قصة حقيقيه كامله

بداية خطوات الشيطان اللي زينهالي ارتحتله حبني وحبيته جدا أو الأصح اتعلقت بيه تعلق شديد لدرجة إني كنت احس بيه لو فيه حاجه مضيقاه من غير ما أكلمه وصلت لمرحله صعبه جدا من التعلق...
بعد فترة عرفت إن أخته اتخطبت وبيجهزوها وده يمنعه إنه يكلم أهله في موضوع خطوبتنا دلوقتي ونستنى شويه وهيتكلم معاهم هو كان صادق مش زي مافهمتهوا إنه بيلعب بيا! لا هو كان صادق وحبني بجد!
وبعد فترة فوقت لنفسي وللغلط اللي رجلي بتغرس فيه واحده واحده كلمته وبعد السلام قولتله
كلامنا ده حرام أنا ضميري مش مرتاح لازم نوقف كلام لحد ما تتقدملي
حرام!!! أنا بحبك يا هيام ومش هقدر أعدي يوم من غير ما أكلمك!
لو بتحبني بجد يبقا تحافظ عليا من نفسك وأنا هستناك لحد ما تتقدملي رسمي يا محمد
وبالفعل وقفنا كلام شوية لكن مقدرناش نستحمل فكان يكلمني مرة أرد عليه ونكمل اليوم كلام ونبعد تاني ولما يشتقالي يرجع يكلمني وهكذا...
لحد ما جه اليوم اللي كلم فيه أهله ورفضوا لأسباب تافهه اللي هو إزاي يختارني! هما اللي لازم يختاروله يمكن لو كنت أنا قدامهم كانو اختاروني عادي ولكن هو اللي يختارني وأجي ازعزع النظام الديكتاتوري بتاعهم طبعا مينفعش!! طول عمره تحت طوعهم ومينفعش يختار لنفسه لأن كده يبقا بيخرج عن ولايتهم!
محمد حاول معاهم كتير ولكن مفيش فايده بكينا وزعلنا واتوجعنا وبعدين وقفنا كلام ولكن بعد فتره رجعنا اتكلمنا تاني وهو رفض إنه يخطب وكان بيتلكك علي كل عروسه بيجيبوها واحنا شويه نتكلم وشويه نوقف وقعدنا على الحال ده حوالي سنه...
وفي مكالمه بينا ضميري صحى ورجع يأنبني وقولت ل محمد نبعد تاني فرد عليا پحده وبعصبيه
إنت ليه مش حاسه بيا وبالضغط اللي أنا فين! ليه بتضغطي عليا إنت كمان! كل شويه حرام... حرام أنا زهقت يا هيام بجد جبت أخري
رديت بنفس عصبيه وحدته
أيوه كلامنا حرام يا محمد وممكن تسأل شيخ ه...
قاطعني
لا مش هسأل يا هيام خلاص كل شيء نصيب.... سلام
برغم الحب إلا إننا كنا پنتخانق على أقل حاجه فيقفل تليفونه ويسبني وكنت اتعب نفسيا جدا جدا ومتحملش وأروح أعتذر وحتي لو مش غلطانه كنت أعتذر علي الفاضيه وعلي المليانه عشان محسش الاحساس الصعب ده لما بيزعل مني ويقفل ويبعد!
الشويه الباقين من مبادئي اللي كنت بحاول أحافظ عليها بدأو يتسرسبوا مني شويه بشويه بكلام غرامي وصور تتبعت وهكذا...
كنت في علاقه مرهقه وانا مش حاسه ومش واخده بالي بإن ده مش طبيعي وكل يوم أتعلق بيه أكتر وأكتر...
محمد مكنش شخص ملتزم بالحاجات الي انا بدقق عليها دي! بمعنى إنه مش شايف إن كلامنا حرام للدرجه الي انا شايفاها! بس كل ده مش فارق معايا أنا عايزه أكون معاه وبعدين كل حاجه هتتحل!
كنت خلال الفتره دي بدعي بيه كتير في قيام الليل وصلاة قضاء الحاجه كنت ببكي وانا بدعي كنت بتقطع حرفيا واتفقت معاه علي كده بإني هفضل ادعي أنا وهو لحد ما ربنا يستجيب...
وفعلا كنت بلح في الدعاء وأنا كلي ثقه إن ربنا هيستجيبلي لأني ليا قصص كتيره مع الدعاء واستجابة ربنا ليا... فكنت واثقه إنه هيستجيب الدعوة دي كنت متأكدة إن ربنا هيسبب الأسباب وهيبقي من نصيبي لا كنت بكل ولا بمل من الدعاء....
استغفروا
وياريت تدعوا لصاحبة القصه دي ربنا ييسر أمورها ويباركلها في حياتها
العريس المره دي ميترفضش ٢٥ سنه مهندس معماري طول بعرض ووسيم ومستقر ماديا وهو اللي شافك