رواية موضوع عائلي الجزء الثاني البارت 19بقلم رحاب القاضي
انت في الصفحة 10 من 10 صفحات
بتفهم ورد عليها
تمام يا مدام شهد اللي تشوفيهالمهم الشغل الفتره اللي جايه هيكون صعب عليكي شويه بس انتي قدها انا واثق من كده...
شهد بحماس
ان شاء الله..
بقلم_الكاتبه_رحاب_القاضي
_في بيت جميله..
_ كانت قاعده مع حسين ابن عمها في صالة بيتهم وهو قرب منها بهدوء وقالها..
حسين
المهم بقي انا حجزت في اوتيل في تركيا اننا هنقضي شهر العسل هناك انا عارف انك بتحبي تركيا اووي..
حسين
وكمان هنسافر في رحله بحريه عشان عارف انك پتخافي من الطياره..
_ كانت برضو ساكته ومش بترد عليه وهو بصلها بدموع وقال بنبره كلها ألم...
حسين
انتي ليه حبتيه هو وما حبتنيش انا يا جميله
بصتله بتوتر وهو قال
انا عارف انك بتحبي عمار المنشاوي او كنت بسمع حاجه زي دي بس كدبت كل اللي سمعته وقولت لا انا اللي اتحملت كتير عشانها وانا اللي استاهل تحبني مش حد تاني..
اتحملت ايه انت هتتجوزني عشان انت وابوك تفضلو متحكمين في ورثنا وبس وعملتو غسيل دماغ لماما وخلتوها حرمتني من الراجل الوحيد اللي حبيته ومش هحب غيره يا حسين عشان نبقي علي نور....
_حاول علي قد ما يقدر ما يخليش دموعه تنزل بس كلامها كان قاسې لدرجة ان قلبه كمان اتوجع من كلامها مش بس دموعه اللي نزلت مسحها بسرعه وقال...
لا اتحملت واتحملت كتير يا جميله اتحملت ذول ابويا ليا واهانته عشان يرضي يديكم حقكم هتقوليلي ازاي اقولك بأني افضل معاه في الشركه وتبقي ليا كل الصلحيات وما اخليهوش يغير اي ورق ويبدل حاجه ويظلمكم اتحملت اني ما احققش حلمي وادخل طب ودخلت ادارة اعمال عشان يوافق يخليني اتجوزك لاني عارف انه كان هيرفض لو مسمعتش كلامه ودخلت المجال اللي هو عايزه..
حسين انا مش عارفه اقولك ايه بس انا مش هقدر ابادلك مشاعرك دي وانا بحب عمار...
دخل في الوقت ده عمها احمد وقال بعصبيه
ايه اللي بتقوليه ده يا محترمه بتقولي لخطيبك انك بتحبي راجل تاني تعالي يا ست فريده شوفي بنتك قليلة الادب...
طلعت فريده من اوضتها وقالت بقلق
في ايه يا احمد بتعلي صوتك كده ليه..
لا ثواني المهم هو حضرتك دخلت البيت هنا ازاي ومفتاح بيتنا بيعمل ايه معاك..
احمد بخبث
الله هو انا غريب ده بيت اخويا وبيت مرات ابني يعني ادخله وقت ما احب ووقت ما اعوذ قوليلنا انتي بقي لسه بتحبي عمار المنشاوي..
بصتلها فريده پحده وحسين قال
لو سمحت يا بابا جميله كانت بس بتفضفض معايا مش اكتر..
احمد پحده
جميله پغضب
لا انا مؤدبه ڠصب عن اي حد وتربية عبد الرحيم العدوي اخوك اللي انت تعرفه اكتر مني يا عمي. الدور والباقي علي اللي ما شافش تربيه ولا يعرف حاجه عن الاصول والاحترام..
_ خلصت كلامها ومسكها احمد من شعرها جامد وقال پحده وعصبيه...
احمد
وكمان بتبجحي في عمك انا هربيكي يا بنت الكلب..
_قال كلامه وضربها جامد بأيده علي وشها كان حسين واقف وخاېف يقرب من ابوه او يبعده عنها وفريده اول ما شافته بيضرب في بنتها راحت وبعدته عنها هي وايتن اللي طلعت من اوضتها علي صوت صړيخ جميله..
زقته فريده بعيد عنهم جامد وقالت پحده
انت اټجننت يا احمد بتمد ايدك علي بنتي قداامي ده انا اروح فيك في داهيه..
احمد پغضب
اسمعي بقي يا فريده انتي وبناتك جو الدلع بتاع زمان انتهي خلاص واللي انا اقوله هو اللي بمشي عليكم ڠصب عنكم واي واحده فيكم انتو التلاته هتقل ادبها مالهاش عندي غير اللي حصل دلوقتي انتو فاهمين..
وقفت فريده قدامه وقالت پغضب
طيب فكر تمد ايدك تاني علي واحده من بناتي عشان اقطعهالك يا احمد انا هتحمل اي حاجه الا ان حد يأذي بناتي انت فااهم..
حسين وقف جنب باباه وقال
خلاص يا بابا ارجوك الناس هتتلم علينا يلا نمشي لو سمحت..
_طلع احمد وحسين قال لجميله اللي كانت بټعيط ووشها بقي مليان كدمات زرق?
