سكريبت ستة وعشرين كامله

رسمة كان بيبتسم بسخرية وفي الآخر قال بقرف
أنت مسمي العبط ده رسم
حدف الدفتر على الأرض فوقع في الطينة فصرحت بصوت عالي
أنت عيل رخم!
رخم بس بعرف ادافع عن نفسي مش زيك مابعملش حاجة في حياتي غير إني باكل لحد ما قربت اڼفجر.
هو إيه اللي بيحصل هنا
أول ما سمعوا صوت أحمد سابوني بسرعة وكلهم جريوا قرب أحمد مني ونزل لمستوايا
إيه اللي حصل
دموعي بدأت تنزل وشاورت بإيدي على الدفتر اللي في الطينة طلت منديل من جيبه وشال الدفتر من الأرض بدأ يمسحه على قد ما يقدر ومسك إيدي وطلعنا للبيت.
أول ما دخلنا ماما جريت عليا تشوف مالي وبابا كان قاعد قعدنا كلنا سوى وبدأت احكيلهم اللي حصل وأنا متشحتف من العياط فقال بابا
ولا يشغلك كلام أي حد أنت قلبك جميل يا آمن وتستاهل كل حاجة حلوة وبعدين مفيش راجل بيعيط ولا إيه!
رد أحمد
لأ يا بابا فيه راجل بيعيط عادي هو الراجل ده مش بشړ وبيحس
يابني أنا قصدي أنه مش ضعيف عشان يعيط!
ابتسم
ما هو العياط مش ضعف يا بابا كل إنسان في الدنيا ليه قدرة تحمل معينة ووقت ما حصونه پتنهار تماما بيعبر عن حزنه ده بطرق مختلفة فيه ناس بتلجأ للعياط وفيه ناس بتكتب وفيه ناس بترسم ناس بتصرخ ناس بتفرغ حزنها ده على هيئة كتلة كبيرة من الڠضب ومش معنى أننا مختلفين يا والدي إن حد فينا غلط كل واحد ليه طريقة عادي.
ابتسم بابا وطبطب على كتفه
جدع يا أحمد.
بص لي وكمل
وأنت يا آمن اوعى تسكت لما حد يجي عليك أنا مش عايزك تكون عدواني وټضرب عشان كده غلط ولا ترد التنمر بالتنمر لأنك كده بتغلط زيك زيه برضو بس دافع عن نفسك بالعقل وبدون غلط أنت مش ناقص حاجة يا حبيبي أنت جميل أجمل حد في الدنيا كلها.
حضنتني ماما وقالت
ومهما حصل خليك عارف إنك في عينينا هتفضل أجمل حد في الدنيا كلها وأننا دايما بنحبك.
ابتسمت وبصيت لآخر صورة كانت صورة لماما وهي حضناني هي وبابا وأحمد قاعد بضهره وماسك إيدي الصورة دي بالذات أنا رسمتها كتير جدا عشان دايما أفضل فاكر إن أهلي هما أكبر داعم ليا وكمان عشان مهما حصل أشوف قد إيه هما أحسن أهلي في الدنيا وإن حتى بعد ما عرفوا اللي بتعرض له مقالوش زي بقيت الأهل اللي يضربك اضربه واللي يشتمك اشتمه هفضل طول عمري مقتنع إن ماينفعش نعالج الغلط بغلط أكبر وده اللي عملته بعد كده وقت كان حد بيفكر يتنمر على شكلي كنت بقوله إن كلامه مش هاممني وإني مميز وكفاية إن ربنا وبابا وماما وأحمد بيحبوني.
فضلت ماشي بالقاعدة دي طول حياتي اللي هو أنتوا شايفيني وحش مش مهم المهم أهلي شايفني حلو وزي ما كان أحمد بيقول إني مميز بشكلي في عيلتنا كمان لأن عيني ملونة وبشرتي فاتحة على عكس الباقيين قمحاوية حاولت أكون مميز في دراستي كمان كنت الأول على مدرستي في الإعدادية والثانوية وكنت بجيب تقديرات كويسة جدا في كلية الهندسة وبما إني بحب الرسم والألوان فدخلت هندسة ديكور ودي كانت حلمي حلمي اللي ماسمعتش لأي حد في الدنيا عشان أحققه أنا لو كنت سمعت لكل اللي كان بيتقالي ماكنش زماني بقيت هنا فترة تالتة ثانوي كنت بطنش كل السلبي وبركز في الإيجابي بس ولو مالقتش إيجابي بخلقه لنفسي كنت