيت لما بابا صوته علي حسيت إن حمزة ماسك أعصابه بالعافية لما قال
حمزة ممكن حضرتك تقولي سبب واحد لرفضي.
بابا أنا مش مضطر أقولك أسبابي اللي هما كتير قوي علي فكرة.
حمزة أنا محتاج أعرف الأسباب ده ممكن أسمع رأي أمنية بعد إذنك.
بابا مالها أمنية هي كمان رافضة ومش موافقة عليك.. صح يا أمنية.
للمرة التانية بابا بيحطني في إختبار صعب جدا كلهم سكتوا وبصولي وأنا مش قادرة أنطق كانت نظرة بابا أقوي نظرة فيهم عمري ما هنسي وأنا عيني في عينه وبقول
أمنية بابا بيتكلم صح أنا فعلا مش موافقة.
حمزة لأ موافقة هتوافقي يا أمنية هتوافقي.
بابا إنت إتجننت يا ابني إنت إزاي تتكلم كده.
ناهد