سكريبت ستة وعشرين كامله

أحلامهم والراجل المثالي!
حطت إيديها على خدها
للدرجة دي كل اللي قابلتهم في حياتك ناس سطحية وقليلة الذوق
ريحت ضهري على الكرسي
آه والله معاك حق.
أنت إسمك إيه صحيح
آمن.
حلو آمن لأ وجديد.
آمن ورها تصدقي حلوين
ايوا خدت بالي نقطة ضعفي أنا الأسماء اللي من تلت حروف دي.
اتعدلت في قعدتي
طب إيه
قامت وقفت
بابا هيبلغك قراري.
ابتسمت وكملت
وعلى كل حال اتشرفنا يا أستاذ آمن.
لطيفة ذكية ډمها خفيف والأهم من كل ده أنها مش سطيحة.
ضحك
قلت لك إني بتفائل برقم سبعة وعشرين ماصدقتنيش.
خليك أنت واثق كده لحد ما ابوها يرزعني واحدة كل شيء قسمة ونصيب تجيب أجلي.
آمن أبوس إيدك بطل تشاؤم يابني أنت اللي كنت بتديني طاقة إيجابية!
أنا كنت متوقع الرفض من قبل ما اروح بس الحقيقة دلوقت أنا مش عايز اترفض!
بعد يومين باباها كلم والدي وبلغه بموافقتها كنت حاسس أنا مبسوط ومرتاح جدا وحسيت إن هي كذلك اتخطبنا بسرعة وأكتر حاجة كانت محسساني إن فرحتي ناقصة أنا ديڤيد ماقدرش ينزل مع أنه يوم الخطوبة كلمنا video كان شبه حاضر كل حاجة بس الحقيقة إن وجود كان فعلا هيفرق.
كنا في يوم في رحلة عائلية لاسكندرية وطلبت من والدها أننا نتمشى ووافق قعدنا على البحر لوحدنا بس كنا قريبين منهم بدون مقدمات سألتها
رها أنت مابتتكسفيش مني
ليه أنت مش راجل
ضحك بغلب
هو لسانك ده مابيحدفش غير دبش كده على طول
أنت اللي أسئلتك غريبة.
بتكلم بجد مابتتكسفيش من شكلي قدام صحابك
ناقص إيد ولا ناقص رجل
رفعت سبابتها في وشي
مع إن دي هتكون إرادة ربنا وده مايعيبكش أبدا.
سألت بهدوء
ليه ولا مرة قولتيلي خس
ابتسمت بهدوء
عشان ده جسمك مش جسمي أنا كان ممكن أقولك كده فعلا لو أنت عندك أسباب صحية فلازم تخس عشان تعبان وقتها كنت هتكلم عشان مصلحتك بس أنت شباب وصحتك زي البومب اهو أنا مالي بقى تخس ولا تتخن
بصيت للبحر واتنهد
بس أنا نفسي..
يبقى لازم يكون عندك إرادة يا آمن وتعمل ده عشانك أنت عشانك أنت مش عشان نظرة المجتمع وكلامه.
ابتسمت وكملت
مشكلة المجتمع بتاعنا أنه حاطط معايير معينة للجمال يا آمن ولكن مؤخرا المعايير دي بدأت تتغير يعني عندك مثلا كانوا دايما بيقولوا كل اللي بشرتهم فاتحة جمال وده أكبر مقياس للجمال بالنسبة ليهم بس جت أسما أبو زيد وآسر ياسين وسلمى نفوا القاعدة دي تماما قالوا إن من معايير الجمال الشعر الناعم حاليا اتنشرت للشباب قبل البنات أنهم يحبوا طبيعة شعرهم وبقوا بيهتموا بشعرهم الكيرلي ويحبوه ونسيوا البروتين خالص.
ابتسامتها زادت وهي بتكمل
قالوا إن أجمد الرجالة هي الرجالة اللي عندها عضلات واللي جسمهم مظبوط أوي وبتاع جه ماجد الكدواني ومحمد ممدوح وآمن سليم محوا القاعدة دي من القاموس.
ضحكت جامد على آخر إسم بعدين ضحكتي هديت وبقت ابتسامة هادية
أنت جميلة أوي يا رها قلبا وقالبا.
سمعت كلامها وأخدت الخطوة دي عشان نفسي قبل أي حد حابب احس إني خفيف واتحرك بسهولة ولأول مرة فعلا تجيلي الأرادة إني أخس أكتر من 30 كيلو وفي وقت قياسي جدا كمان.
يوم الفرح أنا كنت عاملها مفاجأة بشكلي الجديد من قبل الفرح بكتير وأنا مش بشوفها تقريبا كنت بتلاشاها بأي طريقة وكل مرة بحجة شكل ووقت التجهيزات حتى كان بينزل معاها ماما وحنين مرات أحمد أخويا وكانت بتبعتلي تختار معايا على الواتساب وكل شوية پنتخانق بسبب